CHAPITRE CLXXXIII
« vostre seigneurie, là où je ai eut moult de «travail par terre et par mer, et une grande « despense pour si peu de chose faire. J’eusse « bien voulu qu’il vous eust pleu de nous lais- «ser ung peu esbattre,et encoires prendre ung « petit de plaisir en armes.» Le duc lui dit qu’il avoit très bien et très vaillamment faict, et qu'il tenoit les armes accomplies. Alors ledict chevallier répliqua, et dit : « Très redoubté sei- « gneur, les longs voyages et travail que j'ai sfaict pour venir devant vostre seigneurie, « laquelle est tant et si noblement recomman- « dée par tout le monde, me fait penser et en- « vier que vous ne nous avez laissiés plus avant « besognier, s’il vous eust pleu.» Le duc luy respondit : « Vous ne debvez estre mal content; «car vous avez faict très vaillamment ; aussi a « l’autre ; si tiengs les armes pour touttes par- «faictes et accomplies. — Adonc, respon- « dit-il, puisque il plaist ainsi à vostre noble « seigneurie, ilen soit faict à vostre noble plai- «sir, Car je ne puis aultre chose faire. » Et en che point, il se retrait pour aller devers son pavillon. Le seigneur de Santes vint dire au duc quel chose il lui plaisoit qu’ils fissent , et que on avoit veu aultrefois que on les faisoit toucher ensemble. Adonc, dist le duc que on les fist venir tous deulx, et que on les fist toucher ensemble par bonne amour. Ils vindrent tous deulx devant le duc, et ostèrent leurs gantelets, et bénignement ils se touchtrent ensemble; et Dieu scet les révérences et remerciances qu’ils faisoient. Si prinrent congié du duc et se partirent du champ honnorablement. Le vingt.
deuxiesme jour du mois d’aoust, entra en ladicte ville d'Arras l’évesque de Liége, en compaignie de nobles chevaliers et escuyers, gentilhommes et aultres, richement babilliés, au nombre de deulx cents quarante-six chevaulx ; et s’en alla tout droict à l’hostel du duc. En ce mesme jour, entra l'ambassade d'Angleterre en la ville d'Arras; pour laquelle cause le duc monta à cheval pour aller au-devant d’eulx, très noblement accompaignié de ses seigneurs, comtes, barons, chevaliers et escuyers. Pareillement se mirent ensemble tous Îles cardinaulx et tous les archevesques et evesques quy estoient en ladicte ville.et s'enallèrent allencontredeladicte ambassade ; en laquelle ambassade estoient le cardinal de Vincestre, le comte de Hontinton, le comte de Suffort et pluiseurs aultres, lesquels
venoient du royaulme d’Angleterre. Sy les accompaigna toutte la compaignie jusques en leglise Nostre-Dame en la cité, là où lesdits cardinal et seigneurs d'Angleterre furent logiés. Et là y eut de grands honneurs et révérences faictes, et puis s'en départirent. Le cardinal de Vincestre et le comte de Hontinton furent noblement accompaigniés de nobles barons, chevaliers et escuyers, moult richement et nottablement habilliés et montés, jusques au nombre de cinq cents chevaulx ou environ. Or faut parler du disner que fist le duc en son hostel en la ville d'Arras. Vray est que, le premier jour de septembre, tint le duc estat, et fist ung moult noble disner, là où furent conviés les nobles seigneurs d'Angleterre, ambassadeurs, dont dessus est faicte mention ; et y furent les estats moult grands et honnourables. L’assiette de la grand” table fut : l’archevesque d’York, le cardinal de Vincestre , le
duc, le duc de Gueldres, l’évesque de Liége, le.
duc de Buillon, le comte de Suffort, le comte de Hontinton ; et puis les nobles barons, chevaliers et escuvers aux aultres tables , de degré en degré. Comme ils furent servis ne faut pas demander, car le duc fut en son vivant ung trésor d'honneur, et par tant je me passe de plus rien dire. En iceluy jour entra en la ville d'Arras une grand’ ambassade envoyée par l’université de Paris, où il y avoit de moult notables docteurs et clercqgs. Le six dudict mois de septembre se partirent lesdicts ambassades, prélats et nobles d'Angleterre, et s’en retournèrent en Angleterre sans rien besongnier, ne pour trèves ne pour la paix, et sans espérance de y besongnier ; et très déplaisants s’en retournèrent, pour ce qu'ils véoient que le duc estoit du tout enclin à faire paix. Et le merquedy septiesme dudiet mois, la veillede Nostre Dame, vint le comte de Charrollois, fils du duc; et fut apporté de Lens en Arthois en une litière, moult honnourablement et notablement accompaignié. Au-devant de luy furent les ambassades de France et la noble chevalerie du pays du duc ; et fut rechupt à grand’ joie. Or est vray que lendemain, jour de Nostre-Dame, en l’église de Sainct-Vaast , les cardinaulx de . Saincte-Croix et de Cippre, ensemble les ambassadeurs de nostre sainct-père, du sainct concile, et le duc, et aussy tous les princes et ambassades de France, de quelque part qu'ils
fussent, et mesmement tous les aultres prineës, comtes, barons, et chevaliers et escuyers quy en la ville estoient, furent là assemblés ; et là fut chantée une belle messe par les chantres de la chappelle ; et là fut consacrée très heureuse paix pour le royaulme de France, jurée par les princes et ambassadeurs de France, pour et au nom du roy, et par le duc en pardonnent la mort de feu le duc Jehan de Bourgongne son père; et aussy par les princes et aultres comtes, chevaliers et escuyers quy là estoient, excepté messire Jehan de Luxembourg, comte de Ligny qui ne le voult point jurer, pour aulcunes causes qui cy-après seront dictes.
Laquelle paix est escripte bien au long en ce present livre. Et ce mesme jour Nostre-Dame, tint le duc ung moult et noble estat, là où il donna à disner aux seigneurs de France, et à tous les aultres ducs et comtes à ceste heure estants à Arras, et au cardinal de Cippre. Et fut l'assiette telle qu'il s’ensieult : à la grand” table, l’archevesque de Rains, chancellier et pair de France; le cardinal de Cippre, fils, frère et oncle des roys de Cippre ; après estoit le duc, et le duc de Bourbon et le comte de Richemont, connestable de France ; le comte de Vendosme et Christofle de Harcourt. L’assiette de la petite table, quy estoit en la salle que on dist la Chanibre, fut : l’évesque de Liége, le duc de Gueldres, le comte de Meurs et le seigneur de la Fayette, mareschal de France.
