LIVRE HUICTIESME

Mort du sieur de Bonnivet , colonnel general de la fanterie françoise en l'armée de Piedmont , auquel estat Ivy succéda le vidame de Chartres.—Arrivée de M. de Guise à Thurio, pour de là passer en Italie à la conqueste du royaume de Naples.—Conferance du sieur de Guise et du sieur mareschal de Brissac sur la difficulté qui se presentoit au voyage dudict sieur de Guise , avec raisons fort amples envoyées de part et d'autre à Sa Majesté. — Passage du sieur de Guise de Piedmont en Italie.—Divers advis et remonstrances du mareschal de Brissac à Sa Majesté , sur diverses occurrences. — Defaicte de plusieurs Imperiaux par le sieur de Bellegarde. — Prinse de Valfenicres par le maresclial de Brissac, qui en baille soudain advis au roy par le sieur de Boyvin.—Siege, batterie , assaut , prinse et sac de la ville de Cairas par les François. — Siege de Cony par le mareschal de Brissac , qui fust contrainct de le lever, tant par la temérité du vidame de Chartres que par l’arrivée du marquis de Pescaire.—Discours expositif de ce qui se passa en la journée Sainct Laurens, ou Sainct Quentin, avec la blesseure

et prinse de M. le connestable. — Advis du mareschal au roy sur ce qu'il lui sembloit bon pour avoir prompt

secours en ses affaires , qui fust trouvé mauvais par le cardinal de Lorraine , qui avoit pour lors l'entier ma-

niement des affaires de France.

! Le premier ‘janvier 4557, le mareschal fit advancer les compagnies de gendarmerie de messieurs de Guise , de Nemours et d'Aumale, et eut aussi nouvelles de la mort de M. de Bonnivet , colonnel general, son cousin germain, le plus gentil, debonnaire , vaillant et gracieux seigneur que je cogneus onc, et le plus favorisé des dames de la cour, aucunes desquelles le mencrent si rudement parmy les champs, qu'il en perdit et l’amble et la vie tout ensemble. Ceste perte l'afiligea infiniement , mais bien plus encor quand il sceut que sa charge estoit tombée ès mains de M. le vidame de Chartres, etnon de M. d'Ampville, comme il estimoit; et lequel vidame luy donna depuis beaucoup de fascheries par la turbulence de son naturel. Il donna advis au roy qu'il avoit sceu que le duc de Parme ne donneroit aucune traverse au passage de M. de Guise ; et à quoy, toutesfois, il ne se faloit fier que bien à poinct, veu le tour qu'il avoit joué au roy contre sa promesse volontaire, et qu'il trouvoit qu'il demeureroittrop foible de cavalerie pour pouvoir

tout en un temps favoriser ce passage et conserver le Piedmont; que les six cens pionniers et deux cens chevaux d'artillerie qui estoient arrivés à Lyon s'en vouloient retourner, n'y ayans trouvé leur payement comme il avoit esté promis; et que par la mort de Bonnivet , les capitaines Achaux et Rambure avoient quitte leurs compagnies , comme aussi feroient assez d’autres ; qu'il a veu et aprins à Lyon qu'on avoit esté fort soigneux de bien establir et asseurer le payement de M. de Guise , sans se soucier toutesfois de celuy du Piedmont, pour l'entretenement duquel il n'avoit trouvé rien de prest ; et qu'il protestoit, quant à luy, de ne rien commencer, s'il ne se voyoit aussi bien asseuré que l’autre de ses assignations, pour ne hasarder hors de propos l’estat, l'honneur et la reputation tout ensemble ; car, à la vérité, la diligence, la valeur ny la fidelité ne pourroient produire aucun notable effect parmy tant de necessités qu'il prevoyoit pour l'advenir, puis qu’elles commençoient desjà à le fatiguer, ct lors que les affaires requeroient le

es Re fe

Res ee QU AE” —— ©

contraire ; qu'il n’y avoit un seul des capitaines quise voulust advancer à faire ses crues, ne leur estant fourny que cinquante

escus pour chacun, lors mesme qu'il leur

estoit deu de huict à neuf mois ; et que l’estat

de l'extraordinaire qui luy avoit esté envoyé

estoit aussi tout au rebours de celuy qui avoit esté dressé luy present; et que mesmes on avoit obmis plusieurs choses si necessaires, que sans elles les armes ne pouvaient estre heureusement exploictées : suppliant Sa Ma-

jesté ou y vouloir faire donner provision con-

venable, ou donner sa charge à M. de Termes, ou à tel autre qu'elle adviseroit, aimant trop mieux la quiter avec honneur que la manier avec la perte de l'estat et de ce peu de reputation qu'il s’estoit efforcé d'acquerir. |

& Ces remonstrances pleines de verité eston-

nerent si fort ceux qui manioient les affaires, que tout soudain on pourveut au faict des assignations et à l’envoy des deniers pour faire monstre aux vieilles bandes. C'est mal entendre, et encor pirement mesnager les affaires, que de reduire un general d'armée à ceste necessité qu'il soit contrainct de perdre le temps et les occasions à solliciter ce

qui luy est necessaire , et lors mesme que la

guerre le presse de tous costés; et, à la verité , la prudence vouloit ou qu'on ne la commençast pas, ou qu'auparavant qu'y entrer on eust faict provision des choses necessaires pour la démesler avec utilité et honneur : ce sont des inconsiderations et des boutades fort familieres aux François; aussi en recueil lent-ils les fruicts de mesme.

Du vingt-sixiesme janvier, le mareschal donna advis au roy de l’arrivée de M. de Guise à Thurin , etqu'ils confereroient bien au long sur ce qui estoit à faire de costé et d'autre pour le service de Sa Majesté, ainsi qu'elle leur avoit commandé par la venue de M. de Boully, maistre d’hostel du roy.

- Et pour-autant que les conferences qui furent depuis entr'eux, avec l'assistance des sieurs de Termes, president, Ludovic et Carle de Birague, Gordes, Francisque Berpardin et autres, porterent plusieurs divers advis et disputes, dont ils ne pouvoient bonnement convenir sans l’auctorité du roy, il