LIVRE QUATRIEME

pouvoir rendre ce qui devoit estre de leur valeur.

C'est un abus qui court inconsiderément parmy les François, lesquels sont si bruslans en leurs intentions pour acquerir honneur , qu'à l'envy l’un de l’autre il se vont inconsiderément perdre dans une mauvaise place, à laquelle on s'attaque bien souvent plus à cause des rançons qu'on espère tirer d'eux, que pour la consequence de la place. C'est chose à laquelle le maistre doit avoir soigneusement l'œil, car ce n'est que deshonneur, perte et ruyne pour luy, et pour l'estat aussi.

Environ le mois de septembre, le roy marcha vers Cambray, et de là vers Le Quesnoy, où il trouva l'ennemi fortifié, qui refusa te. combat qui luy fut souvent presenté. Le mareschal donna advis au roy que les Imperiaux avoient une entreprinse sur Monstruel par certains endroicts mal réparés et par l’intelligence d’aucuns, à quoy fut soudain remedié,.

L'armée s’en retournant, M. le connestable tomba en telle extremité de maladie, qu'on desesperoit de sa vie, de ‘laquelle Sa Majesté ayant peu d'esperance , elle l'alla visiter , et luy tint ces propos : « Vous savez, mon compere., que’, par la confiance que j'avois en votre vertu et fidelité, je me suis tousjours reposé sur vous du maniment de tout mon estat; de là considerez, je vous prie , quelle perte ce me seroit si, Dieu vous appellant , je demeurois destitué de secours ; c'est pourquoy je desire encore de vous ce conseil : à sçavoir à qui, à votre defaut, je dois commettre la souveraineté de vostre charge , estant, comme je suis, resolu d'en passer par vostre advis. » M. le connestable remercia très-humblement Sa Majesté de la grande confiance qu'elle avoit eue en luy, la suppliant, là où il ne s'en seroit autant dignement acquité qu'elle eust desiré , le luy vouloir pardonner. Quant à sa charge, laquelle il quitterroit bien tost pour aller à son createur , il supplioit Sa Majesté considerer que l'estat de connestable estoit de si grande auctorité , qu'il ne jugeoit pas à propos qu'il fust commis à uu prince, pour suflisant qu’il fust, ains qu'il en pourveust quelque seigneur particulier de valeur et de merite, et lequel Sa Majesté peust faire et defaire à son plaisir,

sans inconvenient ou hasard; que de tous ceux qu'à cognoisson il n'en voyoit aucun plus capable que le mareschal de Brissac, par la promotion duquel il supplioit Sa Majesté pourvoir de sa mareschaussée et gouvernement le sieur de Chastillon son neveu. Le roy, tout attristé, Juy respondit : «Je vous asseure que vous avez frappé au mesme but où je visois, et ainsi en sera-il; mais j'espere que nous'ne serons point en ceste peine. » Toutesfois, dès le jour mesme Sa Majesté depescha le secrétaire Sarret vars ledict sieur mareschal, pour luy donner advis de l'eslection qu'elle avoit faicte de luy , cas que Dieu appellast le connestable , le priant se tenir prest pour s'en venir au premier advis , après avoir bien ordonné tout ce qui seroit delà Îles monts, pendant qu'elle choisiroit un successeur en sa charge. Mais Dieu , rendant bientost la convalescence à ce grand personnage, tira le roy de peine et le mareschal de l'envie des grands, qui n'estoit desjà que trop forte contre sa vertu.

Sur la fin de ceste année , le roy , desirant faire quelque grand effort en Italie pour donner occasion à l'empereur d'y transporter toute la guerre , ordonna au colonnel Recrot, qui avoit trois mil Allemans , vieux routiers, et au sieur de Velleron, qui avoit huict ensignes françoises, de venir au Piedmont ; dont il donna advis au mareschal, qui ne l'eust pas plustost receu , qu'à huict jours de à Sa Majesté changea d'opinion, et print resolution d'envoyer par mer ces deux regimens au sieur Strozzy , pour le secours du Siennois , avec promesse de renvoyer bien tost en Piedmont , au Heu d'iceux , les regimens de Roquendolf et Riffenberg , qui arriverent en Piedmont sur le commencement de l'année 4554, beaucoup plus tard que Sa Majesté n'avoit promis.

