ASA

Les hugucnots, encores aveuglés du roy, ne penetrent ce coup; passent à grandes troupes, cuiracés, devant le lusis de MM. de Guise et d'Aumalle; menacent les attaquer :

eux s’excusant , somment le roy de prendre leur querelle ; ce qui fait que les huguenots penetrent plus avant, soupçonnent M. d'Anjou, demandent justice ou qu'ils la feroient sur le champ; menacent Leurs Majestés.

Le conseil est tenu , composé de six , le roy present, cognoissant que tout s'alloit descouvrant, et que ceux de Guise mesmes pour se laver accuseroicnt la royne et M. d'Anjou, et que la guerre estoit infaillible , qu'il valloit mieux gagner une bataille dans Paris , où tous les chefs estoient, que la mettre en doute en la campagne et tomber en dangereuse et incertaine guerre. Du pcril present de Leurs Majestés et des conseillers tenus en crainte, naist la resolution de neccssité, telle qu'elle fut, de tuer l'admiral et tous les chefs de part : conseil nay de l'occasion par faute et mprudence des huguenots, et qui ne se fust peu executer sans estre descouverte si elle eust æsté premeditéc.

La feinte du roy Charles n'eust peu estre telle que la verité ; il ne luy estoit besoin de deguisement, puis qu'il cestoit à eux et porté à la guerre : nul conseil de si longue haleine ne se cele dans la cour. Le roy jure, proteste son deplaisir, envoie visiter l’admiral blecé, Juy promet justice exemplaire. Toute la cour est triste, aucuns du coup ,et la plus grande part de la faute : les hugucnots intcrpretent ce dueil à leur advantage. Les principaux s'assemblent chez l'admiral; le chirurgien l'asseure. Deux advis sont debatus par eux, de sortir le blecé en armes, malgré Paris et la cour : aucuns se mefent de tous; autres accusent ceux de Guise, descoulpent Leurs Majestés, qui avoient, disoient-ils, autre moyen de le faire mourir que d'une arquebusade. Telligny, beau fils de l'admiral, le croit ainsi ; pour s'estre premicr trompé, il asscure; il emporte le conseil, jure que le roy estoit pour eux, qu'ils verroient punition exemplaire. Le parentage, la suflisance, l'amitié de Tellägny, l'incommodité de transporter le blecé, resout le sejour de deux jours ; l'imprudence, les menaces continuent jusques à.

MÉMOIRES DE GASPARD DE SAULX

accuser M. d'Anjou que l'arquebase treuvée en la maison de Chally estoit recogneue pour estre à un de ses gardes.

Le conseil du roy r'assemblé, le perü present , la royne en diverses craintes, la verification du coup que l’on dontoit s'esclaircir, la guerre ou l'execution presente pour l'empescher, luy tournent dans la teste. Si elle se fust peu parer de la source de l'arquebusade, malaisément eust elle achevé ce à quoy l'evenement {4 contrainct : l'accident de la blessure au lieu de mort, les menaces, forcent le conseil à la resolution de tuer tous les chefs, ce qui est proposé au roy; l'esmeuvent et le colerent contre les huguenots, luy remonstrent le danger commun, les moyensde l'eviter, se destrapant de ses compagnons et maistres. Le chancelier de Birague, M. de Nevers, avoicnt esté adjoincts à cest advis ; la mort du roy de Navarre, du prince de Condé, des mareschaux de Montmorency et Damville, est sur le tapis. L'opinion du sieur de Rets est indecise , si c’estoit pour couper la source des guerres ou pour avoir leurs estats de mareschaux ; est contredicte et rejettée par le sieur de Tavannes, lequel propose que l'innocence devoit exempter les uns, la jeuncsse les autres’; que le roy de Navarre et prince de Condé estoient du sang de France qu'il falloit espargner ct respecter; qu'ils estoient jeunes et que l'on leur pouvoit donner des serviteurs qui leur feroient changer de religion et d'o— pinion. De ce seul advis et de ceste seule voix du sieur de Tavannes, ce grand roy Henry quatriesme, regnant aujourd'huy, et ke fea prince de Condé tiennent la vie , et le mal— heur est pour la posterité du sieur de Tavannes que Sa Majesté n'en sçait la verité; et disoit davantage ledict sieur de Tavannes que ce coup de necessité devoit estre franc d'autre blasme.

