CHAPITRE CLXXX
de drap d’or; et tantost après fust la dame menée par les ducs et damoiselles là où estoit la royne de Sezille, hors de la chambre, jusques en court du chastel pour aller soupper; et en icelle court vindrent assembler avec les dames et damoiselles, le duc et les ducs de Savoie et de Bar, et pluiseurs grans seigneurs qui là estoient. Et, durant ladicte feste, les princes et princesses s’assemblèrent en ladicte court à l’heure que on debvoit disner ou soupper. La dame fust menée en la salle par le duc et le duc de Bar. Lors lavèrent, puis assirent à table, comme cy-apprès est escript : le cardinal de Cippre, le duc, la dame des nopces, la royne de Sezille, le duc de Bar, Jehan, monseigneur de Clèves, et Jehan monseigneur de Nevers; la seconde table: le prince d’Oranges, la dame de Vauvert, le viscomte de Moriene, la damoiselle de Bon-Repos, messire Jehan d’Assonville, la dame du Chastiau-le-Palus, la damoiselle de Sallenove. La tierce table : Christophe de Harcourt, le duc de Savoie, la dame de Gaucourt, le comte de Monrevel, le seigneur de Tallenchon. La quarte table: l’evesque de Moriène, l’evesque de Thurin, l’evesque de Velais, le provost de Mongat. La quinte table: le marquis de Salusse, la dame de Millan, la bailliesse de Savoie, la dame de Vergectes, la dame de la Marche. La sixième table : le seigneur de Bussi, le seigneur de Vauvert, le seigneur de Palus, la femme de Pierre de Menton , la femme de Guille de Genève. La septiesme table : le comte de Fribourg, la dame de Piémont, le seigneur de Blammont, la dame de Chorague, la dame de Barbazan, la dame de Monnajour, la dame des Allemens.
Et avec che y avoit pluiseurs chevalliers et escuyers qui alloient devant les mests : premiers, Guille du Bois, premier maistre d’hostel du duc, messire Pierre Amblart, maistre d’hostel de Savoie, Melfroy de Salusse, mareschal de Savoie, messire Ymbert, bastard de Savoie, le bastard de la Morée, messire Nicolle de Menton, le seigneur de Briaux, messire Boniface d'Oussex, le seigneur de Battray, Pierre de Menton, Philibert de Menton, Jehan Mareschal. Ladicte salle fut très grandement et plantureusement servie; et tant belle chose estoit à veoir que merveilles. Et pour entremest de viandes, y eult chines! tous blans, et sur (1) Cygnes,
chaseun chine avoit une bannière des grans seigneurs qui là estoient, dont il y avoit grand foison. Apprès y eult aussi ung aultre entremest de deux héraulx du duc de Savoie, lesquels estoient vestus, et leurs chevaulx couverts des armes de Savoie, et apprès eulx avoit quattre trompettes sur chevaulx de artifice, Couverts, eulx et leurs chevaulx, desdictes armes; après lesdictes trompettes avoit douze gentilshommes qui portoient chascun une bannière en main, armoyée des ducés, comtés et seigncuries du duc de Savoie, et estoit chascun gentilhomme vestu et armoyé, et leurs chevaulx. Lesquels chevaulx estoient tous d’artifice, excepté les deulx chevaulx des deulx héraulx dessusdicts, qui estoit chevaalx à chevaulchier; et ainsi entrèrent en ladicte salle, trompettes et clarons jouants, et les douze gentilshommes, atout leurs bannières, saillants et poursaillants, tellement que belle chose estoit à veoir. À icellui soupper avoit pluiscurs trompettes et mencstreulx de divers pays, jouant devant la grant table. Après che, y eult pluiseurs rois d’armes, heraulx et poursuivants de divers licux dont les noms s’ensuivent : Le roy d’armes de la Thoison-d’Or, Autheriche, Savoie, France, comté de Genève; héraulx : Hermenie, Romarimon, Monreal, Argueil, Esprunier, Hurier, Zunicant, Humble- Requeste, Doulce-Pensée, Leal-Poursuite ; auxquels fut donné par le duc de Savoie deulx cents francs, monnoie de Savoie, pour crier largesse. Apprès soupper commenchèrent les dances, où il y eult grant noblesse ; dont il y eult entre les aultres choses, vingt-six chevaliers, escuyers, dames et damoiselles qui dansèrent deulx et deulx, dont le duc et la dame de Gaucourt furent premiers, le duc de Bar et la dame de Rie, apprès le prince d'Oranges et la dame de Gensy, le marquis de Salusse et la dame de Veussel et pluiseurs aultres, jusques au nombre dessusdict. Lesquels chevalliers, escuyers, dames et damoiselles furent tous vestus de drap de soie vermeil, et dessus batture à fachon de drap d'argent, très richeinent faict. Et avoient les chevalliers et escuyers leurs robbes bordées de martres, et les dames et damoiselles, colliers et brodures de laitices1. Ainssi dansèrent icelle nuict les dessus nommés, et après les dances fut appareillé ung très (1) Fourrures de couleur de lait.
