LIVRE SEPTIÉEMHI

tous ceux cy, en la maison desquels sa fille estoil mariée, esperant, par le chatouillement d'une ambition mal conceue qui troubla son repos, de faire comme les autres ses affaires aux despens d'autruy, et dont depuis il se trouva autant reculé qu'il pensoit estre avancé, avec perle et honte tout ensemble; mais, comme Italien qu'il estoit , qui se sçait precautionner avant Île coup, il fist bientost sa paix avec l'empereur , se retirant et renfermant dans sa coquille , pour remplacer , par un severe mesnage, tant de beaux escus qu'il avoit tirés de son tresor, et qui furent aussi inutilement despendus que ceux du roy, et ses forces aussi : ayans oublié les uns et les autres que la fin des entreprinses desquelles la justice est separée est tousjours plus malaisée à demesler que n'en est le commencement, n'y ayant dessein, pour bien basty qu'il Soit , qui se puisse parachever qu'avec peines, fascheries , labeurs et hasards ; car tant plus on s’en approche et tant plus s'avoisine l'on du peril. Et de faict, nous voyons ordinairement que ceux lesquels se hastent le plusindiscretiement à commencer laguerre, sont tousjours les plus mal pourveus , et con:

sequemment Îles plus infortunés , comme nous fusmes ; la guerre et la paix ne consistans

moins en l'abondance des deniers, dont le roy estoit fort court, qu'à [a propre valeur des soldats et du general. Mais il faut que nous COurions aux nouveaulés , et que nous nous monstrions tousjours inconsiderés à les entreprendre , et fort lasches à prudemment poursuivre le ressentiment des injures generales ; car, quant aux particulieres , nous n'y courons que trop viste , et à ce faire les amis,

| le corps ny l'ame n'y sont espargnés ; et si

encores nous pouvions imaginer quelque nouveau moyen pour la vengeance d'icelles , nous ne lairrions pierre à remuer pour y parvenir. Les magies exercées pour ce sujet n'en font que trop de foy. Ce pendant le roy manda peu après au mareschal :

Que finallement tant avoit esté traicté et disputé entre les ministres de l'empereur et d'elle , que, par l'inspiration de Dieu , n’ayans peu parvenir à la paix generalle qui s'estoit traictée durant l'an 4555 , on avoit conclu et arresté une trefve qui commenceroit en fe-

vrier 4556, à durer pour cinq années ensuivantes. Mais pour autant que fort peu sont ceux qui ayent sceu en quelle disposition estoient les affaires au temps de ce traicté, ny mesmes Îles causes qui avoient invité ces princes à y entrer , ny le but où les uns et les autres tendoient, car, comme telles choses demeurent cachées au cœur des hommes, Dieu seul en estant le scrutateur , il est malaisé qu'on en puisse cognoistre ny juger , Si ce n'est autant que les propres effects qui s'en ensuivent descouvrent à quelle fin tendoient leurs intentions , et toutes-fois, à ce qui en fut recogneu de main en main, et qui sera cy-après desduict , les uns et les autres tendoient à tout autre but que celuy qui estoit representé sur le theatre. L'empereur de sa part y consentit, pour doucement et seurement quitter les affaires et se retirer en Espagne pour y achever ses vieux jours , pour aussi plus assurement installer son fils en la possession du royaume d'Espagne , et dans les Païis-Bas, et en ceux d'Italie, et de donner quelque respit aux armes, et faire toutes sortes de provisions necessaires pour recom-— mencer à faire la guerre par la prinse de Mets, dedans lequel ils avoient de grandes intelligences.

Quant au roy, encores qu'il eust par ceste tant honnorable trefve de tous costés l’advantage du jeu , si traictoit-elle fort couvertement la ligue avec le pape , et à laquelle Sa Majesté ne pouvoit entendre sans au prealable donner quelque relasche aux peuples de leurs affictions, et assembler nouveaux moyens pour puis recommencer la guerre.

Je remettray le discours de ce qui en succeda à l'un et l’autre prince , et cependant je waicteray de ce qui se demesla sur les executions de la trefve : mais premierement je veux vous dire que, lors de la premiere cdition de mes Memoires, je n’en peus pas faire mention , pour autant que durant le siege de Paris plusieurs de mes escrits m'avoient esté desrobés , et que j'ay recouverts depuis , et entr'autres ce qui regardoit ceste trefve.

