LIVRE CINQUIÈME

pour autant que fa prudence de l'Italien le conduict tousjours à balancer et mesnager les affaires selon letemps et les occasions, le mareschal eut crainte qu'en differant ceste declaration sur le bruit qui couroit dà renfort des: ennemis, ledict marquis y renonçast du tout ; et fist un voyage vers luy, sous pretexte d'aller recognioistre le Biellois. Après les entrevues , les choses furent arrestées à ce poinct : à sçavoir , que lcdict sieur marquis se declareroit serviteur dû roy, à trois mille escus de pension par an ;

Qu'il fortifieroit , avec le secours du Biellois , le chasteau de Galiiny, qui couvriroit Yvrée et Bielle , et asseureroit aussi le païs jusques à Gatinarre , pour la garde duquel Galiany deux cens hommes luy seroient payés:

Que le comte de Candel , son fils, auroit mil hommes de pied , lesdicts deux cens comprins , sous trois capitaines dont il seroit colonnel , partie desquels seroient despartis par toutes ses villes et chasteaux. Les choses signées , le mareschal leur mit l'escharpe blan: che à tous deux au col, mais non au cœur, ainsi qu'il apparut depuis.

En ces entrefaictes le mareschal fit entendre a roy qu'il avoit réceu lettres du baron de La Garde , par lesquelles il luy mandoit qu'il estoit après à joindre les galéres de Sa Majesté avec celles d'Alrer, et qu'il y avoit apparence qu'en voulant seconder leurs forces de celles qui sont ici, qu'on emportcroit la ville d'Albuigue , sur la mer, que fes Genaoïs fxisoient diligemment fortifier, par la prinse de laquelle Gennes et Savonne seroient rednites à grande extremité ; que de sa part il em louoit l'execution , mais qu'il faudroit que les galeres fassent celles qui apportassem l'artillerie et toutes les munitions necessaires pour en venir à bout : qu'en ce faisant ï marcheroit avec de si bonnes forces qu'il ef auroit la raison ; que ceste bourrasque pourroit mesmes apporter quelque soulagement aux affaires du Siennois ; mais, quoy

qu'ä y ait, qu'il ne l’entreprendroit jamais

sans un particulier et fort exprès commande-

ment de Sa Majesté.

Les seigneurs des Ligues, voyant que fc!

roy advançoit fort ses affaires vers le Milannois, escrivirent au mareschal que , par leurs

anciens traictés avec les ducs de Milan, ils ne pouvoient porter leurs armes en ceste province , et que par ainsi 1ls le supplioient que là où son intention seroit d'y entrer , qu'il ne trouvast mauvais qu'ils commandassent à ceux de la nation qui estoient au service du roy, de s’en retirer , ou pour le moins se deporter d'entrer sur les terres du Milannois. C’estoit une practique dressée par Île cardinal de Trente et par Le Figuerol , avec armes dorées , qui sont fort aimées par ceste nation qui prent à toutes mains , pour d'autant afloiblir l'armée de Sa Majesté. A quoy le mareschal respondit qu'il n'y avoit plus de ducs de Milan , ains que tout estoit reduict en l'usurpatrice main de l'empereur , ennemi commun et d'eux et du roy , à qui ceste province appartenoit , et que s'ils avoient jadis porté les armes contre la France à la journée de Novarre et de Marignan, violans les anciens traictés qu'ils avoient avec elle, que ceste faute et les nouveaux traictés les obligeoient à servir par tout celuy qui les avoit si enrichis et si favorablement receus , et que les alliances tant de fois renouvellées avec nos roys ne portoient point ces restrinCtions : S'asseurant aussi qu'y ayans bien pensé ils corrigeroient leur latin pour ne donner occasion à Sa Majesté d'embrasser les alliances de plusieurs princes et communautés de Germanie, qui offroient leur service à conditions plus to- Jerables que n’estoient les leurs. Onc puis il n'en fut parlé.

Le roy, par le general Coeffer, commanda au mareschal que tout aussi tost que Santia seroit mis en deffence , et pourvu de vivres et de forte garnison , il eust à casser les nouvelles forces qu'il avoit dressées, Sa Majesté n'en pouvant plus supporter la despence à cause des grandes affaires qu'elle avoit sur les bras, et qu'il ne retinst que ce qu'il falloit pour la garde des nouvelles places du Piedmont , où elle vouloit qu'il se retirast soudain. Ce commandement fut trouvé fort estrange , car il n'y avoit pas quinze jours que Sa Majesté luy avoit commandé d'advancer ses fronüeres le plus qu'il pourroit du Milannois ; mais en ruminant là dessus , il recognut que cela procedoit de la main de ses emulateurs , qui envioient les prosperités que Dieu luy donnoit.

MÉMOIRES DE BOYVIN DU VILLARS

C'est pourquoy il descouvrit lors au roy que le principal fondement sur lequel il avoit fortifié Santia , avoit esté pour en dresser une escalle à la prinse de Casal , qu'il avoit tousjours teue à Sa Majesté; que ceste mesme consideration estoit celle aussi qui l’avoit invité à forcer Verrue , afin qu'ayant de toutes parts bien asseuré les affaires , il peust lors, sans courir honte ny hasard, essayer ceste entreprinse , laquelle estoit de telle consequence , qu'elle ne devoit estre meprisée ne negligée , et que par ainsi, pour y parvenr et pour la maintenir par après, il falloit plustost augmenter que diminuer les forces :

toutesfois , si Sa Majesté vouloit mespriser les faveurs de la fortune et ne se soucier de ceste conqueste qui en engendreroit d'autres, qu'il satisferoit à ses commandemens, mais avec un regret qui l'accompagneroit toute sa vie ; que luy , ny tant de braves seigneurs et capitaines qui servoient Sa Majesté en Italie, n’avoient jamais desiré qu'elle mist en consideration le hasard de leurs vies, et moins la perte de leurs facultés , mais bien de Ia vor magnanimement et soigneusement embrasser la gloire, la reputation, la conservation et augmentation de J'estat , et lequel, à cause de la continue , ne pouvoit recevoir ny l'un ny l’autre sans le secours des finances ; et que par ainsi il falloit mettre la main , par une douce saignée , dans les richesses inutilement enfermées dans les coffres des bonnes villes, toutes lesquelles demeureroient fort esbranlées à toute ruyne si le prince et l’estat venoient à decliner vers le mal , et qu’aussi bien lors faudroit-il faire par force ce qui ponrait aujourd'huy estre doucement etgracieusement faict par promesse de remboursement lors que Dieu donneroit la paix à Sa Majesté et à eux. Le roy , ayant esté rendu capable d'une s haute esperance que la fortune luy presentoit, changea d'opinion , loua et approuva tout ce qui avoit esté faict et qu'on vouloit encores faire , promettant nouveau secours et moyens qu'il tiendroit prests selon la favorable issue de l’entreprinse , que Sa Majesté vouloit estre executée , et de laquelle il se promettoit avoir bientost des bonnes nouvelles, et de recognoistre si bien les grands et memorables services du mareschal , qu'il serviroit d'exem-