LIVRE SEPTIÈME

nous tient toujours sur nos gardes, et nous invite à soigneusement cultiver la prevention ; et l'autre par le contraire nous enveloppe en des inconveniens qui ne sont pas aisés à digerer.

» Et pour-autant qu'il y a des princes qui veulent estre obéis, à quelque prix que ce soit, en ce qu'ils commandent, ledict sieur mareschal desireroit qu'il pleust à Sa Majesté, en semblables affaires, escrire par paroles expresses qu'elle le veut ainsi, quoy qu'il en puisse advenir, soit bien, soit mal ; et si lors elle n’est obéie, ce sera à elle à corriger ceux qui auront mesprisé l'obéissance.

» Quant à l'opinion que Sa Majesté a conceue que ceste casserie de douze enseignes ne s’estendoit qu'aux capitaines, lieutenans et enseignes seulement, et les soldats demeureroient pour remplir les autres, c’est, soubz correction, se tromper à escient ; car iln'ya capitaine si miserable ou chetif qui en ce cas n'estime trouver meilleure fortune ailleurs, et lequel en ceste opinion n'emmeine avec luy tous les officiers et tous les meilleurs soldats de sa trouppe, et lesquels aujourd'huy ne demandent pas mieux que sortir de Piedmont, tant ils ont esté mal payés, mal nourris, mal vestus, et incessamment travaillés.

» Quand on admettroit que les soldats ne s'en iroient pas, c'est toujours un bruict de la diminution de douze enseignes françoises, qui soulevera le courage de l'ennemi, et qui amoindrira le nostre. Cela courra aussi jusqu'à Rome et desgoutera le pape des esperances et des dessains qu’il bastit au prejudice de l'Espagnol.

» S'il plaist donc au roy s'en remettre, comme il a de sa grace souvent faict , au jugement du mareschal , il le supplie très-humblement superceder ceste casserie jusqu'à tant que les douze compagnies qu'il doit envoyer au lieu de celles-cy soyent arrivées; protestant, neantmoins, dès maintenant que si entre cy et là l'ennemi ne jette point d'armée en campagne, de faire soudain ceste casserie, sans autre commandement de Sa Majesté, et de reduire toutes les forces à cela seulement qui sera necessaire pour la garde des places, et mesmes d'en faire demanteler au-

769 MÉMOIRES DE BOYVIN DU VILLARS

cunes, desquelles, aujourd'huy que la frontiere est estendue, on se peut passer.

, » Fera aussi entendre à Sa Majesté que la neccssité où les gens de guerre sont reduicts conduisit dernierement Valerio d’Aterny, soldat italien , à machiner avec domp Francisque de Mendozze la reddition de Thurin, dont il auroit esté chastié par le dernier supplice : il est à craindre que le semblable n'advienne en beaucoup d’autres lieux , la neccssité rendant toutes choses formidables et suspectes ; c'est enfin une langueur quasi plus miscrable que la mort mesme.

» Supplicra aussi Sa Majesté de faire si exprès commandement au grand maistre de l'arüllerie, que les poudres ou boulets despendus aux sieges et batteries soyent remplacés pour en regarnir les places, mesmes maintenant que l'ennemi se prepare pour sortir en campagne. »

ÿ Peu après le partement dudict sieur de Rambouillet , le mareschal donna advis au roy que Valfenieres estoit reduitte à telle necessité, que le marquis de Pescaire avoit esté contrainct de partir d'Ast avec deux cens chevaux portans chacun un sac de farine devant eux, et que, cela deschargé, il estoit retourné tout court, veu que ce peu qu'il avoit porté ne pouvoit servir pour un mois.

, Que Cairas estoit aussi reduict à telle necessité , qu'on pourroit en deux mois emporter l'un et l'autre en faisant deux forts, assavoir un à Villefranche, qui couppe le chemin d'Ast à Valfenieres, dans lequel il faudroit au moins douze cens hommes , et en outre tenir grosses garnisons à Villeneufve et à Sainct- Damian , au milieu desquels Valfenieres estoit situé, et un autre à Bra pour le regard de Cairas, avec six cens hommes, et en departir autres cinq cens à Polens , Sainct-Alban et Saincte-Victoire.

