CHAPITRE CLXXIVWV
De la seconde feste et solempnité de la Thoison-d'Or, quy fut tenue à Bruges.
La seconde solempnité et chapitre de l’ordre de la Thoison-d’Or, en l’an dessusdict, fut tenu en la ville de Bruges, à la Sainct-Andrieu, mil quatre cent trente-deux. Et comparurent personnellement avec le souverain dudict ordre, le seigneur de Roubaix, messire Rolland d'Utquerque, messire David de Brimeu, messire Hues de Lannoy, le seigneur de Commines, le comte de Sainct-Pol, messire Guillebert de Lannoy, le seigneur de Crov, messire Jacques de Brimeu, messire Baulduin de Lannoy, le seigneur de Ternand, messire Jehan de Croy, messire Jehan de Créqui, et le comte de Nevers: et par procureurs comparurent messire Anthoine de Vergy, le comte de Ligny, le seigneur de lIsle-Adam, le seigneur de Charny; messire Regnier Pot, et messire Anthoine de Toulonjon estoient allés de vie à trespas; et messire Florimont et messire Simon de Lalaing estoient prisonniers de guerre. Apprès les solempnités du service divin en l'église Sainct-Donat, le souverain ct chevalliers et frères dudict ordre, entrérent au chapitre de ladicte église de Sainct. Donat, le premier jour de décembre, vestus de leurs habits d’iceluy ordre, comme il appartenoit. Auquel chaquel le souverain et chevalliers, séant aussi en sièges paraulx, les ungs à dextre, les aultres à sénestre, selon l’ordre, procédèrent à l'élection de deux chevalliers pour estre frères dudict ordre, l’ung au lieu de messire Regnier Pot, et l'aultre au lieu de deffunt messire Anthoine de Toulonjon , ainsi qu'il est accoustumé en ordre de faire. Et fut éleu messire Andrieu de Toulonjon, pour lors pélerin en la Terre Sainete, frère et compaignon de l’ordre, au lieu de messire Regnier Pot ; mais ledict messire Andrieu alla de vie à trespas audit sainct voyage; et par ainsi ne porta point le collier dudict ordre, et le seigneur d’Anthoing fut éleu à seigneur et compaignon dudict ordre, au lieu de messire Andrieu de Toulonjon; et hui fut porté le collier de l’ordre par Thoison-d’Or ! ; lequel il receut très amiablement et aggréablement ; et depuis, ledict seigneur d’Anthoing alis
(3) Lefebvre de St-Remy, auteur des présentes chroniques,
devers le duc le merchier très humblement, et aussi à messeigneurs de l'ordre, fist le serment ès mains du duc aussi, et par la manière qu’il est accoustumé.
