CHAPITRE PREMIER

Du discord quy feut entre le duc d'Yorck et le duc de Sombreset, pour le gouvernement du royaulme, et de la mort dudict duc de Glocestre, et exil du duc d'Yorck. |

Environ l'an mil quatre cents quarante-huict, au royaulme d'Angleterre se meurent mal talent et haine entre le duc de Sombreset et le duc d’Yorck , à l’occasion de ce que le roy Henry, quy estoit roy d’Angleterre, estoit simple et comme plain de grande malice, par laquelle sa simplicité les princes et seigneurs d'Angleterre estoient divisés en deulx parties. De l’une partie estoient les ducs de Clochestre 1, d’Yorck, et plusieurs princes et seigneurs, et de l’aultre partie estoient les ducs de Sombreset, de Suffort3, le seigneur de Say, l’évesque de Salbry5, et aultres princes et seigneurs. Et chascune d’icelles parties vouloit gouvernerle roy Henry et le royaulme; et n’y estoit point le duc d'Yorck, quy estoit à ce temps régent et capitaine général de Normandie, de par le roy d’Angleterre. Auquel temps le roy Henry feut conseillé par lesdicts de Sombreset et Suffort, et aultres, de laisser perdre ( et en ce temps gouvernoit le due

(4) Glocester. (2) Sufolk. (5) Salisbury.

de Clochestre le roy et le royaulme) le pays de Normandie, et remettre en la main du roy de France. Auquel conseil lesdicts de Clochestre et d'Yorck ne se voulurent consentir. Feut mis le duc de Clochestre hors du conseil du roy , et le duc d’Yorck feut rappelé en Angleterre, et puis envoyé en exil ou pays d'Irlande , et feut le duc de Sombreset en son lieu, et tantost après le duc de Sombreset envoyé en Normandie. Le pays de Normandie feut rendu et remis entre la nain du roy de France, Charles , septiesme de ce nom. Après laquelle rendition , en Angleterre, en une place nommée Toury !, feut fait ung parlement, auquel, par arrest, le seigneur de Beaumont, adonc connestable d'Angleterre, feit prisonnier le duc de Clochestre, lequel, après avoir mis touts ses gents en diverses prisons, feut mené en divers lieulx prisonnier. Et à la fin, pour tant que l’on doubtoit de la commune d'Angleterre, quy fort l’aimoit, on le feit mourir d’une inhumaine mort, pensant que l'on cuideroit qu’il feut mort de sa belle mort ; c’est à scavoir, luy estant une nuict en son lict, ceulx quy le feirent mourir luy bouttèrent en son fuisel de derrière, par où nature humaine se purge, ung cornet d’une corne de vache, troué, parmy lequel trou ils luy bouttèrent en son corps ung barreau de fer ardant tout rouge, de la longueur de son corps. Et ainsy mourut, estimants qu'on ne se percevroit pas de meurdre à veoir Le corps par dehors ; mais depuis feut sceu, mais non tost toutesfois.Tant à l’occasion de sa mort, que pour cequeonavoit laissé perdre tout le pays de Normandie, la commune d’Angleterre conceut très grande haine allencontre du duc de Suffort et ceulx de sa partie, quy estoient conseillers du roy; et à ceste cause feut le duc de Suffort envoyé en exil ; lequel, en le menant et passant ung bras de mer, feut rencontré d’ung navire d'Angleterre, et feut prins, et luy trencha-t-on la teste; et après ce faict, les comnues de l’éveschié de Salesbury s’esmeurent ; ct feit l’ung d’eulx à l’évesque trencher la teste.