LIVRE SEPTIÈME

7" 755 qu'il estoit à croire que la partie ne se demesleroit jamais sans combat ; il en donna sou dain advis au roy, suppliant Sa Majesté ne faire ce tort à sa reputation de rien ceder ou rabatitre de ce qui luy appartenoit par la trefve, de luy en donner nouveaux commandemens et asseurance, estant resolu, quant à luy , à ne jamais quitter les armes que les Imperiaux n’ayent faict reparation et restitution de tout ce qu'ils ont entreprins au prejudice des conditions de la trefve.

Du douziesme mars, le roy, satisfaisant à l'esclaircissement que le mareschal desiroit , luy manda que le marquis ne pouvoit ignorer la conclusion de la trefve, en tant qu'il en avoit esté adverty par courrier exprès, qui luy avoit deslors esté depesché.

Que, là où depuis le sixiesme du mois de mars ils auroient entreprins aucune chose au prejudice de la trefve, qu'il en tirast sa raison par amour ou par force; que l’admiral de Chastillon et le comte de Palain ont accordé que tous prisonniers seront indifferemment relaschés par eschange ou par rançon. |

Par ceste depesche M. le connestable pria le mareschal de faire entendre au cardinal de Trente qu'à la faveur et consideration de luy, il avoit fort courtoisement relasché un sien nepveu, sur sa parole, de laquelle il mesprisoit maintenant l'observation ; qu'il ne pouvoit croire que un tel seigneur qu'il le tenoit, versé parmy toutes sortes d'affaires, voulust permettre qu'il y eust jamais aucune tache de perfidie qui maculast l'honneur d'une si illustre race qu'il tenoit la sienne. Le mareschal ayant depesché un trompette vers le reverendissime , la responce fut que là où son nepveu n’accompliroit fort courtoisement sa parole, qu'il l'envoyeroit picds ct mains liés à M. le connestable. n

Du quinziesme mars, les armes que le mareschal avoit faict approcher du marquis de Pescaire le tindrent en telle crainte, qu'il pria le premier le mareschal que, sans rien entreprendre au prejudice de la tefve, chacun des partis se retireroit aux garnisons, avec mutuel serment et promesse d'inviolablement observer, l'un et l'autre , ce qui en seroit determiné.

* Sera noté que ceste suspension et retraicte fut ainsi accordée par le mareschal pour deux raisons: la premiere, parce que le marquis avoit faict joug à la rechercher; la deuxiesme , pour autant que nos forces estoient lors de beaucoup inferieüres aux siennes, et que par ainsi il y avoit du danger à vouloir cruement empescher les ravages de l'Imperial, lequel peut estre eust tout hasardé pour sortir du desadvantage de la trefve, qui ne faisoit lors que d’esclorre.

À ce propos sera aussi noté que dès le huictiesme du mois le mareschal avoit donné advis au roy que Hierosme Sac, le comte de Masin et le comte Pasles Tourinel avoient assemblé de quatre à cinq mil hommes de pied et cinq cens chevaux ès environs de Verceil, et qu'ayant crainte qu'ils se vinssent jetter dans le Biellois et jusques aux portes d'Yvrée , et que là où ils entreprendroient, qu'il estoit resolu de ne pas l’endurer. Or le mareschal, pour se couvrir de cest inconvenient , avoit faict partir de Chivas Carle Birague, auquel il donna quatre enseignes d'Allemans , six cens Ltaliens et deux cens chevaux, avec commandement d'aller trouver Ludovic son frere à Santia, auquel aussi au mesme instant il avoit ordonné d'assembler, de sa garnison et de celles d'Yvrée et de Gaglani autres douze cens hommes et trois cens chevaux, avec les deux compagnies d'hommes d'armes des sieurs du Ludde et de Burge qu'il luy envoyoit, et qu'avec ce petit camp vollant et deux pieces d'artillerie ils s'allassent loger le plus près de l'ennemi qu'ils pourroient, et en lieu toutesfois si asseuré , que le combattre et la retraicte feussent en leur liberté; et qu'ils s’efforçassent de reprendre (aide seur) tout ce dont l'ennemi se seroit emparé , et sur tout les chasteaux du marquis de Masseran ; et que pour le regard de celuy de Serraval, qui estoit au delà de la riviere de Sezia, qu'ils prinssent garde de près à ne s'engager que bien à poinct. Eux, qui cognoissoient de longue main les advantages du pais, s'allerent loger à Salussola, lieu advantageux au pied de la montagne de la Serre, qui divise les Suisses et la Val-d'Aouste d'Italie. Les sieurs de Birague n'eurent guieres sejourné en ce lieu,

MÉMOIRES DE BOYVIN DU VILLARS

qu'ils aprindrent que les Imperiaux tournoient leurs forces à la reprinse de Gatinare avec artillerie : là dessus ïls battent aux champs, resolus de secourir la place et de donner une petite attaque si {l'ennemi s'obstinoit de son entreprinse. Ludovic s'advança le premier avec quatre cens chevaux, quatre cens arquebusiers et six cens Allemans qu’il avoit choisis, commandant à Carle son frere de le suivre avec tout le gros de la fanterie et cavalerie, tousjours prest à combattre, selon qu'il auroit recognu de le pouvoir faire, ou de se retirer sans desordre.

