LIVRE QUATRIÈME

ee | 655 sent amusées, comme il sera dict cy après.

Pour se garentir de ce hasard assez fascheux, il assembla ses gens de picd en un seul bataillon carré, au nombre d'environ douze à treize cens, la pluspart desquels avoient quelque petit trousseau de bagaige ou butin : 4 commença lors à leur dire : « Mes compagnons, je recognois vos courages si resolus au combat, que vous mesprisez les algarades de vos ennemis, qui se veulent mettre en devoir d'amoindrir une demie victoire que vous avez cmportée sur eux avec tant de peines et de labeurs, la gloire de laquelle il nous faut conserver, non par une lasche jou craintifve retraitte, ains par un genereux combat où j'entreray des premiers avec vous. Quelque contenance qu'ils facent , ils ne vous oseroient enfoncer, vous voyans la pique au poing pour chastier leur arrogance s'ils viennent à nous; mais je crains que le butin, dont aucuns de vous sont chargés, ne soit pour em-.

pescher l'agilité de vos membres et de vos courases ; si vous me les voulez remettre , je les feray aussi soigneusement garder que le mien propre, sur ces charettes que vous voyez là. » |

A ceste parole chacun cria combat, et n'y eut celuy qui ne porta son butia sur les charrettes du mareschal, qui s'estoit lors mis à pied à la teste du bataillon’, une pique au poing, pour d'autant plus les animer à combattre ; mais eux, qui l'avoient en singuliere reverence et amour , le pressèrent par cris et supplications de monter à cheval, ce qu'il fit : donnant assez à cognoistre que s’il estoit asseuré et resolu aux combats, qu'il l'estoit encores davantane aux retraictes, lesquelles à ceux qui n'ont le jagement bien affermi n'apportent jamais guieres que confusion et effroy ;

il y faut des ames si resolues qu'elles sachent

tout à coup prendre parti convenable , car par la suspension et irresolution, la verta et la valeur s’afoiblissent, et de là l'espouvante enfile la ruine.

Toutes choses ainsi diisemment ordonnées, le mareschal commanda à Biron de choisir soixante des meilleurs chevaux, en faire deux trouppes et les faire advancer un peu devant son bataillon, avec commandement qu'aussitost qu'il verroit dans ceste campagne brans-

ler aucuns des ennemis, qu'il allast au trot vers eux en contenance de vouloir combattre, sans neantmoins s'engager, comme que ce fust, au combat. En ceste ordonnance la campagne fut traversée sans que les ennemis qui se presentoient çà et là osassent jamais s'advancer, combien que par plusieurs fois ils en fissent semblant; mais la belle resolution qu'ils voyoient aux nostres Îles estonna si fort, qu'ils n'eurent jamais l'asseurance de donner dedans. Le mareschal, pour plus les estonner , avoit fait prendre à environ trois cens valets qui estoient au bagaige, de grandes perches qui représentoient de loing des lances ; et veritablement, si les ennemis fussent venus, toutes nos trouppes estoient tellement animées par la presence de leur general, que possible n'eussent ils eu du meilleur, encores qu'ils fussent en beaucoup plus grand nombre que nous, et mesmement dans leurs terres, et tous environnés de leurs places. Ainsi nous arrivasmes à la Doyre Balte fort impetueuse , plaine de rocher et qui descend de la Vald'Aouste et Yvrée, et de là dans ceste plaine pour tomber au Pau au dessous de Crescentin. Dès qu'il fut arrivé là, me voyant monté comme j'estois, à l’advantage , il me tire à part et me dict : « Vous sçavez l'ordre que j'ay laissé à M. de Bonnivet de se rendre à Chivas, et se tenir en bataille pour venir à nostre secours ; je veux que tout à ceste heure vous passiez l'eau, et que tout d'une haleine vous couriez à Chivas , toujours au galop, luy dire qu'il marche diligemment à mon secours, faisant advancer la cavalerie au trot, pendant que la fanterie suivra ; et ne craignez de perdre vostre cheval , car je vous en donneray un meilleur »; comme il fit depuis.

J'avois lors la teste si près du bonnet, que je prins ce commandement à fort grande faveur, sans mesurer l'hasard que je courois, dont Dieu me preserva.

