LIVRE HUITIÈME

* Que, desirant que Sa Majesté recognoisse au doigt et à l'œil tous ces desordres dont le sieur de Gonnort, son frere , luy a parlé arrivant vers elle, il a bien voulu charger le ca pitaine Martin, y retournant, de luy en des-

couvrir les çauses, et: la supplier d'y pourvoir, et pareïllement sur les particularités

qu'il luy representera.

Que l'entreprinse d'Ast, qu'il a en main, ne se peut executer que Sa Majesté ne soit la plus forte à la campagne, pour les considerations que ledict Martin pourra dire.

Qu'il tient l'entreprinse de Savonne pour plus réussible que nulle des autres qu'il ait en main, pourveu que Sa Majesté donne ordre pour estre plus forte par mer.

Quant à celle de Tortone, que Sa Majesté se souvieone , S'il luy plaist, de ce qu'il luy a precedemment escrit, se lenant à luy comme asseuré de l'emporter, si elle luy donne la force et les moyens pour l'executer, et sans lesquels sa vigilance et son affection ne peuvent. produire les glorieux effects qu'il desire : suppliant Sa Majesté de considerer. quels seront les efforts que feront les

ennemis lors qu'ils se. verront pincés de si près, puis que pour: Vulpran seul ils despendirent de trois à quatre cens mil escus, et : que pour Valence seul'ils en'ont maintenant accordé deux cens mik Que Sa Majesté n'ayaat secondé de sef moyens la diligence que le mareschal avoit apportée aux sicges:de Valfenieres et de Vulpian, qui estoient reduites à l'extremité’, l'un et l'autre avoit esté perdu aveccle temps, l'argent et la reputation ; cn fin, qu'elle pouvoit avoir recogaeu qu'il n'estoit pas de ceux qui faisoient de grandes parades pour embarquer Sa Majesté en despence , et dont on ne recueilloit souventautre fruict que la prinse de quelque bourpade.

. Presentera à Sa Majesté l'estat de la recepte et despence, par lequel elle recognoistra la faute des assignations , et le mal qui en estadvenu : etconjoinctement fera voir qu'iln’y a soldat qui ait chaussure ny habillement, ne vivans que de prests qui sont deus avant qu'estre receus, et que si, des quatre mois qui leur sont deus, ils n'en touchent au moins deux à la fois, il n°y aura ordre qu'ils se puis-

sent accommoder, ny conséquemment aussi les tirer en campagne, comme il seroit necessaire, soit pour forufier a ou entreprendre ailleurs.

4 Que les officiers de l'artillerie sont aussi de leur part reduits à telle extremité, qu'il n'est possible d'en ürer service sans payement , leur estant deu à la fin de ce mois sept mois entiers.

Suppliera finalement Sa Majesté de croire que le mareschal, ny tous ses autres serviteurs qui sont deçà des monts, n'ont faute d'affection, de courage ny de valeur, pour l'advancement des affaires ; mais que tout cela ne peut produire les fruicts qu'ils desirent sans avoir en main de quoy y fournir; et que quand encores ils ne l’auroient que mediocrement , ils feroient neantmoins cognoistre qu'ils sçavent utilement mesnager le talent parmy toutes sortes de fortunes.

4 Dira ledict Martin que le secretaire Boyvin, ne faisant que d'arriver de devers Sa Majesté, le mareschal n'a eu loisir de satisfaire ny de respondre aux commandemens qu'elle luy a faicts par luy, à quoy il satisfera par le secretaire Boudet, vray baudet, qui partira dans deux jours. ‘:

: Du cinquiesme avril, le mareschal respondant à ce que Sa Majesté luy avoit mandé par moy, luy donne asseurance de se mettre en devoir de fortifier Bassignave et Montechiar, toutes les fois que elle prendra resolution d’estre le plus fort à la campagne, et d'ordonner aussi quelque argent pour y fournir, avec ce que le païs pourra contribuer; et qu'à la verité ces fortifications sont necessaires pour maintenir Valence, Casal et Montcalvé, et jetter la guerre dans le Milannois.

. Que si les tresoriers eussent esté aussi diligens à rembourser , qu'ils ont esté à dessouster les marchands quiont cy-devant presté, on trouveroit encores quelque secours parmy eux, pour entreprendre ce que Sa Majesté desire; mais que s’il avoit aujourd'huy affaire de cent escus il ne les pourroit trouver, tant chacun estoit rebutté, et non sans cause, le bon payeur faisant tousjours le bon presteur. , Que le reglement des bandes et des payemens se fera selon le vouloir de Sa Mujesté, laquelle est fort mal service ‘au fait du renfort

MÉMOIRES DE BOYVIN DU VILLARS

(15571 des Suisses ; joinct que les sept premieres enseignes sont arrivées à Suze sans qu'il y ait la moindre nouvelle de leur payement qui y devoit estre au mesme temps , et pour eux et pour les autres aussi, qui les suyvoient à deux journées près.