MÉMOIRES DE SAINT-REMY
bel bancquet pour tous ceulx qui bancqueter voulloient ; ainsi passa la première nuit en très grant joye. Le lundy, huitiesme jour du mois ensuivant, furent les princes et les prin-
cesses dessus nommés en la grande chappelle dudict chastel ouyr messe, laquelle fut celebrée par l’evesque de Morienne, et chantée par les chappelains du duc tant mélodieusement que c’estoit belle chose à ouyr; car pour l’eure on tenoit la chappelle du duc la meilleure du monde, du nombre qu'ils estoient. Et à icelle messe ne fut à l’offrande que la dame des nopces. Apprès icelle messe chantée, se retrayrent les dessus nommés en leurs chambres, et tantost apprès se rassemblèrent en la court du chastel et allèrent ensemble disner en la grant salle. L’assiette de la grant table fut : le cardinal de Cippre, la royne de Sezille, le duc, la dame des nopces, le duc de Bar, Jehan monseigneur de Cleves, Jehan monseigneur de Neters; et aux aultres tables furent assis les chevalliers, escuyers, dames et damoiselles, comme le jour devant avoient esté. Sy fut la salle servie très grandement, et allerent les chevalliers, escuyers, trompettes et menestreulx devant les mests, comme le jour precedent. À icellui disner, eut ung entremest d’une nef à voille, mast et hune, en laquelle hune avoit ung homme, et au chastel de derrière estoit le patron de la nef, au long de la salle formée de seraines ! qui chantoient très gracieusement ; et estoit icelle nef chargée de poissons, desquels en fut dechargiée partie devant la grant table. En ce mesme disner jouerent trompettes et menestreulx, comme le jour de
vant, et leur fut donné par Ymbert, bastard de Savoie, cinquante francs pour crier largesse ; ainsi se passa le disner ; apprès, les danses ; et qui danser voulloit, dansoit. Au souper furent les seigneurs, dames et damoiselles en la salle, et fut l'assiette faicte comme celle du disner, et fut ladicte salle grandement servie; et durant icellui soupper y eult ung entremest d'un destrier mené par deulx varlets, à fachon d’olifant, et dessus ung chastel de bois là où il y avoit ung gentilhomme, lequel avoit ailes de plumes de paon, et ordonné à façon de dieu d'amour, et tenoit en sa main ung arc dont il trayoit de table en table, dessus les dames et damoiselles, roses blances et ver-
(1) Syrènes.
meilles, et ainsi alla deulx tours au long de la salle; et fut si bien faict que c’estoit belle chose à veoir. Apprès jouerent les trompettes et menestreulx devant la table, et leur fut donné par le cardinal de Cippre cinquante francs pour crier largesse. Et après graces dictes commenchèrent les danses, èsquelles danses y eut pluiseurs grans seigneurs, dames
et damoiselles, jusques au nombre de trente à quarante, tous vestus de blanc, or, clinquant, et sur leurstestes bourlets pareilles des robbes. Et avoient les chevalliers et escuyers leurs robbes à longues mances aguës, et chains de grosses chaintures plaines de clochettes, et les dames et damoiselles justes robbes; et dansèrent en tel estat deulx et deulx. Et menoit le duc la royne de Sezille, le duc de Bar la dame de Vergectes, et tous les aultres pareillement dansèrent comme la nuit devant; et apprès icelles danses fut apporté vin et espisses, et ainsi passa icelle nuit. Le mardi ensuivant furent les seigneurs, dames et damoiselles, en la chappelle dessusdicte, oyr messe. Apprès la messe allèrent disner en la salle, excepté le duc et le duc de Savoie, lesquels disnerent en leurs chambres. L’assiette de la grant table: le cardinal de Cippre, la royne de Sezille, le duc de Bar, la dame des nopces, Jehan monseigneur de Clèves, Jehan monseigneur de Nevers, et les aultres tables ainsi que devant avoient esté, réservé que Philippes de Savoye fut assis en la place du duc de Savoie, son pere. Là y eult ung entremest de quatre hommes, en fourme d'hommes saulvaiges, lesquels portoient ung jardin vert plain de roses, et dedans ledict jardin avoit ung boucquetin en vie, lequel avoit les cornes dorées d’or; etestoit ledict boucquetin si bien attachié sur le jardin qu’il ne se povoit bougier; et ce jour jouerent trompettes et ménestreulx. et leur donna messire de Salusse trente francs, monnoie du pays, pour crier largesse. Ainsi passa le disner dessusdict, et après le disner les danses. Icellui jour, au soupper, furent lesdicts princes et princesses, en la salle comme dessus. À icellui soupper y eult ung entremest de quatre hommes, lesquels portoient ung pasté au long de la salle; et fust ouvert devant la grant table, et avoit dedans ledict pasté ung