Tant y à que jetraversay , m'estant recommandé à Dieu, fort heureusement ceste riviere , et executay si fidellement ceste charge, qu'à une heure après midy j'arrivay vers ledict sieur de Bonnivet, à qui ayant declaré la volonté du mareschal , la cavalerie s'avança soudain au trot, et la fanterie après; de là à demy heure mon cheval'fit son testament

MÉMOIRES DE BOYVIN DU VILLARS

[4555 sansnotaire, mais je ne perdis rien au change. Pendant que ces seigneurs marchoient, le mareschal, à ce que j'apprins depuis de luy, fit mettre toute la cavalerie et tous les chevaux de bagaige au dessus le courant de l'eau, pour rompre sa violence; il faisoit aussi prendre une picque , qu'il faisoit embrasser par vingt soldats tous attachés et bien serrés des mains à elle ; et ainsi fortifiés ils passerent tous à sauveté, fors quatre ou cinq, et entre autres le maistre d’hostel du mareschal, nommé Sainct Martin , gentil-homme normant, qui se noyerent ; mais à la verité ce fust en partie par leur faute, attendu que , meprisans la façon de passer des autres , ils voulurent passer à la leur , et se precipiterent par ce moyen à la mort. Il y eut un pauvre soldat qui tomba en l'eau, ayant un pacquet sur ses epaules , qui eut tant de force, qu'il le sous tint sur l’eau jusqu à tant qu'on lu y eust jetté une lance , à laquelle il s'attacha et fut sauvé, où un autre se fust perdu. Quand tout fut passé le mareschal, qui estoit luy vinetdeuxiesme, demeuré sur le bord de l’eau, passa le dernier , sans que les ennemis, qui estoient en grand nombre cachés dedans les broussailles des rives de l'eau , s'osassent jamais monstrer , fors dix ou douze arquebusiers , qui le saluerent ainsi qu'il estoit desjà dans l’eau. Or maintenant il faut parler de ce que fit l'ennemi. Dès l'apresdinée qu'il eut la nouvelle de la prinse de Verceil , il depescha domp Francisque d’Est , general de la cavalerie , avec douze cens chevaux et trois cens arquebusiers à cheval , avec commandement d'aller diligemment passer le Pau à Casal, et là prendre quatre ou cinq cens hommes de pied et trois cens à Trin, et promptement marcher pour nous surprendre ou engager au combat , sçachant que l'artillerie nous defaillant en lieu si esloigné , que la ‘partie au dedans , ou la retraicte au dehors, seroit fort desadvantageuse ; mais l'execution en fut si lentement conduicte , que nostre diligence la surmonta, en tant que ces trouppes , ayans voulu repaistre tout à leur aise à Casal , nous donnerent le loisir de faire ceste heureuse et honorable retraite , laquelle autrement n'eus-

sions sceu faire qu'avec une evidente ruyne.

j Six jours après nostre retour à Thurin , le

mareschal de Sainct Michel, Espagnol, et gouverneur de Verceil , et lequel en la surprinse s’estoit sauvé en la citadelle , depescha un trompette au mareschal pour demander d’aucuns prisonniers, mettant au bas de la lettre ces mots de sa main : Bezo las manos de vuestra Eccelencia para la merced que me ha hecho & non tomar Vercello. Ceste indigne et insolente bravade fut retorquée à sa honte par ces mots : « Si tu n’eusses couardement quitté le combat et ton honneur , je ne l'eusse pas prins ; les armes journalieres me donneront assez d'occasion pour chastier ton arrogance et ton audace. »

En ce temps Terouenne fut assiegée de la part de l'empereur par le sieur du Ruls, estans dedans les sieurs duc de Montmorency et Dessé. Au premier assaut bien soustenu , le sieur Dessé fut tué ; au deuxiesme , Montmorency le soustint fort courageusement ; mais ‘au troisiesme , qui fut general , il fut emporté, n'ayant ceux de dedans aucuns outils pour se retrancher , comme ils eussent peu faire. Ce sont des fautes fort familieres aux François, lesquels s'endorment ou relaschent en la provision des affaires, ne faisans jamais rien qu'à la haste et hors de saison, donnans par ce moyen à leur ennemi les advantages qu'ils devroient prendre sur luy. Ce bon seigneur de Montmorency fut prins en combattant, et paya les fautes d’autruy. Et pour autant qu'il y eut de grands combats, je renvoyeray le lecteur à ce qu'en 'est representé au commencement de ce livre quatriesme , faict precedemment que j'en eusse recouvert les extraits. De mesme suite Hesdin fut après emporté, estans dedans le duc Orace Farnaise, qui y fut tué, les duc de Bouillon, marquis de Villars, de Martigues, de Rieux, et autres notables seigneurs, la place ne vaillant rien.

Il semble que ce soit chose fatalle aux François de ne sçavoir jamais mesnager leur force ny leur courage ; car , sans considerer si les places sont soustenables ou non, ils se vont imprudemment jetter dans la première où le bruit court que l'ennemi se veut adresser , et où ils demeurent tués ou prisonniers , comme firent la pluspart de ceux-cy, et sans