LIVRE CINQUIÈME
necessaire à leur advancement , et que par ainsi il le falloit aimer , honorer et luy obévyr, sans quoy les armes ne pouvoient bonnement prosperer.
Le douziesme de juillet, le sieur de Cypierre sortit de prison, et vint trouver le mareschal ’en Piedmont : par luy il fit entendre à Sa Majesté l’extreme necessité où Valfenieres estoit reduite, et comme il luy estoit impossible d'entendre à plus grande entreprinse que là , tandis que Sa Majesté le tiendroit bas de forces et de moyens ; car de se jetter inconsidérément à embrasser des choses incertaines par le hasard des certaines, il ne le feroit jamais, non qu'il eust faute de cœur ny belles accasions , mais qu'il avoit aprins à les mesnager avec honneur, jugement et utilité, et non à la discretion des desirs inconsiderés.
Manda aussi que le Figuerol faisoit tout ce qu'il luy estoit possible pour secourir encores de vivres et de munitions ledict Valfenieres, à quoy ils "estoittousjours Si à propos opposé, qu'il n’en estoit jusques à present peu venir à bout. |
Le baron de La Garde, qui estoit à Boniface avec les galleres du roy pour trajetier des gens au Siennois , en revenant il rencontra trois ourques chargées de bleds ‘pour
Gennes; il en mit à fonds l’une et print les
deux autres. Par mesme suitte il donna advis que si l’armée du Grand Seigneur ou celle du roy d'Alger ne comparoissoient bien tost, qu'ilseroit contrainct de tourner teste à Mar seille pour se rafraischir et r ‘avictuailler les galleres aussi.
Qu'ayant le colonnel Bonnivet voulu faire publier et tirer en practique l'ordonnance nouvelle que Sa Majesté : avoit faicte sur la forme et reiglement des payemens de fanterie, I] y avoit eu ‘telle clameur et mescontentement de tous costés , que les meilleurs soldats de l'armée s'estuient desrobés pour retourner en France; pour à quoy remedier il avoit faict assembler le conseil, où, les choses debattues, on n'avoit sceu trouver meilleur expedient que de corriger et adoucir un peu l'article qui portoit que, quand il deflaudra nombre de picques seiches,
Ou autres prenanssimple paye, les appoincte-
664 MÉMOIRES DE BOYVIN DU VILLARS. (1554
mens ordonnés au total de la compagnie seront rabattus à la proportion de ce deffaut ; estant la verité qu'il n’y avoit soldat, pour bon mesnager qu'il fust, qui sceust vivre de six livres par mois, tant s’en faut qu'il eust de quoy s'habiller et acheter poudre , plomb et mesche : d'alleguer comme on pourroit faire, qu'il faut soudain remplir les places de ceux qui s'en iront, c’est traicter de l'impossible , car le Piedmont ne nourrit point de pepiniere françoise où on les puisse soudain choisir ; de maniere qu'il faudroit, cela se Continuant ainsi, que Sa Majesté envoyast de deux en deux mois nouvelles creues pour remplir les places vides , ce que faisant l'accessoire surmonteroit tousjoursla despence du principal : de mettre aussi en jeu que, si on faisoit bien garder les passages, on attrapperoit et chasticroit les fuyards, il va long-temps que cela a esté ainsi ordonné; mais le Piedmont a tant de passages et d'issues, que le mesme Argus n'y Sufliroit pas ; et puis celuy qui craint , comme faict celuy qui se desrobbe, est tousjours luy-mesme si avant au guet, qu'il se sçait escouler par des endroicts qui ne sont cogneus qu'aux ours et aux chamois : d’ailleurs la clemence et le * debonnaire naturel du roy sont si esloignés de ces cruautés , qu'il est tousjours plus préparé à pardonner qu'à chastier les fautes que la seule necessité et la pauvreté font commettre, par ceux qui n'ont autre apuy que la paye de Sa Majesté, estans mesmement esloignés de la France.
