LIVRE HUITIÈME
deffendre Casal, où il estoit fort aimé avec Sa compagnie, quatre de Suisses et deux enseignes françoises au parsus la garnison ordinaire , afin qu'il peust favoriser les places qui estoient autour de luy, selon ce que les affaires le pourroient requerir , luy semblant qu'il n'eust sceu choisir seigneur de marque qui eust plus de jugement et de valeur que luy. \ Que les compagnies de gendarmerie destinées pour le Piedmont avoient bien faict monstre à Lyon; mais aussi-tost qu'elles avoient touché argent, les capitaines et lieutenans s'en estoient retournés en leurs maisons, ne faisans marcher que vingt-cinq ou trente chevaux pour compagnie; et de faict que l'enseigne de M. de La Guische qui estoit arrivé n’avoit amené que vingt cellades : de maniere qu'au lieu d'estre renforcé de quatre à cinq cens chevaux, il y en auroit cent ou six vingts qui tourneroient bien tost teste si
| les capitaines n’y venoient en propre per-
sonne les commander, comme il estoit raisonnable qu'ils fissent : qu'il s'estoit desbandé de la cavalerie legere du Piedmont plus de trois cens chevaux , qui avoient suivy M. de Guise, esperans estre mieux traictés avec luy qu'en Piedmont; en sorte que, les assignations enjambans’ deux ou trois mois les unes sur les autres, chacun perdoit courage, ne pouvant avoir tant en main qu'il se peust fournir dechaussure ; et que de ces necessités s'engendroient les maladies, les mal-heurs et les mutineries qu'il avoit toujours prevenues par l'engagement du sien propre et de ses amis, ce que ne faisoient pas messieurs les intendans des finances ny les autres, qui mesuroient assez inconsidérement les actions d'un homme d'honneur, et fidelle serviteur de son roy, à celles d'eux mesmes, qui ne volloient qu'à pas mesurés parmy le repos et l'abondance , et hors la peine et l'hasard. :
Pour autant que Montcalvé n'estoit pas en si bon estat qu'il peustattendre une grande force, les ennemis s'en estans approchés, il avoit envoyé dedans les capitaines Masencome et Jeronime de Thurin, et ordonné au gouverpeur de Verrue de se jecter dedans si l'enpemi l'attaquoit.
Du premier mars, donna advis au roy que la fortification faite de Pont-de-Sture par l’en-
nemi, luy avoit couppé le chemin pour aller du Piedmont à Casal, Valence et Montcalvé, et que, pour remedier à ce defaut il avoit mis dans une bourgade de Monferrat, appelée Montechar, une enscigne de gens de pied pour luy servir d'escalle ; que l'ennemi, l'ayant recogneu , y avoit envoyé quatre mil hommes et deux coulevrines pour les forcer ; mais nos gens avoient si bon courage qu'ils avoient tenu quatre jours, et au cinquiesme ils s’estoient retirés sur la minuict bien serrés ensemble; et, ayans forcé les corps de garde , s'estoient sauvés sans perte que d'un seul homme, marchans tousjours ainsi resolus jusqu'à Villeneufve d'Ast : que l'ennemi s'y estoit arresté quatre jours pour le ruyner de tous poincts, et cependant luy avoit envoyé une bonne trouppe de cavalerie et de fanterie, conduicte par le sieur de La Motte Gondrin, pour essayer de les bouchonner à contre poil s'il les eust encores trouvés, comme il ne fit pas, ayans eu Je vent de sa venue.
Qu'aussi-tost que le marquis a eu faict ce grand, ou, pour mieux dire, ridicule exploict, il a départy l'armée par les garnisons, et est après à faire payer le dernier regiment de lansquencts et quatre cens Ilaliens pour les envoyer à Naples par la mer, si tost qu'un nouveau regiment du comte Alberic de Lodon, qui marche, sera arrivé au lieu de ceux-cy.
* Que M. de Chavigny, ayant eu du costé d'Ast trois cens chevaux sur les bras, s’estoit tousjours retiré combatant si vertueusement qu'il s’estoit sauvé de Sainct-Damian avec trois legeres blessures et perte de quinze cellades, et autres dix de blessés.