Que là où le duc d’Alve seroit pour s'en aller à Naples , comme on tenoit asscuré, les casseries pourroient lors estre faictes, et toutes autres despences aussi reduictes au petit pied, conformement à l'intention de Sa Majesté; et toutesfois le mareschal ne vouloit laisser de luy ramentevoir que c'estoit, en ce faisant, lui coupper les aisles si courtes, qu'il demeu-

reroit sans forces et sans Moyens pour executer plusieurs notables entreprinses qu'il avoit en main, et lesquelles succedans à bien recompenseroient à large-main la despence d'un petit camp volant de trois à quatre mil hommes : qu’à son advis, Sa Majesté se devoit preparer à toute sorte de fortune , laquelle parmy de petites forces mesnagées avec jugement produit souvent de grands effects.

Qu'il ne se pouvoit garder , à ce propos , de ramentevoir que Sa Majesté tenoit en Piedmont trente places fortes et environ quarante chasteaux , en toutes lesquelles places 1 ne faloit pas moins de vingr mil hommes pour les garder , et que ceux qui disoient qu'aux necessités on pouvoit tousjours tirer d'une place pour advantager l’autre , avoient oublié que c’est preparer à l'ennemi le jeu qu'il desire, et sur lequel, s'il est sage, il veille tousjours pour se jeter tout à coup sur la place despourveue, et reduire par ce moyen son adversaire ou à la laisser perdre ou à hasarder un combat pour la secourir; et duquel hasard dépend la totale masse de l'estat, qui pourra valoir un jour de trois à quatre cens mil escus de rente, lesquels, au parsus la reputation , valent bien la peine d'estre cheris et soigneusement conservés. Lors qu'on descouvrira de quel costé tourneront les orages dont l'ennemi nous menace, l’on aura l'œil et la deliberation prompts , soit pour secourir ce qu'il assiegera, ou entreprendre l'une de ses places pour faire diversion, ou finallement pour luy donner la bataille si la necessité venoit à surmonter la raison.

Le mareschal, se trouvant merveilleusement afligé de la perseverance des commandemens du roy, encor venus puis le partement du sieur de Rambouillet sur le faict des casseries des douze bandes françoises et autant d'italiennes , et que Sa Majesté avoit resoluement commandé que cela fust ainsi executé, quelque apparent pretexte qu'il peust apporter au contraire , je le vis sur le poinct de jouer à quicte et au double ; toutesfois, l'affection et la prudence surmontant son juste despit , il mit à la balance la qualité du temps et des affaires ; et ayant trouvé quils surmontoient de toutes parts l'elfect des com-

mandemens du maistre, il print resolution de n'y obeir jusques à tant qu'il eust receu ses remonstrances au contraire , ne qu elle n'eust sceu qu'aux precedentes remonstrances qui avoient esté desjà mises sur le bureau il avoit oublié de tirer en ligne de compte les principaux poincts , lesquels , à la faveur de luy, doivent combattre et renverser tout à faict ceux de Sa Majesté ; à sçavoir le propre honneur et la reputation d'elle , et pour l'obtention et conservation desquels on ne pouvoit aier qu'elle ne fist et endurast tout cela mesme que elle faisoit aujourd'huy ; que par ainsi toutes ces necessaires et genereuses parties devoient estre en plas estroicte recommandation à Sa Majesté que tout ce qu'il y avoit de rare, de precieux et d'excellent au monde ; que quant à lay soubs l’auctorité d'elle , il n’avoit jamais visé à autre poinct que cestuylà , estimant qu'en faisant autrement qu’elle seroh demeurée fort mal contente de luy , et mesmes s'il eust ainsi à la haste procedé à ces casseries , lesquelles ne sçauroient jamais apporter tel avantage ou faveur à ses affaires que les dilayemens qu'il y a apportés , et sur des fondemens toutesfois qui ne peuvent estre renversés , au moins sclon les regles de l’estat, et parmy lesquels il n'y avoit opiniastreté ny mescopnoissance de ce que il doit à son souverain seivneur et maistre ; que par le contraire 1l estimoit estre digne de louange en dilayant prudemment les choses mal recognues en France , et qui pouvoient apporter de deçà une très-dangereuse consequence d'estat , comme fuisoit ceste-cy , sur laquelle 1l esperoit que Sa Majesté, mieux informée qu'elle n’esto pas, changeroit de volonté et de jugement aussi.

\ Qu'il la supplioit très-kumblement apporter en consideration que.par la depesche du capitaine Pasquier elle luy commandoit de faire tous ses efforts pour favoriser le pape et les affaires d'Italie ; que ceste faveur ne se pouvoit entendre que par le remuement des ar- Mes , et qu'en retranchaat les armes c'estoit plustost prendre là voye pour perdre que pour favoriser les affaires d'Italie ; et de faict que si Sa Majesté avoit elle mesme estimé qu'en s’absentant le mareschal du Picdmont ce seroit desfavoriser les affaires , que de ce