CHAPITRE XIV

Conunent le duc Philippes de Bourgoingne s’appareilla pour entrer au pays de Wast, et comment les Gantois cuidèrent rompre une digue sur la mer, pour noyer ledict duc et ses gouts et tout Ie pays de Wast.

Le duc de Bourgoingne estant à Tenremonde, et désirant de mectre à obéissance les Gantois , ets(achant queles Gantois avoient faict au pays de Wast plusieurs grands et ‘gros boulleverts, manda toutes les garnisons, tant de Courtray, d’Aloste, d’Audenarde, comme d’aultres villes : et manda de nouvel en ses pays d'Artois et de Picardie, que les bonnes villes luy envoyassent certain nombre d’archiers et arbalestriers, lesquels on luy envoya tout à pied. Lesquels archiers et arbalestriers il commit à garder les bonnes villes desquelles il avoit mandé les garnisons. Et ce temps pendant que le duc s’appareilloit pour entrer au pays de

(3) Craignoit,

Wast, aulcuns Gantois s’assemblèrent en grand nombre, et allèrent sur une dicque de la mer, la cuidants rompre et despiecher, affin de noyer tout le pays de Wast, le duc de Bourgoingne et touts ses gens, sitost qu'ils y seroient entrés. De laquelle entreprinse le duc feut adverty ; Sy envoya prestement le noble et valliant comte de Sainct-Pol ; lequel comte et ses gents trouvèrent les Gantois que despiechoiïent la dicque , èsquels Gantois le comte se férit et les desconfit, et en occit plus de cinq cents; puis feit refaire ladicte dicque et s’en retourna. Après ce faict s’en retourna vers ledict duc de Bourgoingne. Devers lequel ducde Bourgoingne estoit venu, à belle compagnie de gents d'armes, pour le servir, Jehan, duc de Clefves, son nepveu, fils de sa sœur ; et aussy estoit venu au duc de Bourgoingne monseigneur Charles, son fils légitime, agié de dix-huict ans ; et plus n’avoit le duc d'enfant légitime. Le duc Philippes de Bourgoiugne, après qu’il olt assemblé touts ses gents, et qu'ils fuissent venus devers luy, scachant que les Gantois ses ennemis avoient faict ung fort boullevert à Waselle, assez près de Rippelmonde, auquel boullevert ils avoient plusieurs engins avecques plusieurs Gantois en grand nombre, se partit de Terremonde et s’en vint à Rippelmonde.