* Pareillement que, quoy que Sa Majesté luy ayt mandé que les payemens seroient envoyés pour les François et Italiens, afin de les tirer en campagne, il n’en estoit toutesfois nouvelles; de maniere qu'il a esté contrainct faire fournir aux Suisses ce qu'il y avoit de fonds pour faire un port aux uns et aux autres, afin de les retenir , sur l’esperance qu'il avoit d'y suppleer par la venue du payement des Suisses : suppliant très-humblement Sa Majesté le faire haster avec toutes les autres provisions promises, et sans lesquelles toutes choses demeureront inutillement suspendues.

: Que le sieur de Sanfré, auquel il a donné l'une des compagnies de cavalerie que le païs a accordées, s’est mis dans Bra, avec quelque fanterie qu'il luy a ordonnée, et dont il tient ceux de Cairas si à l’estroit qu'ils fou comme assiegés.

t Que les sieurs Ludovic de Birague et de Sainct-Chaumont estans sortis de Santia pour aller à la guerre, rencontrerent, il y a six jours, cinquante chevaux, et environ trois cens hommes de pied , qui alloient saccager quelques villages , qu'ils chargerent sans marchander, et estrillerent si bien, qu'il en demeura plus de six-vingts morts et autant de prisonniers ; et que le lendemain, ils donnerent aussi un pareil banquet à environ douze chevaux et cent arquebusiers qui alloient brigandans le pais.

Qu'il avoit aussi donné une compagnie de cavalerie au sieur de Bellegarde, neveu de M. de Termes, gentil-homme de grande esperance, et iceluy mis en garnison à Cental,

dont estant sorti pour aller cercher adven-

ture, luy douziesme à cheval seulement, il rencontra le capitaine Pierre Pelazza , lieutenant du sieur de La Trinité, avec nombre, et montés à l'advantage. Tout aussi-tost qu'ils s'entrevirent, les trompettes commencerent à s'entresaluer , et luy soudain gagna un pré où il faisoit beau jouer aux barres, se tint ferme et serré attendant l'autre, commandant ce—

pendant aux siens de donner dans les chevaux de l'ennemi, laissans à luy le combat du capitaine , qui estoit lors aussi entré au pré avec mesme ordonnance. Soudain ils partent l’un contrel’autre : Bellegarde, monstrantlechemin aux siens, enferra si bienle cheval de Pelazza, qu'il tomba par terre et luy dessous, tellement engagéiqu’il ne s’en sceut relever ; trois autres des siens eurent aussi leurs chevaux si blessés qu'ils ne sceurent combatre ; de maniere que tous leurs compagnons estant passés au fil de l'espée, ces trois et leur capitaine furent emmenés prisonniers à Cental. Ledict sieur, de Bellegarde donna à ceste premiere rencontre une fort grande expectation du jugement et de la valeur qu’il monstra depuis en plusieurs autres factions.

Du 2 avril, qu'estoient arrivés quelques deniers de Lyon, avec lesquels, et ce qu'il pourroit emprunter sur gages, il esperoit de faire donner quelque monstre à la fanterie françoise et italienne, afin de mesnager le nouveau renfort des Suisses, soit contre Valfenieres ou Pont-de-Sture, qu'il avoit envoyé recognoistre au dedans et au dehors par gens de jugement et fidelles qui ne sont encores retournés, au rapport desquels il tournera teste; voulant bien, auparavant que passer plus outre, avertir Sa Majesté que si dans quinze jours après il n’a de quoy faire faire monstre auxdicts François et Italiens, force luy sera, malgré qu’il en ait, de quicter la partie et reconduire l'armée aux garnisons, avec des-honneur infiny et perte plus grande. k Le roy donna advis au mareschal qu'il avoit despesché le sieur de Mendozze pour aller faire une levée de cinq mil Suisses , et celuy de Montoison pour assembler l'arriere-ban de Dauphiné ; que il a aussi ordonné'que les regimens de Roymendorff et de Riflemberg marchent en Piedmont avec la compagnie du sieur de La Fayette : que Sa Majesté avoit enfin resolu d'estre si forte delà les monts, que toutes la guerre de France s’y transferast ; que Port-Hercules s'estoit recentement perdu par faute de jugement et de courage; qu'elle estoit résolue d'envoyer M. de Termes cn Toscane au lieu du seigneur Strozzy , et d'y envoyer aussi force trouppes françoises pour y redresser la reputation et les ailaires.