Le roy ayant reprins quelque opinion sur les precedentes remonstrances du mareschal sur le secours de Sienne, et prevenu d'heure les inconveniens, il luy manda que de sa part il ne la tenoit ny si difficile ny si hasardeuse qu'on pourra penser , et que Sa Majesté avoit assez de bons serviteurs qui n'avoient faute de cœur ny d'experience pour l'entreprendre, et qui eussent, si on leur eust de bonne heure communiqué , sceu disposer tellement les affaires, que Sa Majesté en eust receu gloire et honneur, avec l'assistance de tout l'estat siennois, qui eust ouvert la porte à la conqueste de toute la Toscane, et peu à peu l'empire d'Italie : mais de le vouloir maintenant entreprendre à la haste , comme on vou-
droit aujourd'huy faire , c'est chose impossible à qui ne voudra hasarder tout ce qui est deça les monts, pour les mesmes choses qu'il tient aujourd'huy pour desesperées : si toutesfois elle vouloit prendre resolution au contraire , et donner les moyens pour embrasser le jeu, il ne craindra jamais les propres dangers qu'il prevoit :desjà; et tout le plus grand secours que Sa Majesté puisse aujourd'huy apporter à tels affaires , « c'est de dorner le moyen de marcher droict à Milan, et y apporter, comme on pourra faire , tel estonnement, que les Imperiaux soyent contraincts de revoquer leurs forces du Siennsis pour nous venir combattre, et à quoy nou nous preparerons tous, avec resolution d'a rapporter la victoire, sous la faveur de « bon Dieu qui assiste tousjours la justice des armes. Tout d'un train on pourra aussi ettreprendre contre l'une des deux places, os toutes les deux, sur lesquelles Vostre Mijesté sçait qu'elle a de grandes intelligences, et qui scroient, avec le temps, propres à conquerir la Lombardie ; mais s'il est, ains que le bruit en court, que Sa Majesté vueille racourcir les forces du Piedmont pour les envoyer par mer au Siennois ou en Corse, ilest à craindre qu’en pensant sauver Sienne qu'elle ne perde le Piedmont, le Montferrat, l'Astisane et tout ce qui est de deça les monts, avec la reputation , que les princes genereux ainsi que Sa Majesté ont tant à cœur, avec les mesmes forces qu'elle y envoyeroit aussi.» Le Figuerol et tous les seigneurs de l'armée imperiale s'assemblerent en Alexandrie pour deliberer de secourir encores de nouveau Valfenieres, estimans que nos forces fussent de beaucoup plus grandes qu'elles n'estoient , le défaut desquelles on avoit caché à ceux mesmes du camp vollant qui alloit rodant à l'entour dudict Valfenieres.
Ils resolurent d'escrire à l'empereur pour avoir son consentement sur le hasard d'une bataille , s'ils estoient contraincts de Ia donner. Et à la vérité, toutes choses estoient si bien disposées à l'advantage du service du roy, que Valfenieres eust esté pieça emporté si le desastre de Sienne ne fust succedé, et si Sa Majesté eust de bonne heure envoyé le renfort promis. De mesme suite Vulpian eust
couru pareille fortune. Envoyer tost ou tard le secours, n'est pas ce qui fait ou espargne la despence, mais c'est bien ce qui engendre les pertes et les inconveniens, et à la suite d'iceux le redoublement de la despence, avec perte de reputation, qui ne s'acquiert pas facilement parmy les armes.
: Cependant La Trinité desroba un chasteau, entre Fossan et Cairas, nommé La Bastide, qui estoit pour apporter beaucoup de mal si on luy eust donné loisir de le fortifier ; mais pour l'en empescher le mareschal depescha soudain le sieur de Gordes pour l'aller reprendre , avec ce qu'il tireroit des garnisons de Montdevis, Ceve , Albe, Beine et Saviglan. Si tost qu'il fut party et que le bruit courut que forces s'assembloïent de tous costés, La Trinité laissa reprendre ce chasteau, qui fut soudain desmantelé.
} Le quatriesme aoust arriverent en Ast sept nouvelles cornettes de cavalerie espagnolle ; quoy entendu par le mareschal , il dépescha La Motte-Gondrin et Francisque Bernardin avec trois cens chevaux et six cens hommes de pied, pour leur dresser quelque embuscade et les charger. Soudain que la ville en eust l'alarme, il sortit environ trois cens chevaux, suivis de huict ou neuf cens hommes de pied; ce que recognoissans les nostres, ils n’enfoncerent que les premiers ; il y en eut de vingt cinq à trente portés par terre, et autant de prisonniers. Tout le mal qu'il y eut pour nous, ce fut la blessure d’une main dudict sieur de La Motte Gondrin, qui en fut quitte pour la perte du doigt medecinal seulement. Le mareschal l’alla visiter , lequel il supplia vouloir escrire à Sa Majesté de ne permettre que la chicanerie de Tholoze le ruynast, comme elle faisoit, pendant qu'il preferoit le service de Sa Majesté à son interest particulier.
Au mesme instant le mareschal eut nouvelles que le sieur domp Raimond de Cardonne , domp Alvaro de Saude et le comte d'Arignan , cestuy serviteur de M. de Savoye, et les autres de l'empereur, estoient retournés de Gennes avec asseurance de trois cens mil escus, de la venue des six mil Allemans nouvellement levés au comté de Tirol, et de l'embarquement de quatre mil bisognes aussi
