LIVRE SEPTIEME

prins au prejudice de la trefve, et surquoy il estimoit qu'il y auroit nouvelles difficultés et longueurs, pour autant que durant ces connivences ceux de Casal et de Montcalier avoient donné une autre estrillade à ses trouppes. Le faict'en est tel : Depuis ladicte suspension d'armes, cent chevaux legers et trois compagnies de fanterie espagnole se vindrent loger dans aucuns villages ès environs de Casal, et lesquels, par ceste indecente invasion au prejudice de la trefve, ils s'en vouloient pretendre justes possesseurs, et ne faisoient contenance d'en vouloir desloger, combien que le marquis et leurs capitaines en eussent esté priés et semons par quatre ou cinq fois. Le gouverneur de Casal avoit esté contrainct recourir à la force, qui fut telle, que peu furent ceux qui en allerent dire les nouvelles à leurs compagnons, tant les nostres estoient acharnés contre eux.

Le roy loua infiniment toutes ces executions , et neantmoins commanda au mareschal de luy en envoyer les justifications, pour mettre les ennemis en leurs torts s'ils en faisoient plainte, et de se tenir de son costé fort sur ses gardes , et à ces mesmes fins ne licentier pour encores les Italiens, qu'elle luy eust peu auparavant ordonné , et qu' “elle luy feroit payer, mesme à fin que , là où les Imperiaux ne voudreient par l'amiable se ranger à cela mesme à quoy ils estoient tenus, que da propre force le leur fist faire , ne vou- Hant , quant à elle, leur ceder en quoy que ce soit, ét pour petit qu'il soit. Ce fut, à la verité, une resolution autant digne de la grandeur de Sa Majesté qu'on pouvoit desirer , la saison et la consequence des affaires consideré.

Estant , à cause de ceste derniere bourasque, survenues nouvelles plaintes et difficultés entre l'ennemi et nous, le mareschal me depescha vers le marquis de Pescaire, d'avec lequel m'estant depestré assez à poinct, le maistre de camp domp Alvaro de Saude me dit tout haut: + Nous vous prions tous de dire à M. le mareschal, la vertu duquel nous admirons, que nous nous congratulons tous et de bon cœur avec luy de la gloire qu'il a acquise en Italie et aux despens de nous, sur lesquels autre prince ni seigneur qui ait de

puis cinquante ans faict la guerre en Italie n'emporta jamais l'honneur ni la reputation qu'il a acquise et par prudence et par genereuse valeur. Par là nous recognoissons que la vraye vertu et generosité sont tousjours aimées et reverées , et Dar amis et par ennemis. » L

1l sera maintenant temps que nous traictons des occasions qui embarquerent depuis le roy à la routture de ceste si saincte et si advantageuse trefve, à la ruyne et de Juy et de la France, comme on pourra recognoistre de main en main.

Et pour autant que je n'ay cy-devant donné aucun esclaircissement solvable sur les traictés d’entre le pape et le roy, et pour raison desquels la trefve fut depuis rompue, je representeray naïfvement icy ce que j'en ay aprins, avec protestation que j'entens de n'offenser personne ; je le dis ainsi pour autant qu'il y a assez de gens qui ont le nez si tendre , qu’ils s'offencent du seul vol d’une mouche.

Par la suite des precedens livres, chacun aura peu recognoistre que la benediction de Dieu, plustost que la prudence des hommes, la force ny la grandeur des moyens, estoit celle qui avoit comblé le diadesme françois de toutes les victoires et de toutesles autres prosperités cy-devant representées au naturel; et toutesfois, au lieu de sainctement mesnager , comme on devoit , toutes ces graces, à la seureté et à l'utilité de l'advenir, le roy fut sollicité par les prieres etremonstrances du pape Caraffe (couvertement favorisées par la maison de Guise, grande en credit et en valeur), de ne se laisser emporter à faire paix ny trefve avec l'Espagnol, au moins si ce n'estoit pour reprendre haleine et se preparer à plus grands efforts qu’auparavant au secours du Sainct Siege , menacé par les armes de l'empereur du costé de Naples , à cause de l'usurpation n'agueres faicte de l’estat des Colonnois rebelles de l'Eglise, recognoissant ses forces trop debiles pour contrecarrer celles de l'empereur (qui entreprenoit leur defense) ; que par ces foibles commencemens s'enfileroient de main en main les conquestes des royaumes de Naples et de Sicile, dont Sa Sainteté investiroit le

MEMOIRES DE BOYVIN DU VILLARS

roy avec quelque mediocre advantage pour ses nepveux.

