LIVRE SEPTIÈME

duit le royaume. Et cependant, ceux qui avoient perdu souvent et des villes et des batailles, plustost par inconsideration que par infortune, estoient traictés et recompensés des plus clairs deniers de la France, de laquelle toutesfois il ne sceut jamais rapporter autre grace , que le don de la gabelle de Piedmont , valant quinze mil livres par an, et dont toutesfois il ne jouit que‘deux années. - Le mareschal, qui estoit ennemi de fausseté et de parade , et qui avoit le cœur autant noble que genereux , supporta si patiemment ceste ingratitude, que jamais on ne descouvrit le regret ny la douleur qu'il en avoit, non tant pour l'envie des biens comme pour le tesmoignage que la benceficence eust rendu de sa valeur et de tant de memorables ser vices : dont à son retour en Piedmont il me fit ses plaintes, par lesquelles je recogneus assez qu'il estoit vrayement de ces grands et renommés capitaines au corps desquels toute terre sert de sepulture , et l'univers d’un glorieux trophée et epitaphe à leur vertu et debonnaireté. |

Ceste patience et modestie ‘du mareschal est d'autant plus recommandable qu'on a veu assez souvent que, tout ainsi que plusieurs grands capitaines, pour la grande opinion qu'ils avoient de leur merite , n'ont sceu modestement mesnager la bonne fortune que Dieu leur avoit communiquée, ains se sont perdus et ruynés, tout de mesme aussi le mespris et l'ingratitude du prince envers ceux qui estoient de si haut mérite a bien souvent renversé eux et leurs estats. Ce n’est pas suivre les commandemens de Dieu, qui commande que retribution soit rendue par proportions convenables aux bons serviteurs qui ont veillé à la multiplication du talent.

Les machiavelistes tiennent qu'il ne faut jamais faire de si grands ny de si signalés services aux princes, qu’ils soyent pour entrer en opinion que leur gloire et leur grandeur en demeurent ou ravallées ou appariées, ou qu’ilsserecognoissentplusfoibles qu'ilsne voudroient à une condigne recompense ; car si tost que l’un ou l’autre de cessoupçonsprent racine en leur esprit, ils espient lors toutes sortes de couleurs ou de pretextes pour perdre ou

pour ravaller tout à fait este trop esclatante

vertu. Dont faict foy le grand Gonsalve, lequel , après la glorieuse conqueste qu'il avoit faict du royaume de Naples, fut renvoyé, comme personne privée, en sa maison. S'il m'estoit permis de parler des princes, je dirois volontiers que ceux qui mesnagent si mal ja beneficence, bastissent plustost des argumens à leur ruyne qu'à leur salut et conservation : c'est pourquoy l'empereur Charles cinquiesme disoit qu'il n'y avoit nation au monde qui fist plus de choses à sa ruyne que faisoit la françoise, et neantmoins que tout leur tournoit à salut, Dicu ayant en protection particuliere et leroy etle royaume. Vous aurez cy-devant peu assez remarquer que Île mareschal de Brissac, estant allé baiser les mains au roy, avoit laissé feu M. de Termes, qui fut depuis mareschal de France, lieutenant de Sa Majesté en son absence ; durant Jes sept ou huict mois de laquelle absence les choses furent par luy fort justement et heureusement maniées, au contentcment de Sa Majesté et des peuples aussi.

& Revenons maintenant à l'arrivée du mareschal cn cour , et à l'ingratitude qui fut practiquée par aucuns envers si hauts merites qu'estoient les siens. J.a resolution sur la rupture de la trefve fut encor remise à en deliberer avec luy, pour l'exacte cognoissance qu'il avoit des affaires d'Italie; mais luy, qui sçavoit que tout estoit desjà conclu et arresté, et que tout ce qu'on en faisoit aujourd hui n’estoit qu'une couverte parade (avancée pour dextrement tirer de luy son consentement et son aprobation } qui serviroit de tacite garand à l'interest et à la mesme passion qui avoit basti tout cecy, quoy consideré , il se restraignit à cela seulement que j'ay ci-devant fort amplement discouru ; et ncantmoins , les affaires ayans . à la mesme intention que dessus, esté remises sur le bureau, il considera que n'en dire la verité estoit dangereux à l'estat, et ne le taire tout de mesme aussi, à cause de ceux qui tenoient la personne et l'estat du prince en leurs mains.