La resolution prise , les huguenots semblent ayder à leur ruine ; aveuglés demandent les gardes du roy, qui leur furent accordés pour garder l'admiral, autour duquel les principaux se logent ; autres avec le roy de Navarre dans le Louvre, pour le conserver , disoientils, de cenx de Guise. Ils facilitent leur massacre : le roy voit l'admiral le samcdy, qui luy dit qne Dieu l'avoit rescpvé pour son ser-

vice; mesle requeste crainte et menaces; essaye de parler au roy particulierement ; ilen est empesché par la royne. Les huguenots se r'asseurent, se gardent seulement de ceux de Guise, demandent justice un matin au jardin des Thuilleries insolemment. La royne crainuve s'en retourne au Louvre , haste la resolution de tuer l'admiral et les chefs des huguenots, qui murmuroient contre M. d'Anjou.

Eux abandonnés de Dieu , Pardillant, huguenot, veut battre Nambur , huissier du roy à la porte , qui ne le vouloit laisser entrer à son coucher.

., Le roy dissimule , entretient luy et La Rochefoucault de propos joyeux, leur donne congé, se couche et se leve soudain. La royne et les conseillers appellés, elle (comme femme craintive) ’se fust volontiers desdicte sans le courage qui luy fut redonné des capitaines , luy presentans le peril où elle et ses enfans estoient. Deux compagnies des gardes mandées arrivent à mynuict : le logis de l'admiral est investi de sentinelles ; de peu de catholiques parisiens advertis ilen manque la moitié, tant la crainte a de pouvoir , nonobstant l'autorité du roy, qui commandoit les armes. M. de Guise est envoyé querir, sous pretexte duquel est resolue l'execution ; il luy est permis d'aller tuer l'admiral, venger la mort de son père : ik y Court, y arrive devant jour, enfonce les portes avec les gardes de Sa Majesté. L'admiral cognoist sa mort ; adverty que c'estoient les gardes du roy qui l'attaquoient, admoncste ses amis de se sauver, qui montent suf les toicts; quelques Suisses tués à l'abordée. Besme , Haultefort, Hattain treuvent ladmiral sur pied en l'apprehension de la mort; les admoneste d'avoir pitié de sa vieillesse; se sentant leurs espées glacer dans son Corps, il prolonge sa vie, embrasse la fenestire pour n’estre jetté en bas, où tombé, il assouvit les yeux du fils dont il avoit fait tuer ke père.

Le tocsam du palais point avec le jour; tout se croise, tout s'esmeut, tout s'excite, et cherchent colere: lesang et la mort courent Jes rues en telle horreur , que Leurs Majestés mesmes , qui en estoient les auteurs, ne se pouvoient garder de peur dans le Louvre :

tous bhuguenots indifleremment sont tués,

RÈGNE DE CHARLES IX

sans faire aucune defence. Je sauvay La Neufville, Bethunes, Baignac, et ayday fort à La Verdin. Les gentils-hommes et capitaines couchés en la chambre du roy au Louvre en sont tirés et tués. Deux catholiques parmy eux, pour ne vouloir marcher à la mort, s'exemptent, n'ayans perdu l'entendement. Le roy de Navarre et prince de Condé craintifs, après avoir essayé de parler à moy, qui ne leur osay respondre , et de quoy Sa Majesté s'est bien souvenu depuis à mon prejudice, sont menés au roy. Il leur propose la messe ou la.mort ; menace le prince de Condé, qui ne se pouvoit feindre. La résolution de tuer seulement les chefs est enfrainte : plusieurs femmes et enfans tués à la furie populaire, il demeure deux mil massacrés.

Le sieur de Tavannes sauve le mareschal de Biron, soupçonné sans subject de favoriser les huguenots, par l'advis qu'il luy donne de se sauver dans l'arsenac. MM. de Guise , en exemptant d'autres, sont calomniés de ne vouloir l'extinction du pretexte des armes.

Le sang s'estanche, le sac s'augmente; le seul sieur de Tavannes a les mains nettes; ne souffre que ses gens prennent aucune chose, Ceux de M. d'Anjou pillent les perles des estrangers ; Paris semble une ville conquise au regret des conseillers. N'ayant esté resolu que la mort des chefs et factieux, au contraire tous huguenots, femmes et enfans, sont tués indifferemment du peuple, ne pouvant le roy ny lesdicts conseillers retenir Îcs armes qu'ils avoient debridées. M. de Guise suit en vain Montgommery, qui se sauve du fauxbourg Sainct Germain en Angleterre. Les mareschaux de Montmorency et Dampville, estonnés, s'abaissent, recherchent leurs amis, evitent le peril; leur maison estoit soupçonnée des intelligences huguenottes. Plusieurs villes du royaume tuent non seulement les chefs et factieux, comme il leur avoit esté mandé , ains se gouvernent en ceste ellrenée licence parisienne.

