LIVRE CINQUIÈME
nouvellement levés en Espagne, et que le duc d’Alve devoit venir en Italie avec tant de puissance, qu'il n'y demeureroit pas un pauvre François pour servir de semence à l'advenir.
Pendant que ces remonstrances estoient bien receues par aucuns, et condamnées par ceux qui n'y entendoient que le haut allemant , le mareschal fut asseuré que les ennemis avoient depesché douze enseignes de fanterie et quatre cornettes de cavalerie à Gatinare , avec commandement de le diligemment forüfier pour en faire un asseuré propugnacle contre Santia. Quoy consideré, il dépescha Bonnivet et d’Ampville, avec trois cens chevaux et douze cens fantacins, moitié François et moitié Allemans, pour recognoistre la contenance des ennemis, et, selon la belle apparence du jeu, les enfoncer si serieusement , que nul n'en peust aller conter des nouvelles aux autres. Ces seigneurs estans partis, resolus à bien estriller les ennemis, la goutte print Bonnivet à my-chemin ; dont le mareschal ayant esté adverty, il monta soudain luy-mesme à cheval, assisté de quatre cens Suisses et cent cinquante chevaux, conduisans deux moyennes, en resolution d’attaquer un si cruel combat, que les ennemis ne se hasarderoient plus d'agacer ny resveiller le courage du lyon françois. Les chemins, enfondrés par les pluyes survenantes, retarderent les nostres et ouvrirert le jugement à l'ennemi pour se retirer de bonne heure du mal qu'on luy preparoit. Et de faict, oyans que le mareschal y estoit en personne, ils deslogerent sans dire à Dieu; mais au lieu de prendre la campagne , le chemin de laquelle estoit le plus court, ils prindrent celuy de la montagne , traversans le val de Sezia, de maniere que quand nos trouppes arriverent à Gatinare ils avoient desjà faict deux lieues de chemin. Le chasteau fut rendu dès la mesme arrivée du mareschal, qui fust et sur le mesme soir attaint de la goutte, qui vint loger dans ses jambes , aussi bien qu'elle avoit faict en celles de Bonnivet, et avec tant de douleurs, qu'il le fallut emporter à Santia dans un coche que la comtesse de Gatinare, dame fort galante , luy presta. Si elle n’eust esté d'age, j'eusse craint que le combat amou-
reux n'eust esté celuy qui avoit ouvert la porte à ceste fascheuse goutte.
Tout ainsi que l'amoureux remue tousjours toutes sortes de pierres et de partis pour confirmer et augmenter l'amour de sa dame, tout de mesme aussi le mareschal alloit ruminant et remuant en son esprit tout ce qui pouvoit servir à conserver ou faire perdre sa Lien aimée nouvelle fortification de Santia. Pour à quoy parvenir , il fit nouvelle instance du roy, où de lay envoyer tant de forces qu'il peust à force ouverte combattre l'ennemi, ou au moins si suffisantes, qu'il peust si bien fournir Yvrée , Masin et Santia, qu'elles tinssent coup pendant qu'il feroit la moissou prochaine du Piedmont; qu'à lors l'ennemi scroit harassé , et luy frais et reposé pour entreprendre tout ce que le temps luy pourroit offrir ; qu'il avoit trouvé les regimens de Roquendolf et Rifflemberg si mutins et si mal disciplinés, que par peines et menaces il n'en pouvoit venir à bout, et que quatre mil François ou Suisses rendroient plus de service que ne font tous ces six mil brodes; qu'il avoit gaigné ce poinct sur les Suisses qu'ils feroient monstre tous les mois, pourveu qu'on arrestast leurs roolles selon ce qu'ils auroiïent presenté d'hommes, et que après il fussent payés à ceste raison; offrans neantmoins, pour nc precipiter les affaires du roy, attendre le payement non un mois seul , mais deux et trois, alleguans que par ce moyen ils ne courroient le hasard de perdre ce qu'ils auroicnt presté à leurs soldats morts ou qui auroient quitté l'enseigné. Le roy promit de faire responce à tout cecy par un gentilhomme qu'il envoyeroit exprès.
Cependant qu'on travailloit à Santia, le sieur Ludovic de Birague fit entendre au marechal que deux gentils-hommes, l’un de ses amis et l'autre parent , offroicnt de mettre entre ses mains deux chasteaux situés en Lomelline, la plus feconde partie du Milannois, et qui estoient si forts, que le moindre des deux endureroit de sept à huict cens coups de canon. Mais, parce qu'ils estoient trop recullés de nous , il n’y voulut entendre, remerciant toutesfois l'un et l’autre de leur bonne volonté, et les prians remettre la partie à une autre plus advancée boutade.
