LIVRE HUITIÈME

Le mareschal , ayant sceu ce malheur , monta soudain à cheval, accompagné d'une vingtaine de notables seigneurs, qui attraperent ceste trouppe, à laquelle le mareschal fit tant de plaintes etde remonstrances , meslangées tantost de menaces et tantost de promesses, qu'ils luy jurerent ne partir de l'armée, et n'obéyr qu'à luy, rapportant ceste faute aux impressions qui leur avoient esté données au contraire de la part du vidame.

Les affaires ainsi adoucis par là prudence du mareschal , et la ville de Cony bien recognus, il fut resolu de l'assaillir avec la mine et l'artillerie , à quoy faire chacun travailla courageusement de son costé. Mais auparavant que passer plus outre , il faut dire quelle en est l’assiette , afin de mieux comprendre avec quel artifice et diligence elle fut assaillie. Elle est presque de forme ovalle, sur un tertre fort relevé, circondé des quatre costés , les deux de la riviere de Rets, fort impetueuse , ayant ce tertre les rives si inaccessibles et droictes, qu'il n’y a point de murailles de ce costé là : de monter et descendre par là c'est chose impossible , estant composé de cailloux ronds , qui n'ont ny prinse ny tenue. Les deux autres costés sont armés d’une forte muraille , de bons fossés , et de quatre boullevards , et d'un petit, qu’on appeloit le Bastion Verd , parce qu'il estoit tout faict de gazons , ayant un ruisseau au pied, qui faict moudre quatre moulins pour la commodité de la ville , laquelle est assez doucement relevée en haut par ces costés-là.

Il fut donc resolu que l'artillerie seroit plantée en la façade qui regarde le costé du monastere des Anges, et, qu'à cause de la grande contr'escarpe, et terre-plain qui est au dehors et au dedans , on dresseroit une plate-forme au dehors, pour battre à cavalier le dedans de la ville; et que du costé de ce Bastion Verd on y dresseroit une mine, avec l'aide de quelques Anglois que le mareschal entretenoit à la suite de l’armée , laquelle ne sceut faire si bon guet que le capitaine Menepon , qui estoit parti de Fossan, n'entrast dedans avec trois cens hommes ; qui donnerent un grand renfort aux habitans fort obstinés à la defence, et lesquels, à coups de frondes , tiroient incessamment de grosses

pierres qui blesserent beaucoup de nos gens qui s'approchoient un peu trop. Pendant que ceux de la plate-forme , sur laquelle furent assis et braqués huict canons, faisoient leur office , on travailloit diligemment à la mine, qui s'advançoit fort, sous la conduicte du sieur de Rossane , qui se rangea au service du roy peu après la prinse de Busque,

Or , le mareschal ayant aouvelle que l'armée des ennemis s'assembloit pour veair au secours , il envoya prendre les chasteaux de Roques-Parviere, Demont et Rocavion, qui sont sur l'advenue de Tende à Cony, qui furent aisément rendus. Geux de Cony, se voyans si estroictement bridés et battus qu'ils n'auroient nouvelle de secours, ny aucune relasche pour respirer tant soit peu, emrerent en quelqu'opimion de se rendre ; comme je croy qu'ils eussent faict sans un malheur qui advint de la part des nostres; c'est que quatre ou cinq soldats, parmi lesquels estoit le fils du procureur du roy à Sauces , s'adventurerent une nuict d'entrer dans le fossé de la ville pour recognoistre , de la part du capitaine La Baume, leur capitaine, certain flanc de ce Bastion Verd qui repondoit au fossé : ils furent descouver!is et si bien chargés , que les trois n'en parlerent plus..Ge fils du procureur du roy, blessé en une jambe toute fracassée , fut porté en la ville, sous la promesse que , luy sauvant la vie, il leur diroit un grand secret. Le Menegon l'apasta de belles paroles : lors il leur dict : « Messieurs, ne soyez pas si mal advisés de vous rendre aux François, car ils ont deliberé de tuer hommes , femmes et enfans, et de brusler la ville , quelque chose qu'ils soient pour vous promettre au contraire.» Ce rapport les mit en tel desespoir, qu'ils jurercnt de s'ensevelir tous dans les ruynes de :leur patrie, et déslors se montrerent plus rudes et plus obstinés que jamais au combat : et , toutesfois, c'estoit chose à laquelle jamais le mareschal ny autre n'avoit pensé, ces cruautés estant abhorrées par une ame si debonuaire qu'estoit Ja sienne. Il y avoit dans la ville un soldat sur ce Bastion Verd, lequel , à chaque vollée que nous tirions, nous monstroit le cul par derision : or, pour l'attraper, le sieur de Gaillac commanda que des huict pieces qui

MÉMOIRES DE BOYVIN DU VILLARS

[1557] troient de ce costé-là les deux fassent remplies de cailloux, et qu'elles ne ürassent qu'un peu après les autres , pour attraper le compagnon, comme il fut; et vismes voller les pieces de ce pauvre corps , qui receut le salaire de sa temerité et moquerie.