Ce coup faict , la colere refroidie, le peril passé , l'acte paroist plus grand, plus formidable aux esprits rassis; le sang espandu blece les consciences. L'execution de l'acte avoit occupé lesentendemens, tellement qu'ils vacilloient aux pretextes, plusieurs fois ehan-

ÀA36

gés selon les occurrences; monstre qu'il n'y avoit rien de premedité, et descharge les huguenots de l'accusation de l'entreprise à eux depuis imputée. Les premieres lettres du roy contenoient aux princes estrangers et ambassadeurs , que la blesseure de l'admiral avoit esté commise par ceux de Guise, ses ennemis ; le stile en est changé après le meurtre general des huguenots , les mesmes villes et ambassadeurs advertis par le roy que c’estoient ceux de Guise qui avoient faict ce massacre ; bruit qui eust continué si lesdicts sieurs de Guise, plus fins, cognoissans le temps, que leur refus ne pouvoit retarder l'execution jà acheminée, n’eussent dit et publié que ce n'estoit eux, âins Sa Majesté, qu'ils supplioient ne les vouloir mettre en bute à tous les heretiques de la chrestienté ; que puis que Sa Majesté en avoit peur , par plus forte raison les devoient-ils craindre. Le conseil r'assemblé, la foy violée , l'himen arrousé de sang, contraint d'inventer un troisiesme mensonge. Les huguenots sont accusés d'avoir voulu tuer Leurs Majestés, dont la force n'avoit donné temps ny moyen d'user de la formalité de justice, et avoit contraint de la superseder jusques après l'execution pour mieux prevenir la leur; qu'il n’y avoit danger de mentir en les accusant, puis qu'en l'entreprise de Meaux ils avoient feint que l'on eust entrepris sur eux pour prendre le roy.

= Sa Majesté advoue l'acte, assis en sa cour de parlement; l'admiral traisné, pendu à Montfaucon par les pieds, sa teste envoyée à Rome, les processions generales se font. Le sieur de Tavannes separe les quartiers de la ville à plusieurs seigneurs, par le commandement du roy, pour faire cesser le meurtre et le pillage. Briquemault et Cavagnes pris; liberté leur est promise s'ils advouent avoir voulu entreprendre contre le roy; eux bien advisés le nient, sçachans que puis qu'il fal- Joit mourir , il valoit mieux que ce fust sans mentir , que essayer par artifices à sauver ce qu'il falloit perdre : ils sont pendus en Grève. C'est Dieu qu’il faut appaiser ; esteignant des troubles , s’en allume d’autres. M. d'Alençon, offensé de n'avoir rien sceu de ce dessein, se lie davantage avec ceux de Montmorency; autre source de guerres civiles. Je vis partie

MÉMOIRES DE GASPARD DE SAULX

des papiers de l'admiral chez mon père, le roolle de leurs hommes, leurs levées de deniers, les signals et menaces de leur party, avec un discours de Francourt prevoyant de point à autre ce qui advint : que l'on tireroit l'admiral d’une arquebusade ; si failly, seroit cause du meurtre de tous les huguenots et de leur party; tant les hommes d’estat ont pouvoir de denier! L'aubespin fleurit, une estoile non remarquée par le passé nasquit :

tout est attribué à miracles.

C'est la vérité que les huguenots furent seule cause de leurs massacres, mettant le roy en neccssité de la guerre d'Espagne ou de la leur. Sa Majesté, par le conseil du sieur de Tavannes , esleut la moins dommageable

et salutaire , tant pour la religion catholique

que pour l'estat et rebellions suscitées par les huguenots. Et puis que l'on accuse le sieur de Tavannes de ce conseil , il faut donc que tous ceux de la religion catholique l'en estiment et le Jlouent, en considerant que, s'il n'eust empesché par son bon advis le mariage d'Angleterre avec M. d'Anjou, celuy du roy de Navarre estant jà faict, et le roy Charles estant porté à la guerre d'Espagne , qu'infailliblement le royaume de France, et en suite toute la chrestienté, hormis l'Italie et l'Espagne, estoit dans le party heretique. Et depuis ce coup de la Sainct Barthelemy ils se sont tousjours diminués et affoiblis ; tellement qu'au lieu qu'ils faisoient de grandes armées toutes de ceux de la religion, ils n'ont depuis peu tenir la campagne en sorte que ce soit, qu'estans assistés des mal-contens et princes catholiques, des duc d'Alençon, ma-— reschal de Montmorency et autres; et sans lesdicts mal-contens, sont tousjours esté re— duicts dans les villes, et sur la defensive.