Pour donc fuyr et l'un et l'autre inconvenient, il supplie le roy de vouloir recevoir de bonne part tout ce qu'il en diroit, et qu'il vouloit bien, quant à luy, honorer ct reverer tous les anis et alliés de Sa Majesté, mais

MÉMOIRES DE BOYVIN DU VILLARS

non jamais toutes-fois despendre d'eux ; qu'en une si dangereuse resolution , il jugeroit premierement très-nccessaire que chacun, par un jugement rassis et par une bonne affection, surmontast ses passions et ses appetils, parmy lesquels l'obscurité trouvoit tousjours quelque place; que la prudence et la prevoyance estoient celles qui devoient conduire les affaires, à fin de ne s'en repentir après le coup; car ne Île faire pas cstoit une vraye sottise privée de courage, d'honneur et de ressource aussi : qu'il trouvoit , quant à luy, que les choses glorieusement obtenues par conclusion de la trefve volloient si haut, que la France triomphoit scule aujourd’huy, autant heureusement qu'utilement, de toutes les gucrres, périls et labeurs, qui avoient couru jusqu'à ce jour-là; que ce n'estoit pas chose convenable à la grandeur du roy ny à la seureté de l'estat, de vouloir aujourd'huy, pour le soustenement des fautes , des erreurs et des passions d'autruy, bouleverser, avec un evident et infaillible hasard, tant et tant de glorieuses et très-utiles conquestes que Dieu avoit benignement concedées à Sa Majesté : que nul ne pouvoit nier, sans s’esga— rer, que le pape et ses neveux avoient assez inconsiderément prins à ourdir une toille qui surpassoit leur portée, mais non pas leur desreglée ambition; que ces vieilles souches papales estoient attachées à un filet bien deslié, n'ayant ny force ny suitte, pour tenir coup luy mesmes , lors qu'elles venoient à défaillir; et que par ainsi, il en resultoit que ceux qui s'embarquoient avec eux sans biscuit, mettoicnt fort vaguement à l'enchere leur vie, leur gloire, leurs fortunes et tout leur estat, au maniement duquel toute faute, pour petite qu’elle soit, tiroit le sang et alteroit les affections les plus pures : qu'il faloit en cest endroit rejetter la maxime d'au- Cuns , qui tiennent que c'est une vraye pusillanimité que de rejetter les glorieuses entreprinses qui se presentent, ores que de prime face elles ne soient accompagnées que d'apparences un peu douteuses ; que c'estoit mal remarquer que les guerres commencent bien quand on veut, mais qu'elles ne s'achevent jamais comme nous desirons, Dieu s'estant reservé ceste disposition à Juy seul; que

(5561 les histoires mesmes ne nous apprenoient que trop que tous les papes qui avoient cy-devant plustot voulu manier l'espée de sainct Paul que les clefs de suinct Pierre (propres à fermer les portes de la guerre ), avoient faict tousjours mauvaise fin ; et finalement que c'est tout à trac sortir hôrs des gonds que de lever les armes, à la semonce de l'Italie, sous lés promesses et sermens des papes , sous lesquels les dangers estoient tousjours cachés ; et, en affaires de telle consequence, il faloit considerer , avant toute œuvre , si ce que nous voulons entrèprendre estoit selon Dieu, honnorable et utile à l'estat, si la partie peut estre demeslée avec peu de difficulté et avec moindre despence ; mais remarquer sur tout si parmy le conseil qui en est donné, la passion et l’interest particulier ne jouent point le premier roolle de la comedie.

Toutes les remonstrances du mareschal , ores que très-justes et très-sainctes, furent pir aucuns plustost attribuées à une certaine crainte ou timidité, qu'il ne cogneut toutesfois jamais, qu'à une genereuse affection à l'adÿaricement de l’estat. Mais Dieu, qui cognoif nos intentions, et selon lesquelles il nous juge, permit depuis que ceux qui contre son pentirent les premiers ; càr ce fut un si grand reculement et une si grande ruyne à l’estat, qué nouë nous en Sentons encore aujourd'huy plus avant qu'il ne seroit necessaire ny honorable. |

Je veux, auparavant que reprendre le fil

de mes Memoires, representer icy un petit abregé que j'eus lors en main sur les plaintes du pape contre le roy d'Espagne.

t « Je ne sçaurois croire, disoit le pape, que ce roy d'Espagne soit fils de Charles cinquiesme, sorty de la race des roys catholiques de ce pais, puis que sans estre offencé il leva les armes contre le souverain pasteur de l'e. glise. |

» Il ne peut estre tenu pour catholique, puis qu'il est deserteur , et non pas conservateur de l'Eglise, qui l'a honoré de ce tiltre. Il tasche m'attraper pour tirer de moy la mesme rançon que son père extorqua maliguement de Clement septiesme, après avoir durant neuf mois saccagé Rome,