LIVRE HUITIÈME

moy-mesme dans mon cœur; j'ayme les miens , mais il faut que ce soit avec retention, comme j'ay faict. Allez vous en m'attendre en Ja ‘chambre du roy, ct je vous feray si bien depescher que vostre maistre se louera infiniement et de moy et de vous. Je sçay que le roy a envie de vous advancer , et j'y tiendray la main. » Vous pouvez penser si je deslogeay soudain pour aller rendre raison au roy de mon combat , qui en fut si aise , qu'il n’est possible de plus , aimant le mareschal en particulier sur tous les autres ; il l'appelloit aussi sa creature. Je gaignay la chambre du roy , où peu après Sa Majesté entra, accompagné de M. le connestable , qui , soudain menant le roy à la fenestre, m'appella, et dict en ma presence au roy : « Sire , il le faut depescher dès demain, et, afin que l'armée ne se defface, luy faire fournir comptant soixante mil escus , qu'il faut que nous tous qui sommes jei prestions à Vostse Majesté, et que luy-mesme les porte sans passer par la main des tresoriers , qui y feroient quelque bresche. Je vay faire assembler tout vostre conseil , où il est necessaire que Vostre Majesté se trouve pour disposer chacun à ce que je dis. » Ainsi dit, ainsi fut-il fait; dès le lendemain je fus depesché du tout, et avec les plus gracieuses promesses et paroles que j'eusse sceu desirer. Et en prenant mon congé, ledict sieur connestable me fit donner un present de huict cens escus comptans, que le roy m'avoit donnés en faveur des bonnes nouvelles et de la reconciliation.

Au regard de toutes les dépesches particulieres qui m'avoient esté commises, j'en raportay de quoy contenter un chacun, et sur tous le mareschal , qui ne sçavoit quelle chere me faire, mesmes venant les mains pleines d’un si beau et d'un si soudain secours qu'estoit celuy desdicts soixante mil escus en or, tous trebuchans, comme puisés ès cabinets des plus riches seigneurs et dames de la cour. ;

“ Or, faict à noter que tandis que j'allois et que je poursuivois mes despesches à la cour, le mareschal trouva moven, avec quelques deniers qui furent empruntés, de consoler les soldats du travail prins à Valfenieres , et les animer à aller assaillir Cairas avec l'ar-

tillerie : et encores que la cavallerie et fanterie fussent tous debiffés et descouragés par la pauvreté, qui ravit tousjours le cœur des plus courageux, si est-ce que la grande croyance que les uns et les autres avoient au mareschal , leur fit oublier les miseres passées, pour embrasser nouvelles esperances de gloire, de victoire et de secours , s'offrans à le’suivre par tout. En ceste disposition, il fit marcher l’armée et l'artillerie contre Cairas, qui fut battu en deux batteries, avec vingt pieces, les douze sur le haut de la campagne qui tire contre Beynes, et le reste par le bas de la riviere de Sture, duquel costé il a mesme assiette que Laonen Laonois. L'artillerie fit telle diligence, qu'en trois jours il y eust bresche suflisante pour donner l'assaut des deux costés. ge

Par incident, je dirai icy que, durant ce demeslement, Le vidame de Chartres, destiné colonnelau heu de feu M. de Bonnivet arriva, et en ceste arrivée, ayant promis monts et merveilles au mareschal, il traictoit avec luy avec telle familiarité que le pere faict avec l'enfant. Retournant à nos bresches, le mareschal ordonna , de costé et d'autre, ce qui luy sembla necessaire pour aller à l'assaut et en avoir la victoire ; sur tout il ordonna que les bataillons donnassent à mesme temps l'un

que l'autre, pour plus estonner et occuper

tout en un coup l'ennemi, ayant à respondre en deux divers endroicts. Et de faict, ayant commandé au vidame d'aller faire, avec son auctorité , marcher l'assaut d'embas soudain qu'il ouiroit un coup de canon du haut, où il se tiendroit pour le faire donner à propos; ayant donc peu après faict tirer ce coup, et regardant ce que feroient les trouppes d'embas, il veid qu'elles se remuoient sans don-

ner dedans, comme avoient faict celles d’en-

haut : il y courut luy mesme, et trouva que le vidame avoit voulu chausser les chausses de son père, et, s'estimant plus habile que le mareschal, il ordonnoit de l'assaut tout autrement qu'il n'avoit faict. Je laisse à penser à un chacun quelle devoit lors estre la colere et la douleur que cecy luy devoit apporter.