Que l'on rende donc l'honneur à ceux à qui il appartient; non que ces grands meurtres soient louables, mais bien d’avoir evité et empesché que par les mariages et alliances les trois parts de l'Europe ne fussent du party beretique , et d’avoir destourné de la France une guerre d'Espagne très-perilleuse lors que le royaume estoit affoibly : ce que le roy Henry IV a tellement jugé, que ceux d'Olande et Zelande se voulans donner à luy, il n a point voulu faire la guerre aux Espa-

gnols , cognoissant la difficulté de ce dessein et les maux qui en peuvent advenir, nommément à la religion catholique que le sieur de Tavannes a maintenue, non seulement par les batailles de Jarnac et Montcontour, conservation et victoire obtenue en Bourgongne et en Dauphiné, mais aussi par ce dernier empeschement des confederations prestes à reussir au prejudice d'icelle.

Il est mal-aisé d'entreprendre sur un estat sans la faveur de quelques uns de ceux qui gouvernent : ny les huguenots ny ceux de la ligue n’eussent peu rien faire sans l'assistance de la royne Catherine de Medicis, qui leur reveloit les desseins et conseils qui se resolvoient en sa presence, et par conjecture Îles plus secrets. Elle à esté souvent trompée en ses projects, ne pensant que faire peur , ou quelque changement de faveur pour r'entrer au gouvernement; à plusieurs fois hasardé la couronne de ses enfans, ne considerant l'impossibilité de remettre la bride à ceux auxquels elle l'avoit ostée, qui, ayant divers buts non conformes aux siens , se dispensoient au contraire de ce qu'elle n'avoit esperé. Elle favorisa l'entreprise d'Amboise , esloignée du gouvernement par ceux de Lorraine , qui possedoient son fils sous le credit de la royne leur niepce sa belle fille , sans considerer que si l'entreprise eust réussi, ceux de Bourbon eussent peu passer outre s'ils eussent voulu, et se faire roys, contre lesquels ne luy restoient que ceux de Chastillon et de Montmorency, qui luy promettoient de l’empescher. Elle ayda la prise des armes au commencement du regne du roy Charles, aucunement excusable ; cognoissant la puissance de ceux de Guise, avec quelque raison elle doutoit de la conservation de la couronne pour ses enfans.

Sous Henry III elle favorise la ligue, parce qu'elle estoit depossédée du gouvernement par les mignons; s'excusoit que voyant son fils sans enfans, après sa mort elle desiroit jetter la couronne au marquis du Pont, fils de sa fille; et en effect estoit jalouse du gouvernement : elle trompoit plusieurs et estoit trompée de beaucoup. Ny ceux de Chastillon ny de Guise n’eussent entrepris sans elle ; les voyant affublis elle se renouoit avec ses en-

fans, et abandonnoit leurs ennemis. Que si son assistance apportoit asseurance aux prises des armes, aussi mit-elle en danger , et causa la mort ( souvent sans y penser) aux entrepreneurs et chefs , lesquels, pensant qu'il ne se prendroit point de resolution sans Sa Majesté, s'y asseuroient : elle se trompoit avec eux et causoit leur perte. Son assistance après l’entreprise d'Amboise faillie, fit tenir le prince de Condé à Blois, pendant que l'on justicioit ceux dont il estoit le chef. Sans s'estonner , pensant faire de mesme, il vint sur sa parole contrainte aux estats à Orléans , où, sans la mort du petit roy François, il laissoit la teste trois jours après. Pareillement elle fit venir MM. de Guise à Blois, les asseurant que le roy ne resoudroit rien sans son sceu : ils sont tués et trompés avec elle, qui ne, penetra ceste fois le conseil secret de son fils’, qui se mesfioit d'elle : un sage Re ne se fie en sa mere propre.

Les opinions furent differentes à la .

