AA

grande quantité d'argent et de moyens, ilS peuvent regagnerles principaux des Provinces : Unies , dont ‘une grande part des chefs sont bannis des villes de Flandres qu'ils tiennent encor maintenant, auxquelles estans r'appellés et receus , c'est autant affoiblir les estats , où ceux qui estoient exilés et retournés en leurs pays pourront faire des practiques.

L’archiduc, n'estant capitaine , est forcé d'employer ceux qui le sont, lesquels acquierent de la reputation , et luy , demeurant aux villes , la pert. Il aymele repos et la paix, et se veut faire chemin à l'empyre si son frere mouroit ; c'est pourquoy il sc monstre n'estre pas contraire aux heretiques en favorisant la trefve. L'infante, de grande despence , est plus contente de tourner l'argent à ses plaisirs qu'à la guerre ; et craignoient tous deux que le peu d'effect , et la mauvaise fortune , les eussent revoqués pour aller en Portugal, comme ils en ont esté menacés : craignoient que la longueur de la guerre n’apportast des revoltes generales dansles villes de Flandres, ainsi qu'elle a fait cy-devant. Ils avoient tasté des incommodités et perils de la guerre , et en craignoient davantage, si la guerre de Flandres amenoit celle de France.

La cause principale de ceste trefve a esté du duc de Lermes , lequel prevoyoit que continuant la guerre , il faudroit qu'elle fust avec les François; que s’il demeuroit auprès du roy son maistre , l'Espagne le tiendroit pour un faineant , et jetteroit l'œil sur les capitaines et generaux d'armécs qui acquerroient reputation , et dont leur naistroit le moyen de luy faire perdre sa faveur ; aussi que s'il vouloit estre general d'armée en Flandres ou à Milan , quelqu'un prendroit sa place et se feroit favory de son maistre : tellement qu'il valoit beaucoup mieux pour luy que les choses demeurent en l'estat qu'elles sont, estant luy seul qui gouverne le roy , royaume et les finances. À quoy l’on respond :

Trois choses principales sont à objecter aux Espagnols contre la trefve qu'ils ont faict. Ce n'est pas tout d'avoir de l'argent et des forces, c’est le principal de maintenir la reputation des armes, et que, par traicter, on ne fasse paroistre sa foiblesse , necessité et peu de courage, Autrement C'est enhardir toutes

les puissances voisines à entreprendre , pour le mespris en quoy ils ont ceux qui ont commis une lascheté par leur traicté : et communement qui à la reputation des armes, il en a le dessus. Qu'il faille qu'une province de quarante lieues de circuit aye donné la loy à tant de royaumes, et en fin se soit soustraicte de l’obéissance, injustement ayant acquis la souveraineté, estant auwnt subjects de la couronne d'Espagno que l'Espagne mesme ; la couverture que le roy de France leur aydoit sous main est foible. Si les roys d'Espagne n'ont donné une seule ville aux François par la paix, au contraire leur en ont osté plusieurs, comme est-ce qu'un roy des Espagnes, de Portugal et de toutes les Indes, aye esté forcé, par les armes couvertes des François, de quicter et perdre cinquante villes qui de droict luy appartiennent du moins par la cession de souveraineté qu'en ont fait les François, declarant si honteusement qu'il traicte avec elles comme ne pretendant rien sur eux ?

Le second point est l'exemple de tous les Pais Bas, lesquels maintenant les Espagnols n'oseroient plus charger d'aucuns imposts ni subsides, ni mesme faire payer les anciens :

autrement ils peuvent dire qu'ils ne sont non plus au roy d'Espagne que l'Olande et la Zelande, et suivront leur exemple s'ils veulent; et ne faut plus faire estat de regner sur eux absolument , ains de les flauter honteusement.

‘. Et pour le troisiesme, que dirons nous de ces gens qui avoient appuyé leur couronne sur la religion catholique et sur l'inquisition, qui maintenoient qu'il ne faloit jamais traicter avec les heretiques, avoir rendu les heretiques en exercice de leur heresie, les avoir faicts souverains, planté et aflermy leur religion par le traicté! c'est estre dechus de ce poinct, vraiement catholiques. S'ils se couvrent de la necessité, quelle necessité a un roy de tant de royaumes? Et, quand ainsi seroit que la necessité fust vraye, la foy ni la religion ne reçoivent point d'excuses : faisons ce qu'elle nous commande, quand le monde et nous mesmes devrions perir ! Il faut que les raisons d’estat et les raisons bumaines cedent à la religion, d'autant que l'ame

MÉMOIRES DE GASPARD DE SAULX

est plus que le corps : il faloit faire son devoir , et remettre à Dieu le reste.

