LIVRE IL, CHAP. I

ment faict avec le duc d’Yorck, son père, et ses alliés. Ce venu à la cognoissance de Edouard, duc d’Yorck, environ l’entrée de mars, en l’an dessusdict soixante, accompagnié du comte de Werwick et aultres seigneurs, avecques bien trente mille combattants, envoya à Londres et print la possession du royaulme; et incontinent aprés s’achemina avec toute sa puissance vers le roy d’Angletere et la royne pour les combattre. Et feit tant, que le jour de Pasques flories en suivant, il olt bataille entre la royne et ses gents. Et pourtant que de ceste journée et bataille, en mondict quatriesme livre de ce présent vollume est faicte mention, folio 191 {, et des choses depuis advenues en Angleterre, venues en ma cognoissance, j'en ay escrit comme il m’a esté certifié en ordre , selon les ans que les cas sont advenus, comme plus à plain on pourra veoir, quy regarder y voldra, je feray cy fin de ceste matière. Et n’ay seulement mis ces choses dessusdictes au commencement de ce présent livre, fors que pour ce que, en compilantmondictlivre, n'en peus oncques sçavoir le vray que mondict vollume n’aitesté clos. Syl’ay mis en cecommencement, affin que l’on puisse entendre et scavoir la cause et le commencement desdictes divisions.