Barthelemy sur la mort du roy de Navarre, prince de Condé, mareschaux de Montmorency, d'Amville, et generalement de tous les huguenots et de ceux qui les favorisoient. L'advis du sieur de Tavannes fut que, puisque l’admiral de Chastillon forçoit d’entreprendre contre luy-mesme, et qu'il procuroit son malheur, voulant mettre imprudemment le roy en necessité de ‘deux guerres, qu'il falloit que Sa Majesté choisist la moins perilleuse, et mettre Dieu de son costé ; que ces rebelles estoient bien attrapés , de quelque façon qu'on les peust avoir, qui avoient entrepris sur les roys à Amboise et Meaux ; que:s’ils eschappoient, ils feroient mourir un million de! pauvre peuple. Il est plus permis d'entreprendre contre les subjects par voyes extraordinaires, qu'à eux d'entreprendre contre leur roy. Conseilloit, puisque la blesseure de l’admiral les mettoit infailliblement à la guerre (source de tant de maux), qu'au premier jour on verroit les chefs de part en armes; que puis que Dieu les avoit mis ès mains du roy, que l'on gagnast la bataille dans Paris ; que ceste execution devoit estre nette detoutes reprehensions, "ayant estéfaicte par contraincte , enfilée d'un accident à l'autre; que les enfans, ces princes et mares-

chaux de France et pauvres personnes, en devoient estre exempts ; et ne devoient patir pour les coulpables les jeunes princes innocens, parce quil y avoit espoir qu'estans mstruits ils pourroient estre r'amenés à la religion catholique et à l'obéissance des roys leurs parens, assistés des serviteurs de Leurs Majestés qu'on leur donneroit. Quant à ceux de Montmorency , bien qu'ils favorisassent les huguenots , ils n’estoient point convaincus de trahison; et que ce seroit esteindre toute une maison, qui hausseroit trop celle de Guise , qui sans obstacles à l'advenir penseroit à l’estat. ,

Le mareschal de Rets maintenoit le contraire : qu'il falloit tout tuer ; que ces jeunes princes nourris en la religion, cruellement offencés de la mort de. leur oncle et deleurs amis, s'en ressentiroient ; qu'il n'y avoit faute d'hommes pour Îles y porter, et qu'il ne falloit point offenser à demy ; que Brutus faillit, se mettant sur la preud'hommie, declarant seulement Cesar coupable ; ne voulant qu'on tuast Anthoine , qui depuis revolta le peuple contre luy, et fut cause de sa ruyne; qu’en ces desseins extraordinaires, il falloit considerer premierement s'il estoit necessaire, eontrainct ou juste; les ayant jugés tels, il ne falloit rien laisser qui peust causer la ruyne du but de paix où l'on tendoit ; que, s'il estoit juste en un chef, il l’estoit en twus; puisque des parties joinctes dependoit l'effect principal de l'action , il les falloit couper, à ce que les racines ne restassent ; aussi, s'il n'estoit juste, il falloit s'en distraire du tout, et n'entreprendre rien au contraire; que si on rompoit les lois, il falloit les violer entierement pour sa seurté, le peché estant aussi grand pour peu que pour beaucoup.

L'opinion du sieur de Tavannes subsista pour estre plus juste , et que l’on croyoit celle du mareschal de Rets ambitieuse des estats qu'il vouloit'faire vaquer à son profit.

Aucuns disent que les rois ne doivent proceder extraordinairement contre leurs subjects; qu'ils ont la justice en main pour les punir, et que, lorsque l'execution precede les informations, c'est une marque que les souverains ne pourroient prouver ce de quoy ils accusent leurs subjects, et qu'ils manquent

MÉMOIRES DE GASPARD DE SAULX

de courage, n'osant encourir de l'hasard et danger en leur capture ; puisqu'on tourne le dos à l'equité et à la raison, 11 faut que ce soit du tout; puisque l'on quitte le ciel se bien asseurer en la terre. Et disent ces pernicieux que si ces princes et ceux de Montmorency fussent morts, quoy qu'injustement et avec perte, peut-estre n’y eust-il eu tant de gucrre, ny le sieur de Tavannes tant d'honneur de leur salut qui dependoit de sa seule voix.

