CHAPITRE CLXXI

mariage, qui fut ung grant bien pour les du- : car quand ils veirent la grant puissance, ils

chiés de Bar et de Lorraine; car de long-temps avoit en icelles seigneuries guerres et divisions, qui par icelluy mariage furent en paix et unis soubs ung seul seigneur. Aulcuns disoient que ladicte seigneurie de Lorraine s’estoit entretenue si long-temps qu’il n’estoit mémoire du contraire, tousjours venans de père en fils. Or estoit lors un nommé Ferry de Lorraine, yssu de la maison de Lorraine, lors si prochain du duc de Lorraine que son nepveu, et cousin-germain de l’héritière, femme dudict René, fils du roy Loys. Si advint, ne sçai si ce fut par partage où aultrement, que guerre s’esmeut entre icellui René, duc de Bar et de Lorraine, allencontre du comte de Vaudemont, seigneur de Genville, de Boves et aultres seigneurics. René, duc de Bar et de Lorraine, se trouva le plus puissant, et tellement que le comte de Vaudemont eust esté tout destruit, n’eust été qu'il se retraict devers le duc, lequel pour lors estoit en la ville de Gand, et là lui remonstra que ses prédécesseurs, ducs de Lorraine, avoient tousjours esté amis et alliés de la maison de Bourgongne, en lui requérant qu’il lui voulsist faire ayde de gens d'armes et de traict. Le duc lui ordonna et accorda cappitaines de Picardie, qui eslevèrent grant nombre d’archiers ; et avec ce rescripvist et manda aulx grands seigneurs de Bourgongne : qu'ils se missent sus en armes, et qu’ils feissent toutte l’assistance et ayde qu'ils pourroient audict comte de Vaudemont. Tant fut la chose exploittiée que Bourguignons et Picards se trouvèrent ensemble avec le comte de Vaudemont ; et se mirent avec eulx deulx chevaliers d'Angleterre, lung nommé messire Jehan Adam, et l’aultre messire Thomas Gargaron. Quand icelles compaignies furent ensemble, ils prirent le chemin pour tirer en la comté de Vaudemont, que René, duc de Bar, destruisoit du tout par feu et espée. Quand le duc de Bar sceult le comte’de Vaudemont et les Bourguignons venir, il print les champs pour aller au-devant d’eulx. En sa compaignie avoit Franchois, Barrois, Lorrains et Allemands en bien grant nombre; et tant procédèrent le duc de Bar et ses adversaires, que ils virent l’ung l’autre. Le duc de Bar, qui

avoit merveilles grans gens , ne fist guères de |

compte du comte de Vaudemont ne des Bourguignons; et les Bourguignons au contraire;

prinrent place la plus avantageuse qu’ils peurent pour eulx, laquelle estoit de grans buissons et haies, que ils avoient endossés ; et aux deulx ailes de leur bataille s’estoient fermés de leur carroy ; et oultre avec ce, les archiers s’estoient fortifies de peuchons aguisiés aux deulx bouts. Quand le duc de Bar vit qu'ils avoient prins place, bien cuida qu'ils fussent à sa vollenté; et ordonna batailles pour les combattre à pied et à cheval; et de ceste opinion estoient la plupart de ses gens, excepté ung vaillant chevallier nommé Barbasan, natif de France, qui fut d'opinion contraire, disant que mieulx les vauldroit affamer que combattre, veu le lieu où ils estoient ; car de nul costé du monde ne povoient avoir vivres; et si estoit la puissance du duc de Bar si grande que bien povoient garder que vivres ne leur povoient venir. Son oppinion fut rebouttée. Et disoient aulcuns que grant honte seroit de les laissier en la place où ils estoient, sans combattre, veu le petit nombre qu’ils estoient ; et y eult aulcuns qui dirent à Barbasan : « Qui a paour des fœulles, si ne « voiset pas au bois. » Il respondit : « Icelles parol- « les sont pour moi. La merchi Dieu! j'ai vescu « sans reproche, et aujourd’hui l’on verra si je « le dis pour lacheté ne pour crainte d’eulx; « mais le dis pour le mieulx et pour éviter les « dangiers qui en pourroient advenir. » Que vous en diroye-je? Le duc de Bar et toutte sa puissance, sans grant ordonnance, marchèrent comme tous à cheval, et par espécial les Allemands, lesquels cuidoient de prime fache, à la puissance de leurs corps et chevaulx, desfaire de tous points les Bourguignons. Mais ils les trouvèrent si bien ordonnes, et fortifiés darrière et aulx costés, que peu leur firent de mal ; et, au contraire, ils furent receus à pointes de lances et de traicts, servis à si grant habondance, que eulx et leurs chevaulx furent navrés et bleschiés, par telle fachon que en grant désarroi ils se retrayrent. Le duc de Bar, véant ce desroi, se mit à pied, en sa compaignie pluiseurs grans seigneurs d’Allemaigne, le bon chevallier Barbasan, et pluiseurs aultres. Et quand ils se trouvèrent auprès de la bataille, les archiers bourguignons commenchèerent à tirer sur eulx, tellement que pluiseurs en furent morts et bleschiés; et avec ce, les Bourguignons (1) Aille.