Sur la fin de l’année, M. de Guise, par lettres fort courtuises , et que j'ay en main, se congratula avec le mareschal de ce que madame sa femme estoit accouchée d'un fils; que la sienne s'attendoit d'entrer bien-tosten mesme carriere ; que si Dieu ne luy donne qu'une fille, qu'elle sera bien-tost preste à marier avec son fils, au moins s’il commence d'aussi bonne heure que le perce à urer ses chausses.

MÉMOIRES DE BOY VIN DU VILLARS

[1555 Si ces galantcries n'eussent esté alterées et renversées par le cardinal de Lorraine son frere , de naturel par trop remuant , tout fust mieux que il ne fit depuis ; tant les amitiés de cour sont variables et incertaines.

De mesme suite , le roy manda au mareschal que l'empereur assembloit forces de tous costés pour dresser la plus puissante armée qu'il eust jamais , et que force luy estoit de faire aussi de mesme de tous costé:; et qu'à ces fins il Iuy renvoyast diligemmeit le colonnel Recrot, luy commandant de s'embarquer à Roanne pour venir plus tost et plus à son aise ; et que durant ces orages il eust à se resserrer sur la deffensive sans rien esperer d'elle, laquelle toutesfois , selon les occurrences, eslargiroit ourcestraindroit les courroyes de ses moyens.

Que les ministres que Sa Majesté avoit en Italie feroicnt aussi tous leurs eflurts du cosé de la Corseque pour travailler les Gennuis, à fin qu'ils ne puissent secourir de deniers les aflaires de l’empereur , et d'ailleurs rompre du tout la navigation et le commerre d'Espagne avec l'Italie. Mais il advint tout Le contraire de ce que le roy et eux pensoient en recueillir ; car la crainte partroublee que ces remuemens engendrerent dans ces craintives ames gennoises, qui n'adorent que l'escu , les plaisirs et les delices, firent soudain , et par commune concordance, une imposition de douze cens mil escus, tant pour secourir l'empereur comme pour lever de grandes forces à la conservation de leur estat, et pour le recouvrement de la Corse.Cela nous doit apprendre à mieux digerer que bien souvent nous ne faisons pas les choses presentes, par la consequence et du passé et de l'advenir aussi , et de main en main à recognoistre que Dieu seul est celuy qui mesnage les victoires et les affaires , non selon la soudaineté de nos conseils et de nos deliberations , mais selon ce qu'il sçait en estre utile et conven:ble,etqu'ilne faloit pour ceste année attendre secours de l'armée turquesque, quoy que le Grand Seigneur luy eust naguieres promis.

Sur ce propos il me sera permis de dire, comme en passant, que ceux là sont hors des gonds , lesquels tiennent qu'il est permis de s'aider de toutes sortes d'armes et d'artifices

Jors qu'il est question de terrasser son ennemi:et de la conservation de l'estat : parmy les infidelles cela pourroit estre soustenable, mais non jamais envers un prince portant tiltre de Très-Chrestien et de Premier Fils de l'Eglise, et d'autant moins que la mesme experience nous à apprins que le propre secours que le roy François premier peasa tirer de l'armée turquesque amena trois grandes ruynes : la premiere, que l'Allemagne , qui eut crainte que le paquet ne S’adressast à eux, contribua à l'empereur toutes ces grandes forces et deniers, avec lesquels il donna de grands affaires à la France; la deuxiesme , que ceste armée cousta beaucoup au roy, et ne luy servit d'autre chose que d'attaquer Nice , où elle ne fit rien ; la troisiesme, que vingt-cinq mil ames chrestiennes furent emmenées esclaves, crians vengeance à Dieu contre l'auteur de ces maux.

Ce n'est point sans cause que j'appelle nos conseils soudains et souvent mal digerés ; car en moins de rien vous avez cy devant veu un commandement au mareschal pour descendre en la Franche-Comté, peu après un autre pour renvoyer en France le colonnel Recrot, puis de ne bouger et se tenir sur la defensive , et un quatriesme portant de contribuer au comte de Tende les forces qu'il luy demandera pour entendre au secours des affaires de la Corse. Je confesse bien que c'est action de prudence de changer d'advis et de party selon la varieté des occurrences ; mais cela se doit entendre pour les propres choses qui nous sont presentes et que manuellement nous manions, et non pour les esloignées ,