La mort de MM. de Guise advint aux estats de Blois, en l'an 1588; il ne tint qu'au roy que MM. de Mayenne et d'Aumalle n'y fussent tués. Sa Majesté n'eust pareille louange de les avoir espargnés, parce qu'il craignoit de faire venir M. de Mayenne aux estats , à ce qu'il ne descouvrist son intention ; et s'enhardit de faire ce coup, parce que M. de Guise commandoit imperieusement sur ses freres et cousins, s'attribuant sur iceux une puissance absolue , et luy sembloit qu'ils fussent faicts pour sa grandeur. Eux au contraire disoient que, s’il faloit obéir à: un maistre, ils vou- Joient que ce fust au roy; et avoient une telle jalousie entre eux. que tous traictoient separément, et disoient que, si M. de Guise leur frere offençoit Sa Majesté, ils se departiroient d'avec luy; qui fit croire au roy qu'ils ne se remueroient pas pour la mort de leur frere. :

A l'exemple de Îa faute des huguenots, de ne s’estre saisis du roy à Meaux et Amboise, aucuns disent que, quand les premiers projects de la ligue commencerent, il se tint un conseil entre MM. de Guise, de Nevers et quelques autres. M. de Nevers conclud, ou qu'il ne faloit rien entreprendre, ou qu'il se faloit saisir du roy. M. de Guise, intelligent de la royne (qui n'avoit pour lors dessein qu'à la ruyne des mignons , et se remettre en credit}, luy qui se fust contenté de resouverner la cour et la France, ruynant ceux de Bourbon et de Montmorency, pour se preparer après la mort du roy à quelque plus grande chose , rejetta ceste opinion. M. de Nevers, qui avoit bon nez et estoit mal-content parce que le dessein du roy estoit d'abbaisser tous les princes en general, se resolut de ne deceler point l'entreprise, de sarder les gages, et voir à quoy il se pourroit jetter. Avec ceste

prudente conduitte il faillit à se perdre; ce qui fait dire aux gens de peu de conscience qu'il ne faut que roys ny subjects facent entreprises injustes ; que s'ils sortent de raison et de justice, il n’en faut pas sortir à demy, ains du tout, et asseurer l’entreprise , non seulement pour le present, mais à la postérité. °

Beze respond au colloque de Poissy au cardinal de Lorraine , qui demandoit des miracles pour auctoriser leur religion, que c'en est un grand de ce qu'il n'y avoit qu'un mois qu’ils estoient bruslés ou chassés de la France , qu’alors ils preschoient à la cour et partout. Le roy Henry IV, nay de mere huguenotte , nourry en leur religion, chef de leur party , de leurs conseils et armées , leur esperance, leur appuÿ, s’est fait catholique , qui est un autre plus grand miracle, mesmes en ce temps qu'il se soupçonne d'eux pour sa postérité. Il s’en est fait plusieurs de nostre temps, qui sont escrits ailleurs, dans lesquels se voit apparemment la puissance de Dieu.

* La France, l’Angleterre et l'Espagne sont en paix et en guerre ; paix en leur royaume et guerre en Flandres : les hommes des deux balancent les escus du tiers ; la guerre , non declarée en leur païs, est ouverte en Flandres. Theatre de tragedies , sepulture de capitaines, source d'infidélités, pointes des guerres entre les roys et villes, qui, sous pretexte de privileges, veulent des republiques, eslisent un capitaine general, comme les Grecs pour resister à Philippe de Macedoine, provinces desdaignées des François pour leur legereté, sans citadelle ny secours : le peuple ingrat le plus fort en chasse ceux qui leur aydent. Les roys les devroient recevoir comme Louys onziesme les Genevois, pour les donner au diable ; le peril, la despence en demeure à ceux qui les secourent , et à eux le fruict. Ce qui empescha Henry IV de les recevoir, c'est le desespoir de les retenir, cognoissant qu'ils n’ont point de plus grands ennemis que leur maistre. Son inclination de ne faire la gucrre est, non pour crainte des Espagnols, mais pour celle de ses subjects; il les assiste sous main pour afloiblir le roy d'Espagne , lequel, jeune , espuisé d'argent, d'hommes et de capitaines, dissimule , ne

RÈGNE DE CHARLES IX

veut guerre onverte, craint l'heur et reputation de son contraire , attend sa mort ou vieil lesse, cognoissant le danger de ses païs escartés , et que l'Angleterre secourt tous les rebelles pour demeurer en paix. Seerets de Dieu admirables, que ces princes ne. sont sautés aux armes parmy tant de mauvais offices qu'ils se font! l'Espagnol s’est vengé par la ligue; faillis ses derniers desseins sous le sieur de Biron et comte d'Auvergne, prend haleine , et en rebastit d'autres, pour rendre à l'advenir le change en France de ee

| qu'il reçoit en Flandres.

