CHAPITRE XVI
Comment urie grande compagnie de Hollandois vindrent en l'ayde du duc de Bourgoingne, et comment ledict duc commanda ardoir le pays de Wast, et comment ceulx d'Acres laissèrent leurs boulleverts ; et feut ladicte ville arse.
Le lendemain de ladicte bataille de Ripelmonde, on vint dire au duc que le scigneur de la Vère, ung des grands seigneurs de Hollande, portant l’ordre dudict duc, etle seigneur de Lannoy, en la chastellenie de Lille, gouverneur du pays de Hollande, chevallier portant l’ordre dudict duc pour lequel il estoit gouverneur, venoient devers luy à fort belle compagnie pour le servir. Quand le duc feut de ce adverty, sy monta à cheval et alla alle..contre d’eux, et les bienviengna bautement ; et disoit-on qu’ils estoient bien trois mille, èsquels il y avoit la pluspart touts cranequiniers. Le due, quy ne pooit
(1) Cou.
oublier la mort de son bastard, commanda que touts les villaiges du pays de Wast, quy estoient rebellés à luy fuissent ards, et puis on boutta le feu en plusieurs places ; mais il y olt plusieurs villaiges, quand veirent ce, quy s’assemblèrent et vindrent nuds pieds, sans chapperon ny cainture , une blanche verge en leurs mains, prier mercy au due, lequel les receupt très humblement à mercy. Le pays de Wast, comme dictay cy-dessus, estoit le plus riche plat pays qu'on eust pu trouver ; Car oncques n’avoit esté pillé, combien que aultrefois plusieurs rois, comme le roy de France et d'Angleterre, euissent mis le siége devant Gand, où peu ou néant avoient faict. Mais nonobstant qu'ils n’avoient peu conquerre ne gagner ladicte ville de Gand, aussy n’avoient peu conquester ledict pays, mesmement entrer ens à force. Après ce faict le duc et ses gents se retirèrent vers Acres, où les Gantois s’estoient retraicts; mais les Gantois, quand ils sceurent sa venue, laissèrent la ville et les boulleverts, et s’enfuirent ; lors y feit le duc boutter le feu, et feut la ville toute arse.
tt à CHAPITRE XVIL Des ambassadeurs que le roy de Frauce, Charles scptiesme
de ce nom, envoya devers ledict duc, pour mectre traictié de paix entre le duc et ceulx de Gand.
Le roy de France Charles, VII de ce nom, scachant la guerre cruelle entre le duc Philippes de Bourgoingne et ceulx de Gand ses subjects, envoya vers ledict duc ung ambassadeur pour traictier de paix entre les parties, c’est à sçavoir le seigneur de Beaumoni, chevallier et son procureur général, et plusieurs aultres notables clercqs ; et avecques ce feit nommer chief et le premier de son obéissance le comte de Sainct- Pol, lequel estoit en la compagnie du duc ; lequel comte, scachant leur venue, alla allencontre jusques à la ville et cité de Tournay ; eni laquelle ville, tant de par la ville comme de par ledict comte, ils feurent haultement festoyés. Après ce, le comte se partit d’eulx et alla devers le duc pour scavoir comme il luy plairoit de parler à eulx ; lequel duc leur assigna lieu de parler à luy à Terremonde; et alla allencontre d’eulx le seigneur de Croy, son premier chambellan, premier conseiller et gouverneur, lequel les amena à Terremonde; en laquelle ville de Terremonde le duc estoit venu, et avoit laissé son armée au dessusdict pays de Wast. En la-
! quelle ville de Terremende, à certains jours et
[14521 LIVRE Il,
heures que le duc leur baillia, vindrent vers le duc dire pour le roy qui les avoit illecq envoyés. Premier luy remonstrèrent : comment le roy se donnoit de merveille de ce qu’il destruisoit ainsy le pays de Flandres, quy estoit tenu du roy, et que par le moien d’icelle destruction les Gantois, quy estoient orgueilleux et puissants, polroient mectre dedans leur ville les Anglois, quy estoient anciens ennemis du royaulme de France, quy polroit tourner au grand préjudice du roy et du royaume; pour laquelle cause les avoit le roy envoyées devers luy,luy priant,etcommandantsy mestier estoit, qu’il cessast de ladicte guerre, et faisist paix à ceulx de Gand, sy faire se pooit.
