CHAPITRE CLXX
Comment le prince d'Orange ct les Bourguignons furent descontits à la bataille des Daulphinois, devant Anthonno;
et comment le seigneur de Montagu fut privé de l'ordre de la Thoison-d'Or.
En celuy an, le prinee d'Orange, quy estoit gouverneur de Languedoc, fist de grants conquestes en iceluy pays sur les gens d’armes du daulphin. Or advint qu’il mist ung siége devant une place nommée Anthonne, que les gens du daulphin tenoient. Le daulphin, pour secourir ses gens, fist ung grant amas de gens d'armes et de traict. Entre lesquels y furent le seigneur de Gaucourt, gouverneur du daulphin, et pluiseurs aultres seigneurs dudict pays, et aussy de Lionnois; et avec eulx, Digne de Villendras, Edute de Ribedieux, Sallesart, et pluiseurs aultres capitaines. Et quand ils furent assemblés, ils se mirent auix champs pour combattre le prince d'Orange, quy estoit grandement aecompaigné de pluiseurs grands seigneurs de Bourgongne ; lesquels, véants leurs adversaires, se mirent en belle ordonnance avec bannières déployées et cottes d'armes vestues.
Que vous diroye? les puissances s’assemblèrent ensemble et{ combattirent; mais la for- ” tune tourna sur les Bourgongnons; et là furent pluiseurs grants seigneurs de Bourgongne morts et prins. Le prince d'Orange se saulva; et aussy fist le seigneur de Montagu, quy portoit l’ordre de la Thoison-d’Or, dont il fut fort repris. Et pource que, par le chappitre de la Thoison-d'Or, il y a trois choses parquoy on peult perdre ladicte ordre, c’est assavoir, si ung des chevaliers dudict ordre estoit atteint ou convaincu de trahison, d’hérésie, ou que il se trouvast en journée de bataille, où cottes d’armes et bannières fussent desployées, et procéder aussy avant que jusques à combattre sans estre victorieulx, mort ni prins, pour l’ung de ces trois cas, il seroit privé et déboutté de iceluy noble ordre et fraternelle compaignie de l’ordre de la Thoison-d’Or. Or est vray que le seigneur de Montagu ne fut victorieulx, mort ni pris.
Pour laquelle cause il fut mandé à comparoir en personne devant le duc , fondateur, chief et souverain. et les aultres chevalliers de l’ordre de la Thoison-d’Or, au prochain chappitre lors ensuivant. Auquel chappitre le seigneur de Montagu ne comparut point, mais envoya pour ouyr che de quoy on le vouldroit accuser. Aux quels il fut dict : que ledict de Montagu , leur maistre, avoit offense faict, et commis cas par quoy il debvoit estre privé et déboutté de la noble compaignie de la Thoison-d’Or, et de ne jamais porter le collier ni enseigne d’iceluy noble ordre, en leur enjoingnant, de par le duc et ceulx de l’ordre, qu'ils deissent au seigneur de Montagu, leur maistre, qu'il renvoyast le collier, et que jamais il ne le portast. À quoy iceulx notables gens envoyés de par le seigneur de Montagarespondirent. Et monstrèrent maintes bellesetgrandesexcusations pour ledictseigneur de Montagu, disants que, au jour de la bataille, il avoit, par sa vaillance, sauvé maints chevaliers et escuycrs d’estre morts ou prins, et que, par pluiseurs fois, il soustint le faix des ennemis, les fist arrester et retarder de la chasse qu’ils faisoient sur eulx; et prenoit à prouver
par nobles hommes, qu’en che feut le derrain
retrayant de la besogne ; et, s’il ne voulait, à
MÉMOIRES DE SAINT-REMY
son droit escient , estre mort ou prins, aultre- ; ment ne povoit faire. Et si, pour bien faire, il :
falloit qu’il perdist icelle noble compaignie de :
l’ordre, il Iyy sembloit que c’estoit une dure
chose à porter ; mesmement qu'il s’estoit gou-
verné iceluy jour si vaillamment que corps de
chevalier povoit faire. Touttefais, quelque re-
monstrance que les gens du seigneur de Mon-
tagu sceussent faire, le seigneur de Montagu ne
feut receu à excusation nulle; et fut procédé
allencontre de luy ; et, par les opinions, ceulx del’ordredela Thoison d’Orestansenleurchappitre, nonobstant pluiseurs poursuites qui lors se feirent, depuis, le seigneur de Montagu fut jugié de non jamais porter le collier de la Thoison-d'Or, et d’estre privé et déboutté de la noble compaignie d’icelle ordre. Quand le seigneur de Montagu sceut la sentence, il fut dollent et desplaisant que jamais homme ne povoit plus estre ; car il estoit vaillant chevalier et de grant courage. Pour laquelle cause il fist ses ordonnances, et fist finances pour s’en aller au sainct voyage du sainct Sépulchre de Jérusalem; duquel voyage ne retourna oncque depuis, et là fina ses jours. Dieu en aye l'ame! Aulcuns voeullent dire que le prince d'Orange avoit porté le collier de l’ordre de la Thoison-d'Or; mais bien poeult estre que, à la cause de ladicte journée, il perdit d’avoir ledict collier et ordre; car il estoit bien homme pour estre en icelle belle compaignie, n’eust esté la douloureuse et mauldicte aventure quy luy advint. Je lairay à parler de la bataille de Languedoc, et parlerai de celle des Barrois, où le duc de Bar fut prins et Barbasan mort.
