LIVRE HUITIÈME

fut advisé que par commune concordance ils depescheroient vers Sa Majesté l'un de leurs confidens serviteurs , l'instruction et memoires duquel seroient signés et de l'un et de l'autre. J’eus cest honneur d’estre esleu pour

tel. Or, ayant à negotier au nom de deux

seigneurs qui avoient intentions et desseins tous differens, j'ay jugé raisonnable de rapporter sur ce theatre, non seulement ce qui se passa entr'eux, mais la mesme remonstrance aussi que j'avois à faire au roy, à fin que chacun recognoisse par là combien il fant de soin et d'artifice à bien manier tous les ressors et toutes les consequences de l'estat, et combien la passion et l’interest ont de puissance sur le jugement des hommes, ores que bien entendus.

— Le mareschal donc et tous ces seigneurs remonstrerent à M. de Guise que tant plus ils avoient voulu sonder les fondemens de son voyage, tant plus les avoient-ils trouvés hasardeux , et sans apparence d'en pouvoir rapporter ny la gloire ny l'honneur qu'il esperoit, quelque valeur ou jugement qui fust en luy.

Que puisqu'il n’estoit question que de mettre le pape à couvert des armes du roy d’'Espagne , il estoit à esperer qu’en assaillant la duché de Milan avec forces et intentions communes , il s’en feroit une si grande et si soudaine diversion, que le pape n’auroit plus que craindre de ce costé-là. Mais il n'y eut ordre de vaincre les resolutions interessées dudict sieur de Guise, et par ainsi il me fut commandé de partir, avec ceste instruction ou soit remonstrance que je dressay.

- « Le secretaire Boyvin, depesché vers le roy de la part de MM. de Guise et mareschal de Brissac, est chargé de faire en leur nom les très-humbles remonstrances contenues au memoire qu'ils en ont fait dresser , et qu'ils ont voulu signer par mutuelle deliberation. :,

» Ayant M. le mareschal de Brissac par plusieurs reprinses longuement ruminé et le bien et le mal qui pouvoit advenir du voyage que M. de Guise a entreprins avec une armée à la faveur du pape, et meurement consideré aussi l'estat auquel les affaires sont aujourd’huy reduicts, tant du costé de Naples que de celuy de Milan et Piedmont , il ne se

peut tenir de déplorer la rupture d'une si honnorable et advantageuse trefve que estoit celle que le roy avoit fait avec le roy d'Espagne et d'Angleterre : et toutesfois, que puisque Sa Majesté avoit voulu preferer la guerre à la paix, il luy sembloit qu’en chose si dangereuse Sa Majesté, M. de Guise, luy et tous ses autres bons serviteurs, devoient avoir l'œil ouvert à si bien mesnager ceste guerre, qu'elle peust apporter au pape la seurté qu'il desiroit, et conjoinctement à Sa Majesté l'honneur et l’advancement, et non la ruyne de ses affaires, qui estoient preferables à ceux d'autruy. F

7 » Que puis qu'ainsi est qu'il n'est principalement question que de secourir le pape et de porter les armes à la conqueste du royaume de Naples, infelice toutes-fois aux François, que tout cela se pouvoit plus commodement et plus utilement faire, tournans par commune concordance toutes les forces contre la duché de Milan, Piedmont et Gennes, qu'on ne feroit jamais du costé de la Romagne, mesmes sans avoir autre gaige ou asseurance en main que la foy et les promesses d'un pape qui a le pied dans la fosse , et qui n'a autre force ou puissance que les armes spirituelles, de fort peu d'efficace pour le maniement et advancement des armes temporelles, lesquelles doivent estre remuées de proche en proche, et non si au loing que l'armée ne puisse recevoir aucun secours ou assistance des forces de son prince, comme ceste ne pourra jamais faire du roy, ayant la duché de Milan, la Lombardie , la Toscane et la Romagne entre-deux, et sans aucun port de mer en Italie, tous les princes de laquelle, et sur tout les papes, n’avoient jamais faict confederation avec les François que pour les tromper et ruyner après qu'ils avoient, par leurs mains, accompli leurs vengeances et Jeurs ambitions. Le mesme Jovio, Italien, dict qu’ils sont naturellement ennemis des rois de France : et toutes-fois cecy ne nous peut maintenant arrester.