Lors , sans faire compte du vidame, il commanda de donner dedans : les soldats, par la reycrence de leur chef souverain, et pour

MÉMOIRES DE BOYVIN DU VILLARS

[4557] amender la faute, donnerent à la troisiesme alaine de ceste montée si furieusement à la bresche, qu’à la deuxiesme boutade ils l'emporterent. Pendant le combat, le vidame se vint presenter au mareschal, lequel luy fit une si rigoureuse reprimande , qu'il ne l’en aima jamais depuis. Tant y a que de costé et d'autre nos gens combattirent si vertueusement qu'ils surmonterent la valeur de ceux de dedans, au nombre de mil fantacins, qu'Espagnols , qu'Allemans, qui furent tous tués, et la ville saccagée de fond en comble,

comme fort mauvais François que naturellement ils estoient.

“ Le mareschal, parlant depuis de ceste prinse , disoit avoir veu, sur le: bord de la bresche, un Allemand, ayant la barbe blanche jusques à la ceinture, qui renversa fort courageusement huict ou dix des nostres; que, admirant son courage , il l'eust volontiers sauvé, mais il fut tué comme les autres. Nous y perdismes de cent à six-vingts hommes , que morts , que blessés.

Ceste faction, si heureusement achevée, fit recognoistre au roy et à chacun que l'homme vrayement magnanime et genereux ,'comme estoit le mareschal, se sçavoit roidir contre les necessités , ainsi que faict la palme contre la pesanteur de la charge.

N'est en cest endroict à obmettre qu'entre Cairas et Carmagnoles il y a le gros bourg de Sommerive , ayant un assez bon chasteau, dans lequelcommandoitle capitaine La Combe, Lyonnois, moderé au possible : cestuy-cy, qui avoit cinquante soldats avec luy, ayant recognu que ses forces n'’estoient bastantes pour tenir en bride la grosse garnison de Cairas , qui tousjours couroit et ravageoit de tous costés, il eut recours à la peau du renard : et de faict, il dressa un filé de cordes assez fortes, et tellement ordonnées , que les tendans de nuict au travers du grand chemin venant de Cairas à Sommerive, qu'il n'y avoit cavalier ny fantacin qui n'y demeurast atrappé : d'ailleurs, pour plus seurement jouer son personnage, il cachoit, de costé et d'autre du filé , une vingtaine de compagnons qui couroient au filé, soudain que la sonette, qui estoit attachée au bout, donnoit indice que le poisson estoit dans la nasse. Par trois

diverses fois, et par divers endroits, il y attrappa une vingtaine de chevaux, et plus de cinquante hommes de pied ; mais la ratoire estant despuis descouverte , les rats n’y vindrent plus.

Le mareschal en donna advis au roy par le commissaire Plancy, qui arriva à Sainct- Germain au mesme instant que je relournois en Piedmont.

Il fut chargé, de la part du mareschal, de remonstrer librement au roy que si, à son arrivée vers Sa Majesté , elle ne luy envoyoit quelque bonne somme par les postes, il falloit faire estat que Sa Majesté n’auroit plus d'autre armée que ce qui estoit départy par les garnisons , en tant que tout se desbanderoit, comme il eust des-jà faict sans ceste fraische curée de Cairas, le butin duquel avoit un peu adoucy la colere : que tandis qu'ils estoient en quelque bonne humeur, il les alloit mener vers Cony, abondant en vivres, pour les y faire vivre aux despens de l'ennemi, avec resolutiou de le forcer si Sa Majesté luy en envoyoit les moyens sans lesquels tout estoit reduit au dernier desespoir.

J'arrivay à Cony, huict jours après l’armée ; et s'estant divulgué que j'avois apporté deniers, chacun se commença à resjouir et à mieux esperer de l'effort de Cony. Et encores que ceste somme fust fort petite à si grande debte qu'estoit celle de l’armée, si est-ce que le conseil, sur ce assemblé, fut d'advis qu'on donuast à la banque cinquante escus pour capitaine , et deux ou trois escus aux soldats, à la proportion de leurs appoinctemens. Or le vidame , qui avoit envie de mettre un maistre de camp à sa devotion autre que le baron de Chepy, qui dependoit du tout du mareschal , commença à mutiner luymesmes Îles capitaines et les soldats, disans qu'ils ne vouloient rien recevoir, fust peu , fust beaucoup, que de la propre main de leurs capitaines, qui les avoient tousjours secourus, ce qu'ils ne feroient plus si ceste loy estoit introduite à leur prejudice.

: La mutinerie et le desordre passerent si avant par l'inconsideration du vidame , que huit cens soldats se desbanderent en une seule trouppe pour prendre le chemin de Tende, pour de là se rendre en Provence,