CHAPITRE CXC

De la cinquième feste et chapitre de la Thoison-d’Or qui fut tenue à Bruxelles.

Le cinquiesme chappitre, feste et solempnité de la devant dicte ordre de la Thoison-d’ Or, fut tenue à Bruxelles, à la Sainct-Andrieu, audictan mil quatre cents trente-cinq. À laquelle feste furent en personne avec le duc, souverain dudict ordre, les seigneurs cy-après nommés : premier, le seigneur de Roubaix, messire Hue de Lannoy, le comte de Ligny, le seigneur de Croy, messire Jacques de Brimeu, le comte de Meurs, le seigneur d’Anthoing, le comte de Charrollois, messireRolant d’Utekercque, messire David de Brimeu, le seigneur de Commines, messire Guilbert de Lannoy, le seigneur de Ternant, le seigneur de Créquy, le seigneur de lIlle-Adam, messire Florimont de Brimeu, messire Bauduin de Lannoy, messire Simon de Lalaing , le seigneur de Crèvecæur, le bastard de Sainet-Pol, le comte de Vernembourg. S’ensuivent ceulx quy comparurent par procureurs: les seigneurs de Sainct-Georges, messire Antoine de Vergy, le seigneur de Jonvelle, le seigneur de Charny, messire Jehan de Croy, messire Jehan de Vergy, messire Baudon de Noyelle, messire Guy de Pontailler, le seigneur de Neufchastel. Au temps d’icelle solempnité et chappitre, n’avoit nul des chevaliers d’iceluy ordre allé de vie à trespas. Si commencèrent en chappitre à procéder aulx corrections et requestes, lesquelles durèrent par l’espasse de quatre jours, car il y avoit de grands et pesantes matières et requestes quy pour lors farent bailliés.