LIVRE SEPTIÈME
prevoyoit en devoir advenir en s'arrestant sur Jes forces spirituelles, foibles et fort douteuses ; et mesmes les moyens et les finances de Sa Majesté estans si fort afloiblies , qu’elles ne pouvyoient aujourd'huy fournir au souste— nement de l'estat : dont il tiroit ceste consequence , que tant plus auroit elle de difficulté et d'impossibilité à y satisfaire , et à tant d'armées qu’il faudroit qu’elle eust en France, Piedmont et en Romagne.
Peu auparavant l'arrivée dudict Derdoy, le roy avoit de pesché M. de Rambouillet en Piedmont pour luy rapporter l’estat des affaires , et l’asseurer qu'aussi tost qu'il seroit retourné vers Sa Majesté , qu’elle pourvoiroit si avant aux necessités, que le mareschal auroit dequoy fournir à toutes choses, à la gloire de Sadicte Majesté et à l'honneur de luy. Mais, ayant assez souvent remarqué que , quoy il eust mandé au roy sur la dimiaution et affoiblissement de l'armée , et les moyens d'y remedier, que Sa Majesté n'en avoit toutesfois tenu compte , ains qu’au contraire elle ne faisoit que continuer à prescher la casserie et le mesnagement , et qu'il estoit par dessous main tacitement accusé d'avoir esté indulgent aux capitaines, et aussi que l'ennemi estoit sur le poinct de se remettre en campagne , il manda à Sa Majesté qu'il la supplioit croire qu'il n’avoit pas les yeux si troubles, qu’il ne recognust assez qu’on avoit envie de luy donner tant et tant d’attaintes, qu'il fust de luy mesme contrainct de quitter son gouvernement ; qu’il n’auroit jamais , quant à luy, regret à le faire que pour deux considerations seules : la premiere, pour le mal qu’il prevoyoit qui en adviendroit au prejudice du service de Sa Majesté ; la deuxiesme , parce que, se trouvantengagé et pour la prinse de Verceil etpour celle de Casal, et pour le secours de l’armée, à plus de cent cinquante mil livres, il faudroit qu'il s’en retournast avec une demy douzaine de chevaux pour aller vendre son bien et payer ceux à qui il s’estoit obligé ; ne voulant, parmy les maladies du corps et de l'esprit , adjouster une charge de conscience et un des-honneur si infame que de manquer à ceux qui l'avoient accommodè de leurs facultés , l'estimans homme de parole, comme il seroit tousjours au prix de son sang : et
toutesfois qu’il he lairroit, en attendant responce de Sa Majesté telle qu'il luy plairoit de faire, de se preparer pour partir au premier commandement, et s'en aller, non pas pour se justifier, car il n'avoit jamais failly, mais bien pour faire recognoistre à Sa Majesté et à toute la France que ses actions avoient merilé tout autre honneur et traictement que celuy qu'il avoit presque tousjours receu, et duquel il ne s'estoit toutesfois jamais voulu plaindre , pour l’esperance qu’il avoit d'une meilleure moisson que celle que on luy presentoit aujourd'huy, laquelle serviroit de peu honnorable exemple à tous ceux de sa portée : cependant il ne craindroit jamais de dire fort franchement , sous la correction toutesfois de Sa Majesté, qu'en tout temps et en toutes sortes d'affaires, on l'avoit tousjours repeu d'esperances fort foibles et d’un secours si malade , qu'il ne s'estoit jamais sceu lever du lict; et toutesfois que, s'il ne eust bien sceu temperer et mesnager avec devotion et jugement Îles forces et les propres commandemens qu'elle luy avoit diversement faicts, ses affaires seroient pieça recullés à cent pas plus loin qu’ils n’estoient pas; que ce luy estoit plustost grandement louable que condamnable, lequel, prevoyant les malheurs qui pouvoient accabler le prince, l'estat et la patrie, y sçavoit opportunement remedier, ores que ce fust contre l'ordonnance du maistre ; que les choses bonnes d'elles-mesmes, comme estoient toutes ses actions , n’avoient que faire de langage ny de paroles fardées, sçachant pieça qu'il n’y avoit rien de si incertain que l'amitié et la félicité; et que de là il avoit aprins à estre tousjours constamment preparé à toutes sortes de disgraces telles qu'estoient les siennes, malgré lesquelles il auroit tousjours pour sepulture ceste glorieuse memoire qui couronne la vie et qui honnore la posterité; que ceux qui comme luy aimoient l’honneur et la gloire combatoient tousjours plus courageusement les choses difficiles que les aisées, leur ame estant tousiours et à toute heure plus disposée à mourir honorablement parmy la gloire et la louanse , que de vivre parmy les ruynes et les infelicités serviles de la commune patrie, pour toutes lesquelles raisons il s’estoit resolu à n'entendre desor-
