CHAPITRE X

Des garnisons que le duc mreit ès villes prochaines de Gand ; et de plusicurs courses que les gents d'armes du duc feireut jusques aux portes de Gand.

Après ce que le siége d’Audenarde feut levé, comme dict est, le duc se partit de Audenarde, et s’en alla en la ville de Tenremonde, quy est entre Gand et Anvers sur la rivière, et délaissa le comte d'Estampes et sa compagnie à Audenarde, et puis envoya le comte de Sainct-Pol et sa compagnie en la ville d’Aloste, à quatre licues de Gand ; après, envoya à Courtray grosse garnison de gents de guerre, affin de fermer touts les passages, que nuls vivres ne puissent venir en la villede Gand. Ces choses ainsy faictes, le comte d'Estampes, lequel estoit demouré à Audenarde, ne sçay quants jours après que le duc se feut party d'Audenarde, luy et ses gents

(4) Chassèrent. (2 Abondance. (3) Reste. (4) Je veux,

devant ung chastel quy s’appeloit Gaures, feut frappé d'ung virreton { venant dudict chastel ung nommé Jehan de Miraulmont, seigneur dudict lieu, nouveau chevallier faict, duquel coup il mourut ; pour laquelle mort ledict comte feit assaillir ledict chastel, mais il n’y feit guières; et quand il veit qu’il n’y pooit rien gagner, il feit retraire ses gens et s’en alla jusques aux portes de Gand ; là y olt ung chevalier de sa compagnie, lequel alla férir les portes de Gand de sa lance. Iceluy chevallier se nommoit messire Gauvin Quieret, seigneur de Druel; et escria qu'ils vidassent hors. Lors y olt aulcuns vilains hommes, lesquels vuidèrent hors de la villeet livrèrent une escarmouche aux gents du duc et en tuërent aulcuns ; puis rentrèrent dedans Gand, sans grand dangier et dommaige. Quand le comte veit qu’aultre chose ne pooit faire, sy s’en retourna à Audenarde.

Pareillement aussy le comte de Sainet-Pol, estant à Aloste, courut plusieurs fois jusques aux portes de Gand, et reboutta les Gantois plusieurs fois en leur ville, et s’y feit beaucoup de valliances. Ung autre jour alla encoires le comte d’Estampes courre vers Gand; et trouva aulcuns Gantois, lesquels par force feit rentrer dedans la ville; et en cest endroit y mourut plus dequarante:et aussy y demoura de ses gens sept archicrs.Et quand il veit que les Gantois feurent rentrés dedans Gand,s’en retourna à Audenarde.