LIVRE SEPTIÈME

» Comme successeur de l'ingratitude et de la perfidie de son père , qui a moissonné l'Italie par l'aide de mes predecesseurs, cestuy voudroit prendre ce mesme chemin, s’il me pouvoit priver de la vie comme il desire.

» IT veut empescher que je ne chastie les seigneurs colonnois , feudataires de l'Église, et desquels son père et luy se sont tousjours servis pour tenir l'Église romaine en subjection et desordre. Û |

» Las! s’il faut que l'injure surmonte le droict, et la force la raison, et que ma vie soit reduicte à la mercy de ce patricide , encores vaut-il mieux prendre party de la perdre ou de la sauver sous les armes et sous la protection du très-chrestien prince françois, premier fils et unique conservateur de l'Église ; ce que ne fit jamais Charles cinquiesme, qui a tousjours baillé la main aux conjurateurs et aux remueurs de mesnage , aux prejudice du repos de la chrestienté et du chres. tien royaume françois. 4

» Il voudroit, s’il pouvoit', faire comme son père, lequel, enyvré des graces de sa premiere fortune, avoit entreprins de gourmander tout le monde, comme il eust faict sans la saincte et courageuse resistance de la France, qui a tousjours servy d'armes salutaires à l'Eglise et aux princes aflligés aussI. »

Sera noté que pendant que ces practiques balançoient entre esperance et crainte, il advint assez de choses qui en aiderent beaucoup la resolution, et lesquelles j'ay jugé necessaire d'estre rapportées icy à la descharge du roy, et à la coulpe d'Espagne, laquelle, à l'exemple de Lysander , ne tient jamais foy ny serment s'il ne tourne à son advantage.

En premier lieu le roy d'Angleterre et le duc de Savoye avoient dressé, par le moyen de Corville Marie, maistre d'hostel du comte de Megue, et ce nonobstant la foy de la trefve, une entreprinse sur Mets, par le moyen de quelques soldats qu'ils avoient corrompus, tous lesquels, Dieu ayant permis qu'elle fust descouverte, furent punis du dernier supplice. Qui considerera maintenant non passionné ces galanteries marranesques, excusera les ressentimens francesques : de mesme suitte n'avoient-ils pas accaparé le marquis

de Masseran , qui estant n'aguieres, comme vous avez Cy-devant veu, entré au service du roy, et avoit faict fertifier sa maison de Gaillany, assise du costé de Biellois, commença à tenir practique avec les ennemis pour mettre sa place entre leurs mains , sous

certaines grandes et advantageuses condi-

tions, qui ne sceurent estre si secrettement maniées qu'elles ne fussent descouvertes à Sa Majesté par le mareschal de Brissac', auquel elle commanda d'escrire à M. de Termes, qui estoit demeuré au gouvernement de Piedmont, de trouver moyen de se saisir de la maison du marquis, et de l'en despouiller avant le coup.

Termes, autant sage et advisé qu'autre que j'ayé guieres jamais cogneu, delibera d'accomplir ce commandement; et pour ce faire , il alla , avec son seul train et sa garde, voir le marquis à Gaillany, ayant auparavant commandé à une vingtaine de gentils-hommes fort determinés de porter sous la casaque d'hommes d'armes un corps de cuirasse, et d'entrer dans la place pendant qu'il disneroiït , tous pretexte de venir parler à luy, et qu'aussi tost qu'il leur diroit qu'ils fussent les bien venus, les six demeurassent au dehors de la porte de la salle, et les autres tout le long de la montée ; que le capitaine de sa garde, accompagné de trente bons soldats portans la mandille et le corps de cuirasse, entrassent dedans la cour, faisans semblant d'attendre ledict sieur de Fermes, lequel devoit monter à cheval si tost qu'il auroit disné; et que les seigneurs Ieronime de Birague et Montbazin amenassent trois cens arquebusiers à deux cens pas de la place pour y courir au trot, au moindre bruict qu'ils ouiroient; et, cela faict, qu'ils s’advançassent , faisans semblant de venir saluer ledict sieur de Termes qui leur avoit commandé qu'aussi-tost qu'ils auroient representé ce personnage ils s'en allassent droict au corps de garde de la porte , suivis de ce qui seroit entré , et que sans bruictilsle desarmassent et se saisissent de main en main de toute la place.