Les Olandois’ et Zélandois gagnent à 'la guerre , pour estre maistres dela mer ; tirangs

argent de France et hommes d'Angleterre ;

tiennent le loup par les oreilles : cas estrange d’avoir tant duré en cest estat! Les roys de France et d'Angleterre n'ont raison de se— courir les rebelles , estans souverains , ny les heretiques, estans catholiques ; ils ne voudroient qu'il leur fust faict le semblable. La

guerre ouverte serait plus juste , plus gene-

reuse : ils ont assez d’autres querelles ; et si le roy d'Espagne par or esmeut le fer en France , il ne se doit trouver estrange : il est impossible que dans l'année 4608 il n'y ait paix, trefve en Flandres, ou guerre entre les roys. J'ay predit, dès l’année 4607, ce qui devoit advenir en l'année 1609; que je corrige cest œuvre , qui est la trefve qui s'est faicte , sur laquelle j'ay fait le discours suivant : jé

:« Parce que la Sainct Barthelemy, la mort de l'admiral de Chastillon et de tant de chefs de la religion huguenotte advint, pource qu’ils vouloient forcer le roy Charles de faire la guerre aux Espagnols, en suitte de laquelle ils promettoient la souveraineté de Flandres, la reddition volontaire et expusnation de toutes les villes du pays, j'ay jugé devoir monstrer de combivnils se mescomptoient, et le peu de profict qui en eust réussi à la France. Puis que le roy Henry IV, plus belliqueux , à ce qu'il se dit, que tousses predecesseurs , ayant chassé de son royaume les deux tiers de l'Europe, et nommément les Espagnols, après avoir despendu en douze ans six millions d'or, et perau la vie de cent mil François, a esté contrainet de desirer ‘la paix, et d’apoincter

les Olandois avec le roy d'Espagne , sans que pour cela il y ait seulement acquis un poulce de terre, sinon nronstré de la foiblesse , qu'il soit besoin d'artifice , pour , par une revolte de ses voisins , afloiblir ses ennemis! comme si la France n’estoit assez puissante pour subsister d'elle mesme. Paix qui est une evidente preuve de la prudence, en l’advis du sieur de Tavannes , lequel a, trente cinq ans devant ceste trefve, preveu qu'il n'y avoit rien à gagner à l'entreprise de Flandres, et beancoup à perdre. La guerre de Flandres en fin l'eust fait en France ; le roy n'en veut point pour l'infidelité des peuples, sçachant ne pouvoir estre estrangere sans estre Civile, les cœurs aliénés par les divisions passées plus fins , et l'ardeur d'iceux plus mal-uisée à esteindre, les intelligences et les chemins d'Angletcerre et d'Espagne battus et aisés à suivre, la multitude des mal-contens que l'avarice des supericurs et l'ambition des subjects font naistre.

» Que Sa Majesté a interest à toutes reputations que pourront acquerir les chefs de guerre ; desirant estre seul en ce temps, il estoit forcé de secourir plus ouvertement et grandement les Flamands, et falloit que les Espagnols perdissent honneur s'ils ne luy faisoient la gucrre.

» Qu'estant vieux, à l'exemple du roy d'Espagne, qu'il faut pour sa postérité que sa mort advicnne dans la paix du royaume ; dangereux , si les armes estoient à la main de quelque gros party, de perdre fl'estat. Il faloit plusieurs armées; qu'estant d'age et goutteux il ne pouvoit plus faire ce qu'il avoit fait au passé : ayant plusieurs armées'il faloit plusieurs chefs, lesquels acquerroient de la reputation , eu danger de s'en prevaloir contre fuy ; là où il seroit qu'il auroit beaucoup de maux, et aux armées où il ne pourroit estre , du soupçon des feints amis qu'ils ne s'entendissent avec les ennemis. Qu'après tant d'heur et de felicité quelque malheur estoit à craindre ; que la guerre agucrrissoit son peuple , lequel tant plus il en sçavoit et plus de danger de revolte. Qu'il avoit pour seurté les Suisses, et un autre bras aux estats pour contre-carrer les grandes puissances, royaumes et Indes espagnolles, estans ces pays cn-

trés en ligue offensive etdefensive contre luy. Que c'est tousjours bien faire , et selon Dieu, d'oster le feu et le sang d'entre les mains des hommes , et qu'{yant passé sa vie entravail, il est raisonnable qu'il ait sur ses vieux ans le repos avec l'honneur ; qu'il est le seul arbitre de paix et de guerre en la chrestienté.