estoient si bien fermés et en si belle ordonnance que le duc de Bar ne ses gens ne leur povoient faire mal sans grant perte. Les Bourguignons, véants le desroi des gens du duc de Bar, issirent hors de leur fort et combattirent le duc de Bar; et ses gens à peu de perte obtinrent la victoire; et là fut le duc de Bar prins; le comte de Salverne, et pluiseurs aultres grans seigneurs d’Allemaigne morts ; le bon chevallier Barbasan mort; le seigneur de Rodemarcq prins, et pluiseurs autres. Le duc de Bar fut prins de la main d’ung homme d'armes Hainuyer, nommé Martin Frivart, qui depuis fut bailli de Nostre-Dame de Haulx, auquel le duc donna dix mille francs d'argent comptant, et cinq cents francs de rente pendant sa vie, et le duc, comme raison estoit, eult le duc de Bar son prisonnier. En icelle battaille eut de grants seigneurs de Bourgongne, c’est assavoir messire Anthoine de Toulonjon, mareschal de Bourgongne, et la plus grant partie des seigneurs, chevalliers et escuyers de la duchié et comté de Bourgongne, les gens du prince d’Orange et son étandart. Icelle journée fut à grant honneur et profit du duc, et, par espécial, du comte de Vaudemont : car tout eust esté destruit, n’eust esté le secours et ayde que le duc lui fist. Lors estoit commune renommée que lintention du duc de Bgr estoit la comté de Vaudemont et la scigneurie de Genville conquister, comme bien lui sembloit estre audessus de conqueste la duchié et comté de Bourgongne, et aultre chose avec. Et quant à moy, je luy ouy une fois dire en la ville de Dijon, lui estant prisonnier du duc, que au jour qu'il fut prins à la battaille dessusdicte, que bien lui sembloit avoir gens assez pour combattre tout le monde pour ung jour; mais en peu d'heures fortune l’avoit bien bas mis, disant : puisqu'il falloit que ainsi fust, il debvoit bien louer Dieu d’estre cheu en la main de son beau-cousin de Bourgongne. Et disoit lors : « L'homme propose et Dieu dispose». Jelayray à parler de la battaille de Barrois, et parleray d’une besongne qui se fist assez près de Beauvais, et qui s'appelle la battaille du Bregier.

MEMOIRES DE SAINT-REMY

[1439] CHAPITRE GLXXII.

De la bataille du Bregier, où les Franchois furent desconfits des Anglois.

