PRÉFACE DE L'AUTHEUR

Pour tant que après ce que je , Jacques Du Clercq, escuyer, seigneur de Beauvoir en Ternois, ay clos mon premier volume des choses advenues en mon temps et venues à ma Cognoissance, èsquelles choses advenues j'ay parlé de plusieurs personnes et choses advenues en Angleterre , et comment Edouard , duc d’Yorck : feut couronné roy d'Angleterre, et le roy Henry et Sebastien, fils d'Edouard, en feut desboutté, et puis mort, j’ay esté adverty et sceu le commencement des divisions et les causes dont elles meurent audict royaulme, et ce qu’il en adviat par avant mondict volume encommentcé, je desclareray cy en brief la cause des discords quy advindrent audict royaulme, et comment à ceste Cause presque touts les princes dudict royaulme morurent par l’espée.