Le cardinal Caraffe (l’un d'eux, et plus rusé que l'oncle) jugea assez que ce n'estoit pas chose facile de retirer le roi des esperances qui avoient esté advancées sur la résolution de paix ou d’une si advantageuse trefve qu’estoit celle qui avoit n'agueres esté faicte, au moins s’ils n'avoient autres armes en main que les promesses et les persuasions italiques (toujours couvertes et dissimulées à leur propre utilité particuliere seulement ) ; que si la propre voix et presence de luy ne donnoient jusques en France, qu'il seroit mal-aisé que ses promesses ny ses propositions peussent prendre racine en l'ame du roy ny de ses principaux ministres (ores qu'il eust desjà barre sur la maison de Guise ), à cause de je ne sçay quelles pretentions qu disent avoir sur ces royaumes.

Toutes choses bien digerées par ce despuisé prelat , il print resolution de donner jusqu'à la cour , sous couleur d'apporter , de la part de Sa Saincteté , au roy certaine rose et espée dont les papes à leur nouveau advenement ont accoustumé d'accaparrer la benevolence de nos princes. Le venerable cardinal fut, par l'entremise de ces sieurs de Guise , fort gracieusement receu par Sa Majesté; mais luy ayant donné sonde sur l’acheminement de ses intentions, et recognu qu'il auroit les connestable, chancelier et les mareschaux de France pour contraires, il se resserra du tout avec la maison de Guise , qui avoit le cardinal de Lorraine pour conducteur de leur fortune et de leurs affaires, prelat certes subtil et bien emparlé. Ayans donc fort souvent et secretement conferé par ensemble, ils recognurent que la partie seroit mal-aisée à demesler s’ils ne tiroient à leur cordelle la royne et la duchesse de Valentinois , par des hameçons fort puissans envers les dames, à sçavoir, la gloire (conjoint à l'utilité de nouveaux et pnissans estats), comme seroit pour la royne toute la Toscane , dont elle estoit sortie , et par le recouvrement de laquelle la guerre commenceroit; et pour la duchesse et pour M. d'Aumale, son gendre et frere d'eux, quelques principautés à Naples, et de main en main pour toute la maison guisienne , la—

quelle , ainsi agrandie , et aliée des papes et des François, serviroit à’jamais d'invincible propugnacle à la manutention de la grandeur et auctorité de la royne et des autres contre toute sorte d'evenement futur.

Ces promesses , quoy que mal basties , chatouillerent toutesfois si fortles oreilles de ce sexe naturellement ambitieux et avare, qu'ils embrasserent le party, avec promesse de ne rien espargner pour y embarquer le roy, et que, pour plus aisément y parvenir , elles persuaderoiïent de ne retrancher pour cela les intentions qui estoient mises en avant pour faire paix ou trefve avec les ennemis , en tant que J’un ou l’autre serviroit d’instrument pour respirer sur les presens travaux et despences de la guerre , et pour mieux et plus soigneusement amasser aussi les forces et les moyens pour puis entendre au recouvrement de Naples : que cependant Sa Majesté pourroit, par dessous main, contribuer forces et moyens au pape pour maintenir la conqueste de l’estat colonnoïs. Or, quoy que sceussent dire ou faire lesdicts sieurs connestable, chancelier et mareschaux, les choses furent, au malheur du roy et de la France, reduictes et arrestées à ce mesme poinct, sans neantmoins considerer, comme il estoit necessaire de faire dans ces grands affaires , autant les motifs que la propre consequence des commencemens : car lors que les mal digerées deliberations nous ont conduict aux executions, on ne s'en peut despartir qu'avec offence et deshonneur , et aussi que d’ailleurs jamais Dieu p'apporte que mal et ruyne à ceux lesquels, abusans de la verité et de la saincteté de la trefve, n'y apportent que du desguisement, comme nous fismes depuis.

Avant que passer plus outre, il me semble raisonnable de donner aussi quelque esclaircissement des fondemens sur lesquels la paix ou la trefve se traictoient lors. Vous sçaurez donc que Île pape Jules de Monté, peu auparavant sa mort, avoit destiné le cardinal Polo, Anglois, pour s’aller conjouir de sa part avec l’empereur et le roy domp Philippes son fils, du mariage accordé entre luy et la royne d'Angleterre , mais principalement aussi pour conjointement traicter avec eux , et avec la France, des moyens propres à mettre fin,