LIVRE II, CHAP. XV
l’une à l’aultre. Après ce que ledict duc de Bourgoingne olt ainsy mis ses gentsen ordonnance, sy s’en alla vers Waselle, où estoient ses ennemis les Gantois en grand nombre, fiers et orgueilleux ; et lesquels ne craindoient lors le
duc leur seigneur et maistre , ne toute sa puis-
sance. Lesquels Gantoisavoient faict ung moult fort boullevert, et fort garny d’engins ; et avoit en escript sur chascun engin lequel mestier de Gand les avoit envoyés. Le due, quy estoit ung vaillant et hardy chevallier, et moult duict et stillé en armes, comme bien l’avoit monstré en son temps, s’'appensa bien que, sy les Gantois véoyent de prime face toute sa grande puissance, qu’ils ne vuideroient point de leurs forts; parquoy il envoya aulcuns courriers et gents de guerre devant, et leur dict que sy véoyent les Gantois, quy estoient fiers et orgueilleux, en ordonnance pour vuider et venir à bataille contre luy, qu’ils feissent signe de fuire , tant que les Gantois seroient vuidés de leur fort et houlleverts. Lesquels courreurs se partirent ; et le ducetses gents en belleordonnance les suivoient près, tellement que les Gantois ne pooient veoir que la première bataille. Les courreurs chevauchèrent tant qu’ils vindrent devant Waselle.
Aulcuns Gantois, sitost qu’ils les veirent, vuidèrent et feignirent de leur vouloir courre sus; lors les courreurs s’enfuirent comme le duc avoit commandé. Quand les Gantois veirent ainsy fuire les courreurs, cuidants que tout l’ost du duc se deubt enffuire , saillirent hors et vuidèrent de leurs boulleverts et forts, en belle ordonnance et rangiés en bataille pour courir sus au duc leur seigneur ; et commencèrent à marcher vers l’ost du duc. Quand les courreurs veirent ce, sy vindrent au duc, et luy certiffièrent que les Gantois estoient et venoient en bataille contre luy; lors feit le duc touts sesgents descendre à pied , archiers et hommes d'armes, réservés aulcuns hommes d’armes; et ainsy en belle ordonnance les deux ost commencèrent à approcher l’ung de l’autre. Sitost qu'ils feurent près, sy commencèrent à tirer les Picards sur les Gantois, et les Gantois sur les Picards, de coulevrines et crapaudaulx; mais les Gantois feurent prestement sy lardés des traicts des Picards qu'ils ne pooient plus souffrir, ains se meirent en fuite. Lors les hommes d’armes du duc se férirent entre eulx, les cachants! et
(1) Chassant.
tuants. Eten celle cache y olt ung valliant et hardy chevallier nommé Cornille , fils bastard du duc Philippes de Bourgoingne, capitaine de Luxembourg, lequel, encachant ettuantlesdicts Gantois , feut féru d’adventure d'ung Gantois d’une picque au hastrel{; et n’avoit point ledict Cornille de gorgerin, duquel coup il mourut prestement. Quand les gents du duc veirent le chevallier mort, sv le vengèrent fièrement, car ils occirent tant de Gantois, qu'on nombre les morts des Gantois jusqu’à quinze cents ou plus. Ceulx des Gantois quy poeulrent eschapper fei rent tant par fuire qu’ils vindrent à Acres, ung très gros et fort villaige, lequel estoit très bien boullovercquié ; et jusques audict Acres les suivirent tout tuants les gents du duc de Bourgoingne.
En ceste bataille se porta moult valliamment messire Jacques de Lallaing, chevallier. Après ceste bataille, le duc rassembla ses gents et loua Dieu de la victoire qu’il luy avoit donnée, sans que de ses gents feussent morts, sinon son fils bastard, duquel il feut moult dolent; et à la vérité ce n’estoit point sans raison, car ledit Cornille estoit preux , courtois et vaillant chevallier ; et sÿ estoit aimé en touts lieux où il repparoit. Le duc feit porter le corps dudict Cornille à Bruxelles, et enterrer à Saint-Nicolas ; et y feit faire ung moult riche service, auquel luy-mesme y feut, puis retourna avecques ses gens, et feit mener touslesenginsqu’il avoit conquis sur lesdicts Gantois en la ville de Bruxelles.
