SO

ple et d'aiguillon à tous ceux'qui portoient les armes.

Vous avez cy devant veu que le mareschal avoit destiné d'Ampville au commandement de la cavalerie dont estoit colonnel le duc d'Aumalle, absent lors du Piedmont. Ce prince l'ayant ainsi entendu’, letrouva fort mauvais, estimant qu'il y couroit de sa reputation , dont

il fit plainte au mareschal d'une façon assez

aigrette : luy, s'en excusant, dict que ce n’estoit que par provision, attendu son absence et pour la consequence des affaires de Sa Majesté. Il fallut toutesfois qu'elle mesme s’en meslast , et qu’elle advouast l'avoir ainsi ordonné pour adoucir ce qui commençoit à s’eschaufler , et qui eust brouillé toute la cour et les armées de fort dangereuses partialités. Le prince , de fort doux et gracieux naturel, se voyant ainsi satisfaict, approuva le tout, mesme par la valeur recogneue audict d’Ampville. É

} Depuis que ceste alarme fut refroidie , le connestable manda ces mesmes mots au mareschal : « Ne craignez ny ne vous estonnez de tout ce qui vous a esté escrit ou mandé pour le regard de la charge que vous avez donné à mon fils d’Ampville; car vous n'avez pardeçà à vous arrester sur autre que sur moy , qui sçauray assez, sous l'autorité. du roy , maintenir et faire approuver ce que vous avez dignement faict : ce sont ruses ou charités de cour , qui ne vous doivent aucunement estonner ; car , à la verité , vous n'avez faict que prevenir le roy , qui estoit en la volonté de vous commander ce qu’il a approuvé, l'ayant faict pour personne de merite qui est vostre parent, et le pere duquel vous aime de longue main. »

Or , pour autant que Îles payemens de l’armée estoient passés en coustume de longueur et de mespris', le mareschal, craignant qu’estant si proche de l'ennemi qu'il estoit, cela n'apportast à la fin quelque revolte ou mutinerie parmy ceste armée de diverses nations, à la ruyne de ce qu'il pretendoit executer du costé de Casal , il s’en plaignit fort aigrement à M. le connestable, qui avoit le souverain maniment des affaires , le suppliant ne trouver mauvais que non seulement i} l'importunast pour l'execution de son payement , mais aussi