MÉMOIRES DE BOYVIN DU VILLARS
Le mareschal, voyant la fortification de Santia si advancée qu'elle estoit presque en deffence, envoya querir Île sieur de Salveson, auquel il avoit baillé le maniment et la négotiation de l'entreprise de Casal, pour en conferer avec luy et desormais passer à l'execution. Or, auparavant qu'entrer plus aÿant en matiere, j'ay jugé necessaire de declarer par le menu quelle estoit l'entreprinse, &à tout d'un train faire cognoistre à chacun que la gloire de l'execution qui s'ensuivit par après, a esté par aucuns ignoramment attribuée atdict Salveson et non au mareschal, à la seule prudence, bonne conduicte et jugement duquel toutesfois le tout doit estre attribué : à quoy , à la verité, ledict Salvesoh doit part ciper pour le secret, diligence et valeur qui apporta et à la conduite et à Fexecution. ]l faut donc entendre que ce capitaine Pont-de- Sture , duquel j'ay cy-dessus faict mentic, avoit un sien cousin, maistre d'escolle dans Casal', logé tout contre le rempart de h ville, près la porte du Pau. Ce bon compagnon, menant souvent jouer les enfans sur cœ rempart, s'amusoit quelquesfois à regarder le fossé et ceux qui alloient et venoient par ceste porte. Il advint un jour, mspiré par un ange qui estoit bon François, qu'il remarqua qu'à vingt pas de ceste porte il y avoit uñ tourion à demy quarré, qui empeschoit que la sentinelle et la garde mesme de la porte ne pouvoient decouvrir ce qui se faisoit derriere ce tourion, et que la sentinelle qui estoit à la main gauche, la muraille faisant un peu de recourbement, ne pouvoït aussi descouvrir ce qui se faisoit à lendroïet de ce mesme tourion. Il commença là dessus à bastir d'aussi grands desseins que s’il eust retcontré la vraye pierre philosophale : toutesfois, pour n'estre pape, par fantasie il print une nuict la hardiesse de jecter une eschelle dans le fossé, par laquelle il descendit et remonta à son aise sans estre descouvert de personne. Ayant assez souvent ruminé sur les moyens qu'il pourroit tenir pour ménager à son utilité ce qu'il avoit descouvert, il s'advisa un jour de ce sien cousin Pont-de-Sture, soldat de Salveson, lequel il invita à le venir voir à Casal en habit desguisé , et qu'il le logeroit et traiteroiït, puis confereroient du ma-
riage d'une sienne fille dontil estoit fort pressé, et qu'il ne vouloit faire sans luy.
Poñt-de-Sture , à ceste semonce, demanda congé à Salveson : l'ayant obtenu, il fit le voyage de Casal, où estant, ce sien cousin maistre d'escolle luy dict : « Que me donneroit, à vostre advis, le-roy, si je luy pouvois mettre ceste tille entre les mains? »
L'autre luy respondit : « Je la recognofs de telle importance, que rien ne vous sera refusé, vous servant de l'addresse du mareschal, avec lequel il faudroit en conferer. — Allez donc vers luy, dict le maistre d’escolle, et luy demandez douze mil escus pour moy et six mil pour vous, càr il faut que vous soyez celuy, et non autre, qui alle et vienne vers moy ; el m'apportant asseuranee je vous monstreray dequoy.» Pont de-Sture, aulieu de repasser versSalveson à Verrue, s’en vint droict trouver le mareschal, auquel il donma ouverte communication de son voyage et la demande des dix-huict mil escas. Le mareschal, ayant un peu pensé là dessus , dit à Pont-de-Sture que cest affaire estoit de si grande consequence, qu'il le faloit manier avec pradence et par la main de quelqu'un fort secret et fidelle ; l’autre luy respondit : « Mon capitaine est, ce me sembk, le plus propre de tous ceux que vous sçauriez choisir, mesmes estant Si proche de Casal que je pourray aller et revenir d'une nuictée à l'autre. » Le mareschal lui respondk : « Puisque vous avez bien conduit celle de Verceil, vous sçaurez aussi reduire celle-cy à perfection; je depescheray vers luy un de mes courriers à fin que demain i se trouve icy, et lors nous conclur-
rons par ensemble ce qüi sera de faire. » Sal- |
veson estant venu, il fut entr'eux resolu que Pont-de-Sture retourmeroit vers sOn cousin , luy porteroit les promesses du mareschal , avec cent escus qu'il luy donneroit pour entretenir son courage et sa devotion jusques à tant que le temps fust propre pour parvenir à l'execution ; et qu'auparavant que s’en revenir , luymesme en recogneust bien au vray kesmoyens pour les luy rapporter , et selon cela disposer les affaires bien à propos. Pont-de-Sture alla voir son cousin, qui trouva les escus de si bon goust , qu'il le fit luy mesme descendre et remonter par l'eschelle dans le fossé ; dent
