CHAPITRE XLVI
Conmenut l'empereur Frédericq espousa pour femme la flle
du roy de Portugal, et du discord quy feut en Augleterre
pour le gou\crnemeut du royaulme entre le duc d'Yorck et le duc de Sombreset; el de l'ambassade du pape.
Audict temps, l’an cinquante etung, feut l’empereur Fredericq, duc d'Autriche, couronné et espousé à Rome, par le pape Nicolas, à la fille du roy de Portugal, et y eut grande feste et sollempnité , comme aulx parties appartenoit bien ; et après peu de temps se parteit de Rome, et s'en retourna en Allemagne, et y mena sa femme ; et la feurent grandement et honnorablement receus, selon les usages et stile du pays.
En icelle mesme année, y eut grandes discordes en Angleterre, entre les ducs d’Yorck et de Sombreset, pour le gouvernement du royaulme; et estoit le roy d'Angleterre pour le duc de Sombreset. lequel tenoit les champsavecques sa puissance, en belle bataille bien ordonnée; le duc d’Yorck pareillement les siens en bataille. Et feurent les ungs debvant les aultres cuidants combattre; mais les prélats, avecques ceulx du pays, considérants les grands maulx quy s’en polroient ensuivir, trouvèrent manière de traicter; et promeit le duc d’Yorck non jamais faire assemblée ne armée contre son roy ;
. et ainsyse retrairent chascun en son lieu.
En icelluy temps, vint le cardinal d’Estouteville, avecques l’archevesque de Rouan, devers le roy, comme légat du pape, et commis de par le pape Nicolas, luy requérir qu'il voulsist faire paix avecques le roy d'Angleterre ; car la guerre quy estoit entre eulx deulx portoit grand préjudice à la foy catholique; et plus se polroit faire, se brief ne se faisoit l'accord entre les deulx royaulmes; car touts les joursles Turcqs et infidels entreprenoient et gagnoient pays sur les chrestiens. À quoy feut respondu par le roy qu'il estoit prest d’y entendre en toutes bonnes voyes pour icelle paix trouver; et encoires estoit prest avecques ce de s’employer sur les mescréants en tout ce quy luy seroit possible. Et cependant qu'’icelluy cardinal estoit devers le roy, le pape, ayant la chose à cœur, envoya l’archevesque de Ravenne, quy estoit extraict de la famille des Ursins de Rome, devers le roy d'Angleterre ; lequel luy remonstra semblablement qu’il voulsist faire paix avecques le roy de France, pour les raisons devant touchiées, et que la division polroit engendrer contempt { contre la chrestienneté, attendu que les infidels conquéroient sur les marches de Hongrie et des Allemaignes très fort. Auquel feut respondu pour le roy d'Angleterre, par ceulx à ce commis, Car icelluy roy n’estoit point des plus malicieulx, et ne se mesloit comme peu du gouvernement du royaulme : que quand les Anglois auroient autant conquesté du pays de France que le roy de France avoit conquesté sur eux, il seroit temps de parler d’icelle matière. Et sur ceste response retourna ledict archevesque d’une part, et ledict cardinal d’aultre, porter leur response au pape Nicolas; et aultres choses par eulx ne feurent faictes en ceste matière.
