CHAPITRE CLXXXIV

Du jugement d'armes quy se fist à Arras, à l'occasion du débat entre messire Collart, dict Florimont de Brimeu, d'une part, et messire David de Brimeu, son oncle, d’aultre part, pour les armes de la bannière et seigneurie de Brimeu.

Or faut parler du jugement d'armes quy se fist, le treiziesme jour d’aoust, en l’hostel du duc, par nobles chevaliers et escuyers. Et fut la question telle: que ung seigneur de Brimeu, chief des armes de Brimeu, lequel avoit ung frère maisné de luy , nommé Guille, ct n’avoit d’enfants que une fille, laquelle il maria à ung chevalier , nommé messire David de Poix ; issu de Poix , nonobstant qu'il n’estoit pas seigneur, or morut ledit seigneur de Brimeu ; et demoura audit David toute la seigneurie et terre de Brimeu , à cause de sa femme ; et print les armes et le nom de Brimeu en délaissant celles de Poix,