CHAPITRE VIII

Des nobles hommes et scigneurs quy vindrent à Grandmont, où le duc estoit, pour le servir en armes, moult noblement accompagnlés ; et comment le comte d'Estampes leva le siege de devant Audenarde, et des chevalliers quy y feurent faicts, ct de la grande multitude des Gantois quy y moururent.

Quand le duc eut partout envoyé ses lettres

pour faire assembler gents d’armes, sy se tira à Grandmont, une petite ville à cinq lieues près de Gand. Auquel lieu de Grandmont vinrent, noblement accompagniés de gents de guerre : Loys, comte de Sainct-Pol, Tibault de Luxembourg, seigneur de Fresnes, Jacques de Luxembourg, frèreaudict comte, Adolf de Clèves, frère au duc de Clèves, nepveu audict due, Cornille, fils bastard du due, capitaine de Luxembourg, messire Jehan deCroy, grand-bailly de Hainault, seigneur de Cymay, avecques touts les nobles et gents de guerre du pays de Hainault, le seigneur de Croy, son aisné frère, chambellan et principal gouverneur dudict duc, le seigneur d’Oissy, le seigneur de Crecquy, et touts les nobles du pays de Flandres, au moings la plus grande partie; touts lesquels dessusdicts se trouvèrent vers le duc à Grandmont.

Or, vous veuil conter du comte d’Estampes, quy s’estoit retraict à Watrelot et à Lannoy après l'occision faicte des Gantois, accompagnié des Picards seulement, lequel conclud qu'il iroit lever le siége de Audenarde, ains que le duc en sceust rien, le vingt-cinquiesme jour d’apvril mil quatre cents cinquante - deulx, comme il feit; laquelle conclusion il avoit grand désir de faire scavoir à messire Symon de Lallaing, capitaine d’Audenarde, lequel estoit enclos dedans ladicte ville, et n’y pooit-on entrer, pour l'ost desdits Gantois. Lors feit tant qu’il trouva trois compagnons, dont ung estoit soldoyer du chastel de Lille, nommé Jonesse, lesquels promeirent, moiennant chascun cinquante couronnes, qu'ils se mectroient touts nuds en la rivière de l’Escaut au plus près qu’ils polroient aller pour lost, et nageroient tant en la moictié que entreroient en Audenarde, et porteroient lettres audict messire Symon, pour estre prest à l’heure que ledict comte luy escriproit, comme ils feirent. Et à l'heure que ledict comte avoit rescript audict messire Svmon, se partit du lieu où il estoit en moult belle ordonnance, et feit et ordonna trois batailles : en la première bataille, que l'on appelle l'avant-garde, feut Anthoine, fils bastard du duc, le seigneur de Saveuses, Jacques de Lallaing et plusieurs aultres nobles hommes d’armes et archiers; en la seconde bataille estoit ledict comte, moult noblement accompagnié; et en la tierce bataille, que l’on appelle l’arrière-garde, plusieurs chevalierset escuyers. Et ainsy chevauchèrent, tant qu'ils vindrent assez près du siége. Lors feit le comte touts les archiers descendre à pied. Et pourtant que le comte n’estoit point chevallier, requit l’ordre de chevallerie au seigneur de Saveuses ; et après qu’il l’eust receu, il feit cinquante-deulx chevalliers, desquels aulcuns je nommeray : premièrement Anthoine, bastard du duc, Loys de Bourbon, le seigneur de Harnes, Wallerand, seigneur de Moreul, Jehan de Comines, Jehan de Miraulmont, Philippes de Lallaing, Robert seigneur d’Antreulles, Anthoine seigneur d’Avelluy, David d’Artus, Anthoine seigneur de Herin, le Borgne d’Ens et son fils, le seigneur de Hallevin en France, Percevilleseigneur de Belleforière, Hugues de Noeufville, Alard seigneur de Rabodenges, et aultres dont le compte seroittrop long à raconter ; et aussy desaultres ne scay les noms.