CHAPITRE IVA

Comment le roy d'Angleterre rentra au:gouvernement du royaulme, et comment le duc d’Yorck et touls ses alliés feurent bannis d'Angleterre, et leurs terres saisies.

Ne demoura guières, après ce que le duc d'Yorck eut mys à mort le duc de Sombreset, lequel on dict qu’il tua de sa propre main, que la royne d'Angleterre , laquelle estoit alliée au duc de Sombreset, ne feit tant que le duc d’Yorck feut mis hors de tout le gouvernement du royaulme, et icelluy baillié à la royne ; laquelle, incontinent qu’elle eut le gouvernement , feit ajourner le duc d’Yorck, le comte

(1) Winchester. (2) Exeter. (3) Norfolk. (4) Buckingham.

de Werwich ! et Ie comte de Salesbury, comme traistres; lesquels scigneurs assemblèrent grand nombredegents pour venir en leur compagnie, eulx excuser vers le roy. Mais le roy qui estoit hors en Galles, en ung chastel appelé Ludlou, et avecq luy..... 3 combattants, leur manda qu'ils ne vinssent pas vers luy, scavoir à telle advanture. Nonobstant ce, le duc d’Yorck se combattit aux gents de la royne; et feut la journée pour les gents de la royne; et s'en retourna le duc d’Yorck en Irlande ; et son fils, le comte de la Marche, le comte de Werwich, le comte de Salesbury, allèrent à Calais; mais le comte de Salesbury,en venantdu costé duduc d’Yorck, rencontra une armée de gents du costé de la royne, desquels le capitaine estoit le seigneur d’Aldely 4, lequel il combattit ; et feut le seigneur d’Aldely tué, et messire Thomas Criel 5 et plusieurs aultres nobles hommes ; et après que le duc d’Yorck eust esté vaincu, le roy d’Angleterre feit mectre toutes ses terres en sa main et de ceulx de sa compagnie, et les feit bannir du royaulme.