Conclusion, que les Espagnols s'ont rien faict qui vaille en ceste trefve , ni pour la religion, ni pour la reputation ; et valoit mieux maintenir les armes perilleuses que les quicter honteusement, ayant fortifié la France des Ollandois ; à quoy ils ne peuvent treuver à dire, puisque la souveraineté qu'ils leur ont abandonnée , ils peuvent, comme souverains, traicter avec ceux qu'il leur plaist. :

Le roy d'Angleterre, sans impielé, sas despense , a obtenu ce qui luy estoit le plus necessaire : il avoit plus à craindre de la grandeur des Espagnols que le roy, etena faict paroistre moins de soucy, se reglant sur le droict : qu’il n’estoit raisonnable de secourir les subjects rebelles contre les souverains , et ne faire à autruy que ce que l'on voudroit qu'on leur fist; a escouté les Espagnols et demeuré en paix avec eux ; cependant a gardé la Flexingue et autres villes, qu'il dit tenir par engagement, et a laissé faire la despence au roy, ne s’en meslant que de bonne sorte, par patience et prudence , à ce qu’il desire. Les puissances mediocres doivent tenir la balance entre les souverains, à ce que l'un ne s’agrandisse plus que l'autre, et par sa puissance n'opprime les mediocres.

Si le roy d'Espagne venoit à bout des Pais Bas, il importeroit à l'Angleterre : si les François avoient supreme pouvoir dans la Flandre , encore plus. Il doit empescher que l'un des roys nc s’agrandisse excessivement au prejudice de l'autre. C'est pourquoy le roy d'Angleterre secourut les enfans de France quand le roy François estoit prisonnier : la trefve luy est utile, la guerre eust abbaissé une des puissances sous l'autre. Les Flamands luy sont une barriere contre Îles deux roys; et encores que le roy de France les ayc secouru, si auront ils tousjours une plus estroicte amitié avec l’Anglois, qui tient et possede leurs cœurs. Et se sont les Anglois bien gouvernés, et à leur profict, en ceste trefve.

C'est beaucoup quand la moitié des hommes que l'on promet aux entreprises secrettes y arrive. Ceux qui donnent et prennent des esperances se trompent, ou leurs amis; c'est

nn. PES

faillir de s'asseurer sur ce qui n'est à nous, et là dessus bastir un dessein hasardeux, pour l'execution duquel il faut estre entierement asseuré qu'il ny aura manquement d'homme ni d'argent.

. Les procès faits par commissaires, voye extraordinaire contre la jusuce : c'est pour perdre les gens de bien de leur donner des juges passionnés, leurs ennemis, sans conscience , qui despendent des superieurs , lesquels desirent leur mort, et leur commandent de respondre, à peine de conviction, contre les privilepes des François. Plusiours (s'ils n'estoient abusés de l’esperance qui continue jusques sur les eschafaux), ayans recogneu ces juges ennemis, feroient plus genereusement de n'y respondre, et empescheroient fort les commissaires. Puis que respondre ou non il faut mourir, ce seroit monstrer l’innocence et se venger, parce que, n'ayans point respondu, la voix commune seroit qu'on auroit esté condamné par contumace sur les formalités et non par justice. ; ilse doit prevoir et fuyr les occasions de recevoir un malheur. Ceux qui vont chez leurs ennemis donnent temps et moyens d'entreprendre contre eux , font naistre leur mal, qui ne fust advenu ni n’estoit premedité par leur contraires, invités de la commodité qui engendre l’occasion et facilite l'execution. Plusieurs s'esmerveillent que l'admiral de Chastillon , qui avoit tant de finesse et artifice , assisté de tant de conseillers habiles et de tant de ministres versés aux cabales liebraïques qu'ils disoient suivre, que celuy et eux se soient non seulement venus perdre dans la cour, ains parmy les Parisiens ses mortels ennemis. L’asseurance du roy Charles, qui, comblé d'ambition, veritablement estoit entierement porté à la guerre contre l'Espagne, le persuada grandement , avec la conduicte de Telligny, son beau fils, qui avoit negocié "fermement dans la cour. Et quelquesfois estant blasmé de ses amis de la resolution qu'il prenoit , resrondoit ces paroles de remarque : qu'il croyoit à la non feinte parole et serment de Sa Majesté, l'hasard du manquement de laquelle il aymoit mieux encourir que de retomber au labeur des guerres civiles, travail, danger et incom-

RÉGNE DE CHARLES IX