CHAPITRE XI
De la vaillance de messire Jacques de Lallaing; et comment &
Cutra premier au pays de Wast, quy estoit moult fort pays.
Entre Gand et Anvers y a ung fort pays plein d’eauwe et moult riche et gras pays, estant nommé le pays de Wast, plein de fossés et sablons boullants ; et estoient touts ceulx du pays de Wast du tout obéissants à ceulx de Gand: et ja-soit ce qu’audict pays fuissent plusieurs grands et gros villaiges, toutesfoisilsse disoient touts estre aulx Gantois, et obéissants du tout à eulx, et sy nc pensoient avoir aultre seigneur que ceulx de Gand, ne oncques n’avoir esté obéissants à aultruy que aulx Gantois. Et mesmement, jà-soit ce que au temps passé plusieurs roys, comme de France et d'Angleterre, euissent assiégé la ville de Gand, combien qu’ils n'euissent peu conquester ladicte ville, pareille-
(1) Javelot,
ment n’avoient peu entrer ne conquester ledict pays de Wast; et n’avoit oncques esté conquis, etestoit le plus riche pays que on peust trouver. Le duc estoit à Tenremonde; et désirant entrer audict pays et le conquester, feit faire et carpenter ung pont pour entrer au Pays de Wast. Et comme le pont feut prest à lever, ung hardi et vaillant chevalier, nomme messire Jacques de Lallaing, fils aisné du seigneur Jacques de Lallaing, pria et requit au duc qu’il lui volsist donner congié d'entrer audict pays ; lequel duc luy octroya, et commanda à touts ses archiers de corps qu'ils allassent avec luy. Lequel messire Jacques,ayant l’octroy du duc, le dix-huictiesme jour de may. en assez petite compagnie de gents d'armes, entra au pays de Wast et passa le pont que le duc avoit faict faire ; auquel pays il n’alla guières avant qu’il trouva une grosse compagnie de gents d'armes gantois, desquels, ainçois qu'il s’en apperceust, feut incontinent enclos et assailly. Et comme messire Jehan, bastard de Renty, chevallier et capitaine des archiers de corps du duc, lequel portoit la bannière où estoient les armes du due, perceut les Gantois quy les encloyoient et venoient assaillir, il laissa cheoir par terre la bannière et se meit en vilaine fuite. Lors se férirent les Gantois et Picards moult valliamment; et de prime face en occirent sept, dont les trois estoient archiers du duc, l’ung nommé Jennin de Cocquerel, de la ville d'Arras. Et mesmement avoient jà oecis le cheval de messire Philippes de Lalilaing, frère de messire Jacques, josne chevalier, et jà le euissent mis à mort, combien qu’ilse deffendist au mieux qu'il pooit, quand messire Jacques, commehardy et valliant chevallier,se férit au milieu des Gantois,remonta son frère sur ung cheval, quy estoit à pied en ung fossé. Et quand plusieurs des archiers du duc veirent la valliance et hardiesse dudict messire Jacques, jà-soit ce que leur Capitaine s’en feustfuy, sireprindrent-ils courage; et despouillèrent les jacquets qu'ils avoient vestus, pour estre plus légiers; et se mirent en leurs pourpoincts; et commencèrent à tirer sur les Gantois, tellement que par force de traicts feirent reculer les Gantois. Et lors messire Jacques de Lallaing, voyant et appercevant que une partie de ses gens s’en estoient fuis, et que à la longue il ne polroit matter ne vaincre lesdicts Gantois, comme très hardy et valliant chevallier,