Or , la mine se trouvant preste à recevoir le feu , le mareschal ordonna que toute l'armée se mettroit en bataille ès environs de La ville ; ordonna la forme de l'assaut , la premiere pointe duquel devoit estre conduicte et commandée par le baron de Chepy, maistre de camp, avec douze enseignes et cinquante gentils-hommes volontaires ; et la deuxiesme pareiHement par le vidame , colonnel , avec environ autre cent gentils-hommes volontaires et douze enseignes. Luy qui s'estoit persuadé d'estre le principal et le plus suffisant chef de J'armée , et non pas membre d'icelle, ne pouvoit endurer que le mareschal disposast de l'assaut, ny que le baron de Chepy £usten telle estime de conduicte etde vaillance qu'il estoit; en haine de quoy aucuns machinerent deux grandes meschancetés : l'une, qu'il fuloit faire tuer ledict Chepy, comme à fust, par derriere , marchant à l'assaut ; l'autre, qu'il ne faloit seconder ceste premiere trouppe au combat , ains marcher lentement, à fin qu'elle fust la pluspartdefaicte , à la perte et deshonneur du roy et à celle dudict mareschal; et qu'après cest eschec le vidame marchast pour avoir l'honneur et la conqueste.

Or voyons maintenant ce qui en advint : le feu fut donné à la mine ; elle fit un si grand effort, que on pouvoit monter à cheval dans la propre tranchée et retraicte des ennemis.

Soudain que la poudre se fust eslevée et que l'advantage fut recogneu , le signal de l'assaut fut donné ; le baron de Chepy , en donnant courageusement , fut tué par derriere.

Les trouppes ne laisserent de s'advancer , et mesme Ja noblesse, qui donna et entra jusques dans la tranchée ennemie, d'où elle fut lourdement repoussée, n'estant suivie comme elle devait. Quoy voyant le mareschal , ll courut du costé où estoit le vidame , qui s’advançoit lentement ; contre lequel se courrouçant fort aigrement, et contre ses-trouppes aussi qui ne s'advançoient ny recullaient , et ne faisans ny l'un ny l'autre estoient tuées,

il fut contrainct de mettre la main aux armes pour les faire retirer ; et en ceste mal-heureuse faction il n'y eut homme de marque perdu qu'un gentil - homme et environ cent ousix vingts soldats, que morts, que blessés. Le mareschal, infiniement desplaisant de ces des-ordres, fit ceste reprehension et remonstrance à l'armée : « Je ne vous estimeray plus dignes, comme je faisois cy-devant, mes amis et mes compagnons, de porter le tiltre d'hommes bien constans , fidelles et affectionnés au service de Dieu , du roy et de la patrie, ny de la gloire de leur general aussi, puis qu'à ses yeux vostre ame s'est montrée si couarde , que le seul esclat des armes ennemies vous faict tourner le dos sur une bresche où l’on pouvoit mesmes monter à cheval; et tout cela au perpetuel vitupere, non de nostre nation, mais de vous seuls, soldats veterans du Picdment , qui souliez cydevant faire trembler l'Italien -et l'Espagnol. La playe et la honte est telle que Île decimat seul est celuy qui la peut purger ; toutesfois , quand je regarde vos visages , je les vois tellement enflammés pour le regret de la faute, que je pardonneray à tous, si au lieu où je vous conduis je vois vos courages si acharnés à battre vos ennemis , quela mort ny mesmes les dangers n'en ayent sceu effrayer ou retenir a force de vos bras. »

. Voyläque c'est que donner les charges à des gens qui n'ont autre valeur et prudence que l'audace etla temerité , presumans de ce qu'ils ont le moins ; aussi les despens en tomberent sur le roy, qui l'avoit choisi. Je vis l'heure que le mareschal luy cuida donner de l'espée au travers du corps. S'il l'eust faict il se ‘fust délivré de beaucoup de peines qu'il luy donna encores depuis , tant ce seigneur estoit confit en haine : aussi disoit-on qu'il ne croyoit, comme porte le dire commun, en Dieu que sur:bon gage. Je m'en rapporte à ce qui en est; et de faict, depuis il fina ses jours fort malheureusement dans la Bastille , pour expiation de ses pechés.

Au mesine instant que ce desordre survint, on eut nouvelles que le marquis de Pescaire marchoit avec l'armée au secours de Cony : surquoy, Îcs scigneurs du conseil assemblés , il fut disputé de ce qui estoit à