CHAPITRE V

Comment le duc d'Yorck, par bataille, ol le gouvernement d'Angleterre, et comment il mourut en bataille.

Après toutes ces choses, en l’an mil quatre centssoixante, au mois de juing, le comte dela Marche, fils du duc d’Yorck ; le comte de Werwich, le comte de Salesbury, assemblèrent bien cent mille combattants, et allèrent à Londres où estoit le seigneur de Scales, qui se boutta à garand dedans la tour de Londres ; et là feut sommé du comte de la Marche. Si ne voulut-il rendre la tour; parquoy le comte de la Marche et le comte deWerwich, avecques ung légat de par le pape, allèrent devers le roy, quy estoit à Northampton, pour traiter de paix; mais ceulx du costé du roy ne voulurent entendre ; et y eut bataille, de laquelle lesdicts de la Marche et Werwich feurent victorieux; et y feut prins le roy Henry, et moururent de son costel le due de Bakingham, le comte de Hasembury 6, le vicomte de Beaumont et le baron d’Egremont ; et fut mené le roy à Londres , en la garde du comte de la Marche. Lequel roy commanda au seigneur de Scales qu’il rendist la tour de Londres, eomme il feit, sa vie sauve. Mais assez

€) Warwick. (8%) Ludlow. (5) Lacune dans les manuscrits. (4) Audley. (5) Kiriel. (6) Shrewsbury.,

tost après, en passant par la Tamise, une rivière ainsy nommée, par aulcuns qu'il avoit rudement traictiés il feut tué en ung batteau sur ladicte Tamise; de quoy les comtes de la Marche et Werwich feurent fort courroucés. Ce faict, feut ordonné ung parlement à Londres. Auquel parlement vint le duc d'Yorck; et proposa en plain parlement que la couronne d'Angleterre luy devoit appartenir, et devoit estre roy; et feut par ledict parlement accordé audict duc d’Yorck le ro\aulme et la couronne, moyennant que le roy Henry en possesseroit sa vie durante, et porteroit la couronne ; et après son trespas, ladicte couronne appartiendroit au duc d’Yorck et à ses hoirs; et par cest accord le roy payeroit chascun an, sa vie durante, au duc d’Yorck ou à ses enfants, vingt mille escus ou florins d’Angleterre ; et le duc d’Yorck lui promeit d’estre léal à luy et à la couronne. Après lequel appoinctement faict , le roy pria au duc d’Yorck qu’il voulsist mectre paix entre la royne et le pays; laquelle royne estoit lors à Yorck. Lequel duc feit assembler vingt mille combattants, et manda à la royne qu’elle voulsist venir à Londres pour tenir le susdict appninctement.

Laquelle royne, de ce advertie, et que son fils Edouard, fils du roy Henry, estoit privé de la couronne , ne voullut en riens tenir ne obtempérer audict appoinctement ; mais au contraire envoya desfier le duc d’Yorck et toute sa puissance, et approcha le duc d’Yorck pour le combattre et sa puissance; et y olt jour de bataille entre eulx, le trentiesme jour de décembre, l'an soixante ; et feut la royne victorieuse; et y moururent lesdicts d’Yorck, son fils, comte de Ruteland, le comte de Salesbury et aultres; de laquelle bataille j’ay fait mention cy-après, en mon quart livre au feuillet cotté 178; et là pourra-t-on veoir le faict de la bataille.