» Il ne devoit ayder aux heretiques, et pour le droict à des subjects rebelles contre leur roy , puis qu'il est souverain. L'exemple pernicieux que les villes , de droict et de raison subjectes à un roy, se dispensent de leur serment de fidelité ,. et à leur imitation toutes les villes qui seront cn situation forte feront le semblable, mesme en la France quand l'occasion sc presentera. Qu'en pensant afloiblir le roy d'Espagne , il fortifie les huguenots par la manutention des estats de Flandres, lesquels tous ensemble feront un gros contre M. le dauphin ; que s’il vient à cstre roy , ne le peuvent jamais aymer , ny luy eux, parce qu'il tiendra plustost du pape , de l'Espagnol et du Lorrain , que d'autres. »

Ce sont les raisons d'estat qui ont faict que le roy Henry IV fut aucteur et principal moteur de la trefve de Flandres , et c'est icy l'advis contraire de ceux qui y vouloient laguerre:

« Qu'il valoit beaucoup mieux, pour asseurer son regpe à la postérité, ruyner les huguenots , les rebelles de France et de Flandres , et unirles deux couronnes par alliance, ayant semblable interest pour proteger leurs estats et faire une ligue des souverains contre la ligue des rebelles, et affoiblir toute ceste puissance ; puis qu'il semble qu'il ne peut fuyr la guerre, il valoit mieux la prendre maintenant qu'il à encor cinq ou six ans de travail , que d'icy à cinq ou six ans qu'il ne pourra plus monter à cheval', accablé de maladie , et que l'Espagnol aura pris argent et haleine : aussi à ceste reputation qu'il veut si esclatante , il faloit tendre à des plus grands eflects. Quoy qu'il en soit, ainsi qu'il a fait, les deux puissances qui sont à craindre pour sa posterité et pour luy-mesme en sa vieillesse, demeurent en estat et en force , etsans doute sont toutes deux ennemies du dauphin ; et valoit mieux de son vivant avec beaucoup d'honneur en abbaisser et en ruyner, que les laisser toutes deux en force. Celle des hu-

— Re —

guenots estoit plus facile à ruyner ; la rcligion et le droict y estoit conservé ; et celle des Espagnols estoit la moins à craindre, parce que leur puissance n’est pas dans les entrailles de la France , et que les Espagnols ont leurs pays dispersés. Ils sont assez empeschés de garder ce qu'ils tiennent ; ils n'ont pas les peuples pour les garnisons et pour entreprendre : comment en auront-ils pour subjuguer la moindre partie de la France ? »

. Semble que de ces deux advis le roy avoit choisi le meilleur , de faire la trefve de Flandres et demeurer en repos; mais les Espagnols, ayant tant despendu de sang et d'argent sans aucun fruict , sont été portés à la trefve peu honorable, pour avoir jugé qu'il y a trente cinq ans qu'ils font la guerre , sans y pouvoir voir une fin ; qu'ils ont tasté la France divisée , et n'y ont sceu que faire; maintenant qu'elle est unie , et sous un roy qui est capitaine , et leur pays si escarté, qu'il y avoit danger qu'ils n’y perdissent plus que d'y gagner. Que le roy de France, qui secourt les estats ouvertement , s'en va , et que le leur vient; qu'ils sont fort espuisés de de niers, et qu’il est necessaire qu'ils payent leurs crediteurs , à ce que la grande despence qu'ils font ne fist faire banqueroute à leur roy. Que les Indes ne rapportent plus ce qu'elles faisoient. Que le trouble que les Olandois commettent (lequel est appaisé par la trefve ) traverse l’establissement de la rehigion , et du profict qui en venoit. Que le roy de France estant vieux , et la couronne tombant à des enfans , ne peut estre sans trouble, là où ils pourront faire leurs affaires, par la quantité de differens partis qui sont au royaume , du moins comme le roy d'Espagne fit au temps du duc de Parme; cependant qu'il mit la France en trouble par son argeñt, il prit Anvers par sa force; ce qui sc peut encore faire en Ollande, Que durant la trefve il se peut faire des practiques dans les Provinces Unies, prenant exemple sur la trefve de la Ligue, qui engendra la paix et la ruine d’icelle ligue. Qu'à tous accidens du roy de France, d'entreprises préparées ou d'argent recueilly, ils peuvent rompre la trefve, laquelle communement ne se tient qu'en tant qu'elle apporte utilité. Qu'ayant

RÈGNE DE CHARLES IX