CHAPITRE I
Comment et pour quelle cause Philippes, duc de Bourguingne, de Brabant, de Lothiers, de Lembourg et dc‘Luxembourg, comle de Flandres, etc., requit aulx quatre membres de Flandres certaine imposition sur le sel, quy fout la cause pourquoy la guerre sourdit d'iceluy duc contre les Gantois.
En l'an de l’incarnation de Nostre Seigneur mil quatre cents cinquante et ung, Philippes, duc de Bourgoingne, de Brabant, de Lothiers, de Lembourg et de Luxembourg, comte de Flandres, d'Artois, de Bourgogne, de Haynault, de Hollande et de Zélande, seigneur de Frise, de
{1) Pembroke. (2) Bonville.
Salins, de Malines, possessant des pays de Picardie, Vermandois , Ponthieu, Boullenois et aultres pays, en l'age de cinquante quatre ans, ou environ, assembla les quatre membres de Flandres. Et pour donner à entendre que c'est des quatre membres de Flandres : vray est qu’en la comté de Flandres a plusieurs grosses villes et villaiges, avecques plusieurs villes fermées quy ne sont point sy grandes comme
(1) Cette indication, ainsi que la première de la page précédente, est celle du manuscrit original de Du Clercq et non de la copie d'Arras que j'ai sous les yeux eu faisant cette édition. Ce feuillet 491 se rapporte au chapitre XXIV du livre [v.
Bruges ou Gand; et est ceste comté divisée en quatre membres, desquels le premier est la ville de Gand, quy est l’une des plus fortes’et grosses villes de par decà les monts, fort peuplée de gents et de grand circuit. En icelle ville s’y comprend tout le pays de Wast, quy est ung fertile pays. Le second membre est Bruges ; avecques laquelle ville se comprend celle de Nieuport sur la mer, avec aultres gros villaiges. Le tiers membre est la ville d’Ipres, avecques laquelle se comprend tout le pays du Francq, comme la ville de Bergue, Duncquerke, et aultres grosses terres et villaiges. Le quart membre est la ville de Courtray, avecques laquelle se comprend la ville d’Audenarde, la ville de Termonde, et aultres gros villaiges et villes, comme la ville et comté d’Aloste, le pays des Quatre-Mestiers et aultres places. Icelluy pays de Flandres est moult fort beau pays; et s’y vit et gouverne en partie avecques le mestier de draperie, de marchandise de sel, tant en harangs, mollues, drogues, et poissons de mer qu’ils salent , et pourvoient le pays d’autour d’eulx, comme aultrement.
Après que le duc Philippes, comte de Flandres, eust assemblé iceulx membres, il leur requit que, pour supporter ses affaires et les frais qu’incessamment luy convenoit faire en plusieurs manières, ils luy volsissent octroyer que, sur chascun sacq de sel que on vendroit en la comté de Flandres, il peust prendre à son prouffit et des comtes de Flandres ses successeurs advenir, vingt-quatre gros, monnoye de Flandres lors courante, lesquels vingt-quatre gros valloient alors demi-escu d’or de la forge de France ; et moiennant ce, ledict Philippes leur seigneur estoit content de leur promectre que, de ce jour en avant ne leur feroit requeste qu’ils luy accordassent nulles aides, qu’on appelloit tailles, et leur promectoit de ce jamais eulx requérir. Et pour donner à entendre que c’estoit d’ung sacq de sel : vray est que ung sacq de sel estoit le fais d’ung homme, et aultant que ung fort et rude homme de trente ans pooit soustenir sur ses espaulles pour porter de lieu en aultre. Or, la requeste du duc Philippes par les quatre membres examinée, considérants ceulx de la ville de Gand, premier membre et principal d’icelle comté (car cestuy membre pooit plus audict pays que les autres trois), que tout le pays de Flandres, ou en partie, se nour-
rissoit de choses salées, et que par lemoien des marchandises salées qu’ils menoient hors du pa ys de Flandres, l'argent venoit au pays,eten estoit le pays riche ; et aussy doubtants que sy ils accordoient icelle demande à leur seigneur, que, pour letemps advenir, icelluy leur seigneur, ou aultres après luy à venir, ne lairoient leur demander aides ou tailles, et par ce payeroient en deux manières, laquelle chose ils ne polroient bonnement souffrir sans la diminution du pays, car icelle imposition sur le sel monteroit touts les ans infinis deniers, et laquelle imposition ne prendroit jamais fin, icelluy membre de Gand, toute la ville et tout le pays à eulx subjects ne vollurent accorder au duc leur seigneur icelle requeste, ny que ladicte imposition feust mise sur le sel, ains y feut du tout contredict et en tout ; et respondirent au duc leur dict seigneur : qu’ils avoient convenu ensemble et conclud entre eulx que, jusques à la mort du derrain homme de la ville de Gand et du pays à eulx subject, ilsn’accorderoient ny souffriroient ladicte imposition estre mise sus. Ouye laquelle response par les aultres trois membres de Flandres, ils conclurent entre eulx: queils feroient remonstrer au duc,que,tou- Chant ladicte imposition, ils se y gouverneroient ainsy et pareillement que ceulx de Gand, et non aultrement ; et ceste response feirent au duc Philippes et non alutre. Après lesquelles responses faictes au duc par iceulx de la ville de Gand et les aultres trois membres, illeur donna congié; et sy ne requit ladicte imposition sur le sel, et ne leur en feit parler en nulles manières : mais ceulx de Gand, despuis qu’ils olrent refusé ladicte imposition estre mise sus, ils perceurent bien que, quand ils auroient affaire au duc ou à son conseil, ils n’auroient point si bon accès à luy ny à son conseil comme ils avoient accoustumé d’avoir; mesmes ne povient avoir, ce leur sembloit, sy briefve expédition de leurs causes et querelles qu'ils soulloient ; par quoy ils commencèrent à murmurer contre leur seigneur.
