CHAPITRE CLXXXIX
La coppie de la response que le duc de Bourgongne fist aux lettres du roy.
« Mon très redoubté seigneur, je me recommande à vous, tant et si humblement que je puis ; et vous plaise scavoir, mon très redoubté seigneur, que j'ai receu vos gracieuses et bénignes lettres, qu’il vous a pleu moi envoyer; par lesquelles, de vositre humilité, m'avez signifié le bon effect et disposition de vostre personne , et comment par mes gens et ambassadeurs qui ont esté devers vous j'ai peu savoir que vous avez esté content et parfaictement joyeulx, quand par la relation de beau-frère de Bourbon et Richemont, beau-cousin de Vendosme, et d’aultres, vos gens, qui ont esté devers moi à Arras, avez esté content plainement du bon final appoinctement, prins et fermé avec moi, touchant la bonne paix et union d’entre vous et moi, qui est la chose en ce monde, que tousjours avez pourquise et désirée, afin de inviolablement entretenir, et, en tant qu’il polroit estre possible, augmenter et accroistre la proximité et affinité d’entre vous et moi de vostre propre mouvement. Apprès ce qu’il a pleu à nostre Créateur délivrer madame la royne, vostre compagne, d’ung beau fils à la santé d'elle et de l'enfant, nonobstant mon absence m'avez esleu et nommé par affection cordiale pour estre vostre compère, et pour donner mon nom à monseigneur vostre filz, et l'avez faict tenir de par moi sur les saincts fonts de baptesme, par ledict frère de Bourbon, et par beau-cousin Charles d’Anjou; lesquels, en représentant ma personne, lui ont donné mon nom; et pour la confiance que avez que doye estre joyeulx de la nativité de monseigneur vostre fils, et de ce que lui faictes donner mon nom. Le m'avez escript et faict savoir par cestuy propre message, que pour ceste Cause avez envoyé devers moi, afin que , en ayant considération à vostre bonne intention, veuille avoir agréable ce que faict en avez et réputer vostredict fils pour mon filloel, comme se en personne l’eusse levé et tenu sur lesdicts saincts fonts de baptesme. Si vous plaise savoir, mon très redoubté seigneur, que de votre bon estat et disposition, et aussy de la délivrance de madicte dame votre compaigne, j'ay esté et suis,
comme raison est, tant parfaitement joyeulx qu’en ce monde plus ne pourroye, priant nostre Seigneur Jésus-Christ que par sa miséricorde veuille à vous, à madame et à vostre noble lignée, donner telle et sy bonne prospérité que par moy-mesme le vouldroye et pourroye mieulx souhaidier. Et puisque vostre humilité desire de mon estat estre acertené, il est vray, mon très redoubté seigneur, que je, ma très chière et très amée compaigne , et mon fils de Charrollois, estions en bonne santé de nos personnes, graces à Dieu le tout-puissant, quy semblable nous veuille tout temps envoyer; et vous remerchie, mon très redoubté seigneur, tant humblement et cordialement que faire le puis, de la très singulière amour et affection que de vostre grand’ bonté m’avezmonstrée, en me avoir en mon absence, de vostre mouvement, éleu pour estre parin de mondict seigneur vostre fils et luy donner mon nom; car plus grand honneur ne me pourroit estre faict; et certainement je l’ay plus agréable et à greigneur plaisir que dire ne pourroye ; pourquoy je congnois véritablement, que se le cas se polvoit offrir plus grand, que plus volontiers le eussiez fait et feriez, à la contemplation de ladicte paix et union ; laquelle, comme Dieu sait, je suis, très parfaitement et sur touttes choses, desirant de l’entretenement par moy et les miens garder et entretenir ; car par le moyen d’icelle, le peuple et chose publique de vostre royaulme et des pays voisins sera au bon plaisir de Dieu delivré de la très angoisseuse et pitoyable persécution où long-temps ils ont esté ; à laquelle paix et union, quant à mon honneur l’ay peu bonnement faire, j’ay esté très enclin, disposé et volontaire; et oncques sy grand’ joie ne me advint que quand j'ay peu veoyr le temps qu’elle a esté reformée; dont je loue le hault roy des roys, quy est auteur de vraie paix. Mon très redoubté seigneur, sur ce qu’il vous a pleu moy rescripre touchant beau cousin le roy de Secille, j’ay entendu qu’il doit briefment envoyer de ses gens devers moy, lesquels venus et oys, je feray en son faict; pour l’honneur et révérence de vous, ce que bonnement me sera possible de faire. Et au regard de messire Jehan de Harcourt, dont vos lettres font mention, je vous en ay par deulx fois fait savoir mon intention et les causes quy ad ce me meuvent; parquoy, mon très re-
J. Du CLerco er Sr. Remy.