» Que c’estoit aussi se tromper tout à escient que d'estimer, comme faisoient aucuns, que le voyage de M. de Guise et la demeure du mareschal en Piedmont peussent separement faire de costé et d'autre de si adyanta-

MÉMOIRES DE BOYVIN DU VILLARS

(1557) geux progrès, que toute la guerre d'entre ces deux grands rois se transporteroit de France en Italie, et que cependant la France demeureroit en repos, pour commodement fournir à l’une et à l’autre armée les moyens necessaires pour advancer leur fortune ; qu’ falloit, à position contraire, premierement considerer que, tout aussi tost que le roy d'Angleterre se sentiroit tant soit peu picqué de l’un ou de l'autre endroict , il ne faudroit soudain de faire aussi diversion par quelque grand effort , soit vers la Picardie ou la Champagne ; lesquelles il sçait estre destituées de ses plus vigoureuses forces, et à quoy M. de Savoye, qu'il a faict son lieutenant general, et qui n’a autre esperance qu'en celle des armes, ne faudra pas de l'embarquer , à fin de l'obliger par quelque beau coup à sa réintegration, qui fut mesprisée en la conclusion de la trefve de 55, et par la preuve duquel mespris , et pour n'y plus retomber , il est evidemment croyable qu'il hasardera Je pacquet, à la premiere occasion qu'il en aura, comme il fist depuis d'une resolution fort genereuse.

» Chacun sçait aussi assez que toutes les places du royaume de Naples sont de toute ancienneté bien fortifiées, et que maintenant elles le seront encores mieux par la diligence du duc d’Alve, soldat veteran, qui a de longue main preveu l'orage : de maniere qu'il faut aujourd'huy , au moins pour l’entamer à bon escient, d'autres forces et d'autres moyens que ceux du pape ni de M. de Guise. Il y faut aussi une grand bande d'artillerie, de poudres, boulets , charroy, vivres, et autres equipages qu'il n'a pas et qu'il espere tirer du pape : c'est un fondement fort douteux et incertain, qui considerera qu'il a affaire à gens d'eglise, avares et pesans de nature , et plustost riches de parade que des solides moyens qu'il faut à la guerre, qui ne se mesure à un certain prix arresté, et à laquelle la passion , plustost que la raison, les embarque tousjours, n'ayans pour but qu'une ambition mal mesurée, qu'ils quictent, et leurs alliés aussi, à la premiere faveur ou difficulté qu'ils trouvent à ce jeu, à eux incogneu quant à la diversité des effects et à l'excessive despense.

rs RE. its . On

[1587] . » Qu'il est à considerer qu’au cas que M. de Guise ne trouvast rien de preparé de la part ‘du pape, comme il pourroit aisément advenir, qu'il faudra necessairement que son armée face un long et inutile sejour pour les attendre, dont il pourroit succeder ou la perte de l'armée, ou des desbandemens et des maladies fort dangereuses à nations non apprinses aux exCessives chaleurs d'Italie; ou qu'il faudra, par tous ces defauts, qu'elle tourne teste pour revenir en France, ayant tout le monde pour ennemi sur les bras, comme eust Charles huictiesme à son retour de Naples. Ce sont, à la verité, inconveniens qui sont tousjours pendus à la ceinture de la fortune, laquelle les mesnage le plus souvent tout au rebours de nostre prevoyance et de nos deliberations , pour bien ordonnées et dirigées qu'elles soyent , et qui n'adviennent jamais sans tirer après eux de fort dangereuses consequences, et auxquelles la seule prudence et un exact jugement et ratiocination des affaires de l'ennemi peut apporter quelque remede à ceux qui se rendent susceptibles de le recevoir d'heure.”

» Or il semble au mareschal que Dieu ait dès maintenant mis en nos mains la qualité du remede, qui consiste à premierement recognoistre que la duché de Milan, celle de Gennes, le Montferrat, et le reste du Piedmont que nous ne possedons pas, sont separement aujourd'huy si mal pourvus contre la conjonction de ces deux puissances, qu'ils pourroient estre fort aisément et utilement esbranlés, et d'autant plus si les entreprinses que le mareschal a en deux de leurs places pouvoient réussir ; et quand bien le contraire succederoit, il y a, dans ces provinces, plusieurs fort importantes places, aisées à forcer , et d'autres à fortifier, toutes lesquelles ne donneroient que trop d'occasions au duc d’Alve de tourner l'effort de ses armes du costé de deçà, et de laisser le pape en paix, et s'accorder avec luy avec conditions advantageuses pour luy et les siens , et hors le prejudice des Colonnois , qu'il a spoliés de gayeté de cœur, à l'advancement de ses nepveux. Le prospere succès de toutes lesquelles entreprinses depend de ceste conjonction d'armes, et par la separation des-