MÉMOIRES DE BOYVIN DU VILLARS
mais qu'à purger et polir son ame pour la rendre agreable à Dieu, ainsi qu’il avoit prié M. de Rambouillet, s’en retournant vers Sa Majesté, luy remonstrer, le chargeant à ces fins d'un memoire de ceste substance :
« Fera le sieur Rambouillet recognoistre à Sa Majesté que le mareschal ne peut, quoy qu'elle ait commandé, casser les douzes bandes françoises ny les Italiens , l'ennemi estant sur le poinct de se rejecter en campagne, et la ville de Montcalvé, qu'elle a voulu qu'on fortifiast, n’estant encores aussi en estat de deffence ; et que moins encores pourroit-il, en ce faisant, apporter le contrepoi et la faveur que Sa Majesté entendoit donner aux affaires du pape : que toutes ces contrarietés, si importantes chacune à part soy, ne pouvoient subsister en un mesme subject, comme le roy vouloit qu'elles fissent ; qu'il n’y a que Dieu seul qui tienne en sa main l’advancement et le final démeslement des affaires; que le jugement humain les pouvoit bien considerer et manier comme faisoit le mareschal, mais non pas y apporter des advantages et des dispositions qui n'appartiennent qu'à la toutepuissance divine ; et que quand tout cela cesseroit, ceste gloire et ceste reputation, pour laquelle les princes genereux, tels que Sa Majesté, mettent bien souvent tout sur le tablier, requeroit le contraire de cela mesme qu'elle commande ; et en fin que les consequences de l'estat ne se manioient pas tousjours par mesmes mouvemens et ressorts ; ains le plus souvent par des voyes à demy incertaines, ou qui semblent fort extraordiaires et impertinentes à Ceux qui jouissent de l'aise et qui veulent neantmoins censurer et absolument juger d'autruy, ores qu’il soit certain et necessaire aussi que ceux qui deliberent des plus importans affaires de l'estat voyent plus loing et plus profondement que les autres, puisque c'est à eux à rendre raison de ce qui en succede, et que la propre experience nous aprenoit que les plus lourds jugemens et les plus couards sont ceux qui se dispensent plus avant à juger et à mal parler d'autruy, ct, à la verité il n'ya vertu ny perfection sur laquelle l'audace de telles gens ne
trouve à redire; et de faict nous vovons or-
dinairement qu'on n’a pas tant de peine à se maintenir homme de bien comme à se deffendre des envicux , par lesquels sa vertu et ses fideles services estoyent continuellement assiegés.
» Remonstrera ledict sieur de Rambouillet que ces raisons et ces fondemens seront ceux, et non aucun interest particulier, qui tiendront en surceance les commandemens de Sa Majesté, avec resolution toutesfois , lors qu'elle les aura bien digerés, d'en passer par après par où elle jugera convenable; ce qui ne sçauroit estre si tost ne si heureusement démeslé qu'il est necessaire , sipremierement Sa Majesté ne considere combien‘de forteresses elle a à garder deçà les monts, combien de gens elle y doit entretenir, et de main en main les contrecarrer à ce qu'il faut avoir à la campagne pour entreprendre ou se deffendre ; que pour relever Sa Majesté de ceste peine, le mareschal en a baillé un estat au vray audict sieur de Rambouillet. Sa Majesté, l'ayant pesé et consideré, adjoustera ou diminuera ce qu’il luy plaira , et le renvoyera signé de sa main, afin qu'il serve d'instruction d’une part à ce qui sera à faire, et d'autre de descharge sur ce qui en pourroit cy-après advenir.
» Sera Sa Majesté très-humblement suppliée avoir souvenance , à ce propos, que depuis le commencement de ces guerres elle a donné plusieurs commandemens audict mareschal , à l'execution desquels s’il n'eust practiqué le mesme jugement et discretion qu'il apporte en cecy mesme , il s'en fust ensuivy beaucoup de choses contraires à l'intention de Sa Majesté et à celle de luy-mesme, lequel ne faict rien en cest endroict par opiniastreté, ny par mescognoissance qui soit en luy de l'honneur, de l'obéissance et de la reverence qui est deue à son bicnfaicteur et souverain seigneur , et surquoy il prent toujours le consentement et l’advis des principaux seigneurs de l’armée , tous lesquels, aussi bien que luy, seroient indignes de tenir les charges militaires dont Sa Majesté les honnore, s'ils ne les sçavoient mesnager à la gloire et à l'utilité de son service. Et, à la verité, le mareschal a tousjours jugé plus proffitable de craindre les dangers que de les mespriser : le premier