Bien advez ouy parler comment aulcuns, de legier et créance voullaige, se bouttèrent à croire que les faicts de la Pucelle estoient choses miraculeuses et permises de par Dieu; et fort y furent pluiseurs enclins de le croire. Or advint apprès la mort de Jehanne la Pucelle que aussi aulcuns de folle créance mirent sus un fol bregier, lequel, comme avoit dict la Pucelle Jehanne, disoit qu’il avoit révélation divine afin qu’il se mist sus en armes, afin d’aidier ce noble roy de France. Icelle folie fut expérimentée à la charge, perte et déshonneur du royaulme. Et advint que pluiseurs nottables seigneurs et cappitaines, eulx confiants en iceluy bregier, se mirent aulx champs; et quand les Anglois le sceurent, ils firent une grant assemblée pour résister allencontre d’eulx. De la part des Franchois estoient le mareschal de Boussac, Pothon de Saincte-Trailles, La Hire, et pluiseurs aultres cappitaines ; en leur compaignie, le ‘chief, ce meschant bregier. De la part des Anglois, estoient le comte d’Arondel, le seigneur de Tallebot, et pluiseurs aultres : lesquels Franchois et Anglois assemblèrent à battaille, et combattirent très vaillainment les ungs et les aultres. Touttefois la fortune tourna sur les Franchois; et là furent pluiseurs morts et prins; le vaillant Pothon de Saincte-Trailles, qui depuis fut mareschal de France, y fut prins; et se y fut prins le povre bregier sur lequel estoit l'espérance des Franchois. Le mareschal de Boussac, La Hire, et aultres, se retrayrent à Beauvais; et les Anglois, à grant honneur, triomphe et gloire, s’en retournérent atout leurs proies et econquestes; et là fut mené le bregier. Qu'il devinst depuis, je ne sçai; mais je ouy dire qu’il avoit esté gecté en la rivière de Seine et noyé. Icelle bataille fust appelée la battaille du Bregier : laquelle battaille est plus au long escripte ès livres de ceulx qui en ont cronicqué. Et atant je m'en passe, et me souffist d’en faire mencion.

[1439] CHAPITRE CLXXIIL

Gomment Ie duc de Bethfort, régent de Franche ,asségia Laiguy-sur-Marne, laquelle fut ravitaillce des Franchois, et le siége délaissié par ledict régent.

En lan 1432, le duc de Bethfort, lors régent de France, assembla une grant armée pour mectre le siége devant la ville de Laigny-sur- Marne, que les Franchois tenoient et occupoient. Après ce que le régent ot faict son amas de gens, il s’en alla assegier icelle ville de Laigny, et fist faire pont sur la rivière de Marne; et, moyennant iceluy pont, fut la ville toutte assicgée, et puis approchiée et battue de bombardes et canons et aultre artillerie, ainsi qu'ilestoit coustume de faireen siége de si grant prince que lors estoit le duc de Bethfort, régent de France. Dedans laquelle ville estoit cappitaine pour les Franchois ung gentil chevallier, nommé Jehan Foucault, qui à la garde d'icelle ville se gouverna honnourablement. Que vous diroie-je? Après ce que le siége eust été par grant espasse devant icelle ville, les Franchois se assemblérent en grant nombre, entre lesquels estoient le bastard d'Orléans, chevallier vaillant et bien renommé, et grant nombre d’aultres seigneurs, cappitaines et nobles hommes. Et quand le regent sceult la venue des Franchois, il print place, cuidant combattre; en laquelle place les gens de son siége se retrayrent comme tous ensemble. Quand les Franchois furent venus, ils demourèrent à cheval en moult belle et grant ordonnance; et bien sembloit que ils ne demandassent que la battaille. Ft lors levèrent une grant escarmouche; et, pendant icelle escarmouche, ils firent boutter foison vivres qu’ils avoient faict amencr avec eulx ; et, avec ce, y bouttèrent pluiseurs vail- Jants hommes pour aydier ceulx de la ville.

Icelles choses faictes, et la ville ravitaillée et rafraischie de gens, comme dict est, les Franchois s’en retournèrent en leurs villes, chasteaulx et places, quand le régent, qui avoit veu le ravitaillement, leva son siège et s’en alia à Paris. Iceluy jour fut le jour Sainct-Laurent, l'an dessusdict, que lors il fit si très chaud que pluiseurs Anglois moururent de la chaleur ; et le régent fut tellement féru du soleil qu'il en fut malade; car il estoit sanghin, cras ct replet, et aussi je crois bien que desplaisance et envie lui furent fort contraires, car, à la vérité