& Rend graces très-humbles à Sa Majesté du nouveau renfort qu'elle luy promet, lequel il employeroit volontiers, si Sa Majesté l'avoit agreable, à la fortification desdicts Bassignave et Montechar ; mais que, pour vaincre la difficulté des vivres dudict Bassignove , il faudroit aller assaillir Tortoue , qui n’a rien
de fort que le chasteau, qui fourniroit après
de vivres toutes ces places, par la retention desquelles Sa Majesté possederoit la meilleure partie de la plaine milannoise, et coup-
peroit aussi broche à eux et aux Gennois de
MÉMOIRES DE BOYVIN DU VILLARS
plus trafiquer les uns avec les autres ; reduiroit aussi Alexandrie à telle extremité que bientost elle retourneroit à son premier maistre; qu'il remercioit très-humblement Sa Majesté de l'asseurance qu'elle luy donnoit de luy envoyer le sieur de Gonnort son frere pour coadjuteur. :
Que s’estant de longue-main aperceu que Sa Majesté n'adjouste foy aux advertissemens qu'il donne des necessités de l’armée, et du peu d'hommes où elle est reduicte, aussi bien que les garnisons , par faute de payement, il la supplie très-humblement vouloir choisir quelque seigneur de marque auquel elle donne charge du faict des monstres, des payemens, du faict des vivrés et de l'artillerie , avec charge de controller de près toutes choses, et les propres actions du mareschal, et avec puissance de pourvoir à tout selon l'exigence du cas, et d'en rendre compte de sepmaine en sepmaine à Sa Majesté ; se contentant, quant à luy, que le seul soing des armes et de leur exploict luy demeure : et lors Sa Majesté et messieurs ses ministres recognoistront, plus à clair qu'ils ne veulent faire, que ce n'est pas tout de dontier les assignations , ains que le principal consiste en ce qu'elles soient bien mesnagées et apportées à terme ; et si lors tout ne va bien, il est content que la coulpe en tombe toute sur lay, comme elle faict aujourd'huy et fera tousjours tandis que les choses demeureront à la discretion des tresoriers, et qu'on ne tiendra foy à ceux desquels, plus par devotion que par gain, ont presté le leur à sa caution, qui ne sçait avoir rien obmis de tout ce qui appartient à un très-fidelle, vigilant et affec— tionné capitaine ; et que si quelqu'un en veut autrement juger , il a assez de justice, d'armes et de courage pour luy faire recognoistre sa faute , sous le congé de Sa Majesté, la suppliant luy pardonner si une juste douleur, si souvent irritée, l’a faict entrer plus avant en campagne qu'il ne devoit.
Que l'estat que Sa Majesté luy à envoyé pour l'extraordinaire de la guerre et pour les assignations, est defectueux en plusieurs parties et articles qui luy furent accordés devant que partir, et mesmes les appomctemens de plusieurs seigneurs de marque et de merite,
et desquels on ne se peut aucunement passer.
Que de faire pour luy tout seul, il ne peut, et qu'en pensant espargner trois mil francs par mois on acquerra pour cent mil livres de deshonneur , et de la perte pour un million ; que s'il ne plaist à Sa Majesté d'y soudainement pourvoir , il se trouvera bien tost tout seul : de faict, depuis le partement de M. de
Guise, il n’a plus trouvé, en la plupart des |
personnes ny des capitaines, ceste gallarde disposition qu’ils souloient tous avoir à bien combattre et à mieux obéir. Procedant ce desordre de trois causes : la premiere, de la faute des payemens; la deuxiesme, du retranchement des appoinctemens; et la troisiesme, de ce que, combien que tous ceux qui militent en Picdinont sous son commandement servent aussi fidellement et courageusement Sa Majesté que font ceux de France, ils no peuvent neantmoins rapporter les grades, les biens ni les houneurs, dont ils voyent à (putes beures triompher les autres : et que, puis qu'il est ainsi que sou credit volle si bas qu'i ne peut moyenner leur advancement, il ne doit pas trouver mauvais qu'ils taschent de s'approcher du soleil, pour en estre eschauffés comme les autres. On, puis que l'honneur et les bienfaicis sont les aiguillons de la vertu, le mareschal lairra considerer à Sa Majesté si. c’est chose propre et convenable à son-service que les choses passent de ceste sone, et si les inconveniens qui en pourront succeder seront à la coulpe d'iceluy ou non.
+ Dudix-neuviesme mars, que le sieur d’Amanzay, qui va trouver Sa Majesté de la part de M. d'Andelot, luy fera entendre que le nouveau regiment des Allemans cstoit desjà arrivé à Casal Major ; que le cardinal de Trente pressoit fort les Milannois de trouver deux cens mil cscus pour le payement de l'armée, et qu'ils avoient accordé de les fourair pourveu qu'ils fussent employés au recouvrement de Valence, et non autrement ; et que par. là Sa Majesté de voit estre invitée à faire diligemment marcher le renfort qu'elle avoit promis : que les trois mil Daulphinois levés par fouages estoient arrivés à Briançon ; mais ils ne vouloient passer plus outre, si Sa Majesté ne commando:t qu'ils. fussent payés , suivant ce qu'elle en avoit precedemment ordonné.
