CHAPITRE XIIL
Des bastilles et baulleverts que les Gantois olrent faict à Nivelles, cn Flandres; et comment le comte d'Estampes les conquesla par force, et des morts quy y feureut tant d'ung coslel que d'aultre.
Sur les marches d’entre Gand et Audenarde, y avoit ung fort villaige qu’on appeloit Nivelles en Flandres, dont estoit seigneur Jehan de Montmorency, lequel Jehan estoit avec le duc de Bourgoingne; auquel villaige les Gantoiss’estoient retirés, et auquel ils avoient faict plusieurs bastilles et boulleverts pour grever les Picards; et illecq se tenoient en grand nombre. Le comte d’Estampesscachant qu'illecqs’estoient retraicts plusieurs Gantois, et en grand nombre, manda la garnison de Courtray, avec laquelle garnison, luy et touts ses gens bien en poinct, le vingt-cinquiesme jour de may audict an cinquante-deux , s’en alla pour entrer audict Nivelles. Et comme il approcha, trouva plusicurs bastilles et boulleverts, lesquels il print par force ; et entra en ladicte ville de Nivelles, en laquelle y olt plusieurs Gantois occis. Et comme le comte se feut retraict hors de la ville, aucuns Picards et plusieurs aultres entrèrent audict villaige pour eulx se rafreschir'etleurschevaulx. Les aulcuns aussy des Picards'passèrent oultre le villaigeen cachanti toujourslesGantoisquy s’enfuyoient. Ceulx quy se rafreschirent en la ville ne se donnèrent garde que les Gantois, lesquels s’estoient recoeuilliés en grand nombre, les vinssent prendre en desroy et assaillir. Et en ce second assaut meirent à mort, des gents du comte d'Estampes : le seigneur de Herin, chevalier, ung escuyer nommé Cyvoy, escuyer servant du comte de Renty, ung vaillant homme d’armes nommé Rollecquin, le prévost Jehan Dinde, et aultres hommes d’armes jusques au nombre de quatorze, et bien cinquante archiers. Et jà euissent mis à mort touts ceulx quy estoient au villaige, sy le seigneur de Saveuses ne les feust venu secourir, lesquels il combattit jusques à tant que le comte d’Estampes y vint et sa compagnie ; auquel comte on estoit allé dire la mésadvanture quy estoit advenue à ses gents.
(1) Chassant.
Et acertes ledict seigneur de Saveuses, lequel estoit valliant homme de guerre, et bien l’avoit monstré tout son temps, passé quarante ans et devant, s’y porta si valliamment et sa compagnie qu'on ne polroit plus. Avecques mondict seigneur de Saveuses estoit monseigneur Guy de Roye et monseigneur Pierre de Raisé, chevallier, lesquels s’y portèrent aussy très valliamment avecques aultres.
Quand le comte feut venu où les Gantois et Picards se combattoient, sy descendirent le plus à pied. Illecq failloit passer ung pont ; duquel pont passer de prime face y avoit honneur, car Chascun cremoit{ moult, tant pour ceulx quy estoient jà morts comme pour le mal arroy où ils estoient. Là estoient veus plusieurs lasches courraiges ; toutesfois les plus vaillants passèrent premiers le pont, et tantost coururent sus aux Gantois ; et de rechief desconfirent la deuxiesme fois; et y moururent des Gantois plus de douze cents : le remenant se bouttèrent ês bois et se sauvèrent. Après laquelle victoire le comte feit mectre les morts de son cosié en une maison. et y feit boutter le feu, et les ardoit; pareillement feit boutterle feu partout ledict villaige de Nivelles,quy feut tout ards. Ce faict, le comte, non sçachant de la victoire que le jour de devant avoit eu le comte de Sainct- Pol au pays de Wast, s’en retourna en la ville d'Audenarde.