- Ainsi commandé , ainsi fut-il dextrement executé au mesme instant que le disner s'achevoit, ceux de la garde n'attendans rien moias que cela. Ie marquis, ayant ouy le

bruict, voulut mettre la teste à la fenestre, mais luy et son fils se trouverent soudain enveloppés de ces vingt gentils-hommes qui

estoient à la porte de la salle et dans la mon-

tée; et ledict sieur de Termes luy declara que pour aucunes grandes considerations Sa Majesté avoit voulu qu'ilse saisist de saplace sans

neantmoins toucher à sa personne ny à ses.

biens, rentes et revenus, et que tout aussi tost

qu'il auroit faict remettre entre ses mains le chasteau de Jumagjlia il luy seroït permis de

se retirer à Masseran ou ailleurs où 1l voudroit.

Luy, qui se sentoit coupable, ne sceust jamais

rien alleguer à sa defense, sinon qu'il ne sçavoit avoir mespris au service de Sa Majesté, et qu'il estoit content de consigner ledict Jumaglia ès mains de qui il ordonneroit. Le

sieur de La Mante, lieutenant de M. de

Montbazin, gouverneur d'Yvrée, et moy, fusmes deputés pour en aller prendre la possession par la main du sieur de Cande, fils dudict marquis de Masseran. En visitant et ourdonnant de la seureté de la place, nous ouysmes une voix fort lamentable qui crioit: « Ayez pitié de moy!» Je demanday lors audict sieur de Cande que c’estoit ; il me respondit: « C'est un pauvre prisonnier qui deust estre mort il y a dix ans. » Lors ledict sieur de La Mante {uy ordonna de faire ouvrir la prison et de nous y laisser entrer seuls ; cela le fit blesmnir , et puis il se retira en la salle du

chasteau, sous la garde de six arquebusiers.

- Nous trouvasmes , chose très-horrible, que c'estoit un pauvre gentil-homme vercellois que Île marquis avoit faict prendre prisonnier, il y avoit dix-huict ans, par ce qu’il avoit voulu executer un arrest contre luy de la part du duc Charles de Savoye , sans que jamais ame vivante sceust qu'il estoit devenu ; et de faict, les parens de cestuy-cy ne le trouvans , et estimans qu'un sien ennemi l'avoit tué, ils le poursuivirent si rudement en justice , que par les tourmens il confessa le mal qu'il n'avoit pas faict, pour reparation duquel il fut condamné et exécuté à mort, ledict marquis estant en mesme ville , et qui sçavoit ce qui en estoit. Nous menasmes ce pauvre gentilhomme , qui estoit tout nud ct n'ayant que la peau , devant M. de Termes, auquel il racompta toute ceste cruclle histoire. 11 le

ee EE SEP... , fn

fit habiller et luy donna quelques escus pour

‘se retirer vers ses parens : de maniere que chacun jugea que ceste maudite cruauté avoit

-conduict et le pere et le fils au malheur où.

‘ils estoient reduicts. Voilà des vengeances et des cruautés italiques, qui doivent aprendre “à chacun à ne se fier que bien à poinct à leur conscience! Le capitaine Masses, Gascon, avec quatre cens hommes, fut laissé gouverneur dudict Gaillany et de Jumaglia aussi.

Du huictiesme novembre, Termes donna advis au mareschal que luy et tous les serviteurs du roy trouvoient fort estrange que Sa Majesté voulust aujourd'huy entreprendre un nouveau remuement d'armes, puis qu'elle n'avoit pas seulement le moyen de payer les garnisons du Piedmont , qui crioyent à la faim, n'ayans esté payées il y avoit quatre mois; qu'il avoit tousjours estimé que celle guerre estoit juste qui estoit necessaire ; qu’en faisant la consideration et consequence des choses futures par experience de celles qui estoient passées , il ne trouvoit aujourd'huy rien de plus necessaire au service de Sa Majesté, ny qui peust plus aussi’apporter de commodité et advancement aux affaires du Piedmont, qui estoient veritablement pour lors assez mal en ordre pour la continuelle necessité où l’on estoit ordinairement, que de penser à bien garder et defendre ce qu'elle avoit acquis avec tant de labeurs, de gloire et de travaux diversement soufferts , au lieu de commettre le tout au hasard, comme elle vouloit faire , sur la parole de gens qui n’en avoient sinon autant qu'elle estoit conjoincte à leur utilité; que pour le moins devoit elle differer jusques à tant que ses moyens fussent mieux redressés qu'ils n'estoient pas encores, puis qu'ayant faict faire monstre aux gens de guerre sur l’asseurance que Sa Majesté luy avoit donné de toucher deniers il n’en avoit nouvelles aucunes ; ce qui, à son regret, leur donnoit occasion de se desbander et de se mutiner, à quoy il n'avoit moyen de remedier sans le secours essentiel de Sa Majesté ; que les ennemis avoient faict embarquer à Livorne , le dixiesme dudict mois, six mil Allemans pour aller à Naples; qu'ils faisoient aussi lever quatre nouveaux regimcns de fanterie italienne de trois mil chacun , et autres deux