CHAPITRE CLXX
De
mm
en registres les haulx faicts et honnourables des chevaliers qui par le roy d’armes d’icellui ordre lui seront rapportés; et pareillement mectra léalement par escript les peines et corrections données aux chevalliers de l’ordre ès chappitres et assemblées ; enregistrera les actes desdits chappitres; se acquittera et fera son debvoir en toutes escriptures touchant l'office ; tiendra secret les consaulx de l'ordre; et icelluy office exercera bien et loyaulment et duement, à son pouvoir.
« Item, à l'élection du roy d'armes, nommé Thoison-d'Or, on procèdera en la manière que dict est du trésorier et greffier ; et fera les sermens qui s’enssuivent : C’est assavoir, qu'il enquerra des haulx faits des chevalliers de l'ordre, sans faveur, amour, hayne, dhommaige, prouffiet ou autre affection; et en fera véritable rapport au greffier de l’ordre, pour estre mis ès cronicques ou registres, comme faire se debvera.
« Item, que bien et diligemment il fera ou faire fera les messages qui lui serontenchargiés, et obéyra au souverain et chevalliers del'ordre, en touttes choses servant loyaulment et dilligamment à son povoir. »