Ludovic avec sa trouppe arriva sur le midy vers Gatinare , dans lequel il troûva que douze compagnies italiennes , quatre espagnoles et autant de lansquenets, estoient desjà entrés dans le bourg avec un canon et deux coulevrines pour battre le chasteau, et lequel il avoit faict advertir de sa venue au secours.

Au mesme instant il manda à Carle son frere de faire haster la fantcrie, et luy envoyer cependant autres deux cens chevaux, estant resolu , comme il estoit, de combattre les ennemis, lesquels, au mespris de luy, qu'ils sçavoient n'estre loing d'eux, commençoient leur batterie. Et pource qu'il eut advis qu'ils se renforçoient d'heure à autre de nouvelles forces venans de tous costés , il hasta de nouveau Carle son frere, qui arriva aussi tost.

Lors il fit un gros de tous les Allemans , qu'il trouva fort animés au combat, et advancer trois cens François, joints avec sept cens Italiens soustenus de deux cens chevaux : tout cela donna si furicusement dans les ennemis, qu'ils les firent reculer jusques dans la place de Boucy, où ils firent teste. Les Biragues, ayant recognu qu'il y avoit de l'estonnement parmi eux, firent advancer le bataillon des lansquenets, garni d'un corps des plus braves corcelets, tous lesquels donnerent si courageusement, qu'ils ouvrirent les ennemis et les chasserent à vau de route , tuans indifferamment tout. Il en demeura de vingt-quatre à vingt-cinq cens, Altemps, coronnel des lansquenets, prins prisonnier, Hicrome Sac mort, avec plusieurs capitaines que morts que prisonniers , et l'artillerie gagnée. Ce fut une demie bataille, autant prudemment que

courageusement executée, qui aprint aux ennemis à mieux garder la foy de la trefve, et que Dieu chastie tousjours ceux qui mesprisent trop superbement autruy.

Lors que la suspension dont il a cy devant esté parlé fut accordée , le marquis de Pescaire n’axoit encor receu les nouvelles de ceste rude secousse que les siens avoient receue par la trop grossiere finesse et de luy et d'eux aussi; et de faict, lors qu'il en fut adverti, il ne se sceut couvrir d'autre manteau, sinon qu'd w'avoit rien sceu de l'entrepriase que les sieas avoient faicte sur Gatinare: et là dessus , craignant de pis, il envoya lors les saufconduicts si longuement attendus pour les sieurs de Rambouillet et de Noaiïlles.

Pendant que ces choses se demesloient , le sieur Pierre Strozzi fit encor faire plusieurs remonstrances au mareschai pour l'inviter à entreprendre le secours de Sieone : à quoy H respondit que toutes ses propostions estoient fort prudemment digerées, mais que tout devoit depeadre de da volonté et de la disposition du maistre commun ; que quant à buy, en son particulier, d ne luy faloit point d'esperon pour l'inviter à chose si louable et si glorieuse que ceste là.

Et pour autant que sur la finale execution de la trefve plusieurs difficultés se presentoient, le mareschal depescha le 23 mars le secretaire Ruzé, fort dextre nepociateur, vers le cardinal de Trente et marquis de Pescuire , pour les inviter à une commune et paisible concordance sur le faict de la trefve. Tout ce qu'il en peust rapporter , ce fut que dans trois jours le marquis de Pescaire se trouveroit à Valence ou à Verceil, tant pour convenir de la pu. lication de da trefve que des executions qui en dependoitent de part et d'autre, priant cependant le mareschal de diflerer toutes choses jusques à tant qu'ils eussent convenu d'un jour prefix ; ce qui luy fut accordé, orcs que le cardinal de Trente eust avec ledict Ruzé donné asseurance au mareschal qu'il la feroit deslors publier à Milan , nonobstant toutes lesquelles choses il estoit toutesfuis resolu de ne rien consentir ou accorder , que precedemment le marquis n'eust faict reparation et restitution de tout ce qui avoit eslé par luy et les siens entre-