CHAP. IX

Or, vous veuil conter du siège que les Gantois avoient , lesquels avoient tellement enclos ladicte ville d’Audenarde qu’on n’y pooit entrer d’ung lez et de l’aultre de la rivière de l'Escault, laquelle passoit parmy la ville, tellement que ceulx d’ung lez ne pooient scavoir de l’aultre; c’est à scavoir,ceulx qui estoient d’ung lez vers Courtray ne pooient scavoir de ceulx du lez vers Grandmont, pour ladicterivière quy les despartoit. Quand ceulx du lez vers Courtray, auquel les Picards les venoient assaillir, veirent et sceurent que les Picards les approchoient, comme valliants et hardys laissèrent leur siége, ct fièrement se meirent en belle bataille; et vindrent la pluspart, chascun unepicque en la main (quy est ung baston de la longueur d’une lance d'homme d'armes; mais elle est plus menue , ferrée et acerrée au bout, et sont très dangereux bastons),et touts aultres engins,comme coullevrines et aulires, contrelesdicts Picards.’ Lorsqu'ils s'approchèrent, commencèrent les archicrs de Picardie à tirer sur culx ; lesquels traicts ils ne peurent endurer, car ils estoient mal armés ; ains sc mirent en fuite, les Picards les enchassants, tellement que peu en eschappa qu'ils ne fuissent mis à mort. Et on veut dire etestime-t-on qu’ils ymoururent trois mille Gantois, sans ce qu’il y olt nul des assaillants quy y feut mort, sinon qu’ung homme d'armes nommé Jennin d’Athies, fils d’ung bourgeois d’Arras, lequel, ains que les archiers commencètrent à tirer sur les Gantois, se houtta sur lesdicts Gantois sy avant qu'ils le tuèrent.