Desirant donc le roy que le pape, les princes d'Italie et le mareschal aussi, sceussent les conditions de la trefve accordée entre l'empereur et luy, et que l’execution s’en ensui-

MÉMOIRES DE BOYVIN DU VILLARS

vist aussi, le 2 mars 1556 il depescha le protonotaire de Noailles avec charge d'en conferer bien au long avec le mareschal , pour de là tirer à Rome. De mesme suitte il depescha aussi le jeune Tilladet pour donner jusqu'à Milan , pour sommer les Imperiaux à la cessation des armes ; commandoit au mareschal d'envoyer vers le marquis de Pescaire pour obtenir passe-port pour la seureté du voyage et de l'un et de l’autre : surquoy il depescha un trompette exprès.

Au mesme temps arriva aussi en Piedmont, de la part du roy, le sieur de Rambouillet pour tirer à Venise et à Ferrare, pour donner communication de ceste advantageuse trefve ; pour lequel il falloit aussi envoyer querir un passe-port dudit marquis , le priant par mesme moyen de donner ordre que les gens de guerre imperiaux s'abstinssent de courir , de piller et de ravager, comme ils faisoient , le pais au prejudice de la trefve, et plus insolemment qu'ils ne faisoient aupa-— ravant, de laquelle il devoit estre adverty aussi bien comme luy ; qu'il ne devoit en rien ignorer, non plus que luy, quand et à quelles conditions elle avoit esté faicte, et que ne le faisant ainsi, qu'il s'en ressentiroit incontinent , avec protestation d'y avoir esté provoz qué par les siens.

Au bout de douze jours , le marquis renvoya les trompettes avec les passe-ports , excusant leur retardement sur ce qu'il avoit esté contrainct d'envoyer versle cardinal de Trente, son superieur , pour la concession desdicts passe-ports. |

Que, quant à la notification de la trefve et à la pluincte des excès commis au prejudice d'icelle , qu'il le supp'ioit de croire, et sur son honneur , qu'il n'enavoit autres nouvelles que celles mesmes qu'il luy avoit envoyées, et que si son plaisir estoit luy en donner plus ample et plus ouverte communication, qu'il le supplioit que ce fust par gentil-omme exprès , lequel pourroit venir seurement sur sa parolle.

Le mareschal , desirant sortir de ces dissimulations ct connivences, desquelles il ne pourra adverir que mal, luy manda que le mesme protonotaire de Noailles, qui avoit copie du traicté , et Tilladet aussi , passeroient

vers luy pour luy en donner la mesme communication , qu il ne pouvoit croire qu'il n’eust desjà , ayant accepté l'offre. Ces seigneurs le furent trouver, auxquels, pour couvrir les invasions des siens, il dict qu'il estoit bien vray qu'il avoit entendu qu'on traictoit une trefve, mais non pas qu'elle fust accordée, ce qu'il ne pouvoit encores croire ,-tant il Ja trouvoit desavantageuse et pour l'empereur et pour tous ses alliés , et que s’il estoit ainsi qu’elle fust faicte, qu’il ne pouvoit croire qu'elle fust pour longuement durer. Le sieur de Noailles luy ayant offert de luy donner coppie du traicté , il leur dict en riant qu'il ne s'en souviendroit que trop : lorsles seigneurs domp Manuel de Luna et Alvaro de Saude tirerent à part ledict Noailles , auquel ils advouerent qu'ils ne sçavoient que trop que la trefve estoit faicte , mais que pour tout cela ils ne quitteroient jamais les armes qu'ils n'eussent nouveau commandement , et que rien n'estoit si facile qui ne fust difficile à celuy qui le faisoit envis. Cependant ils retindrent . soubs belles paroles lesdicts de Noailles et, Tilladet , sans les vouloir laisser passer plusoutre, à fin de donner loisir au cardinal d'en deliberer, comme il fit, ordonnant qu'on les laissast poursuivre leur voyage.

Par la suitte de leurs affaires , il estoit aisé à recognoistre que la fortification de Vigual, qu'ils avoient precedemment entreprinse, ne tendoit qu'à brider Casal , Montcalier et Verrue : et de faict le marquis de Pescaire, ne pouvant digerer ceste trefve, soudain que les sicurs de Noailles, de Rambouillet et Tilladet furent deslogés, il assembla soudain des forces pour s'aller saisir de Gatinare , pour en faire un propugnacle contre Santia , Yvrée et Saglany , ayant conceu ceste opinion , par le retour que M. le mareschal avoit soudain en Piedmont contre la vollée qu'il avoit prinse vers la France , que la trefve ne passeroit pas plus avant, et que par ainsi ils ne pouvoient mieux faire que d'empieter de tous costés sur nous. Luy de sa part fist saisir trois chasteaux du marquis de Masseran, et La Trinité de celuy de Cervieres. Et pour autant que le mareschal avoit tousjours l'œil et le jugement tendus pour se couvrir des surprinses, il avoit faict si fort approcher ses forces des ennemis,

Je