LIVRE HUITIÈME

part dudict sieur mareschal, que pour lever les sieges des places, ou pour autre occasion, quelque favorable qu'elle puisse estre , elle prenne soigneusement garde à ne hasarder jamais aucun combat en gros, ny à se loger aussi en lieu s'il n’est fort advantageux pour elle, et dont la retraicte puisse estre si libre qu elle ne puisse recevoir aucune contraincte ou eschec pour petit qu'il soit; mais bien s’eflorcera elle , par la main de quelque vigilant et prudent capitaine, de faire donner peu à peu aux siens quelque advantapeuse curée sur l'ennemi, pour leur remettre le cœur et l'asseurance , qui sont un peu esbranlés.

» Que si l’instable et non jamais fidelle fortune a , comme par mocquerie, conduict la France à autre parti, il faut , aujourd'huy plus que jamais, renforcer les courages ct

les affections, tournans les esperances en

Dieu , qui portera si avant nos palmes , que nous nous gorgerons plus du sang de Ros ennemis qu'ils ne feront jamais du nostre.

» Qu'il supplie très-humblement Sa Majesté vouloir aussi bien pourvoir les seioneurs de Pavan, de La Motte Gondrin, vicomte Gourdon et Francisque Bernardin, des nou— velles compagnies de gendarmerie qu'elle faict lever, comme elle faict assez d'autres qui ne l'ont pas peut estre si bicn merité qu'eux; et qu'en traictant , comme elle faict, k Piedmont en enfant reprouvé, au moins elle vueille donner quelque contentement aux chefs qui ont les charges et les peines particulieres de son salut ; autrement qu'ils se retireront tous en leurs maisons», comme firent depuis Pavan et le baron des Adrets.

Je trouvay le roy à Paris, et arrivay si à propos, que Sa Majesté , qui estoit encores au lict, commanda qu'on mé fist entrer, en attendant le cardinal de Lorraine , qui avoit lors embrassé tous les affaires tant civils que militaires. Ce bon roy, en jettant un grand soupir, m'embrassa me disant : « Boyvin, mon ami, je crois que M. le mareschal a receu un grand desplaisir de la perte que j'ay faicte.— Ouy, Sire, respondis-je, très-prand, mais bien cucores davantage, de quoy Vostre Majesté estime si peu son fidelle subject et serviteur, qu'à l'appetit de gens qui n'ont

que la langue elle a mieux aimé en appeller d'autres que luy à son secours, et qui peutestre n'ont pas plus d'experience , d'affection ou de valeur que luy, qui est toutesfois creature particuliere de Vostre Majesté. »

Ainsi que je voulois porter ma carriere plus avant, le cardinal entra, vers lequel m'’estant soudain tourné pour le saluer , le roy luy dict : «Faictes sortir tout le monde, fors le secretaire d’estat , afin que nous oyons tout ce que nous mande M. le mareschal. »

Là dessus j'entray au mesme discours des choses que vous avez cy-devant veues ; mais si tost que je touchay la corde sur le secours du clergé par une année entiere de benefices , ledict cardinal me respondit que les affaires du roy n’estoient pas si pressés qu'il fallust faire ceste dangereuse playe. A quoy je repliquay que ce que je disois n’estoit pas playe, mais bien que le refus seroit celuy qui feroit une lourde playe, et que ceux qui rejecteroient cest expedient auroient peu d'affection au roy, pour la necessité duquel il falloit joyeusement sacrifier la propre vie, les biens, femmes et enfans, comme M. le mareschal avoit deliberé de faire, et qu'il luy sembloit, quoy qu'on sceust dire, que c'estoit le plus prompt et le plus aisé secours que Sa Majesté sçauroit trouver, et dont il donneroit luy-mesme le premier exemple.

Ceste repartie pleut fort au roy, mais non au cardinal. Lors Sa Majesté me commanda de poursuivre mes remonstrances, sur toutes lesquelles elle promit de me satisfaire bien tost, et de me renvoyer; qu'il sçavoit fort bon gré au mareschal des conseils et des propositions que je luy avois faictes, et que, comme très-bonnes et très-utiles, ils les practiqueroit tousjours, et que, sans la crainte d'adjouster à ce desastre la perte du Piedmont, qui dependoit de luy, elle l’eust dès le premier jour appelé près d'elle. Le cardinal, qui craignoit que je n’esbranlasse le roy par dessous main à appeller ledict sieur mareschal, fit donner assignation de quatre cens mille livres au tresorier , avec les propositions du president Bailly, pour deniers comptans, au supplement de toute l'année, et lequel president Bailly avoit forgé lesdites propositions en sa tesle , sans en avoir jamais rien

MÉMOIRES DE BOYVIN DU VILLARS

(45571 communiqué au mareschal, et l'execution desquelles pouvoit plustost apporter la totalle ruyne que le salut du pais.

Voicy quelles elles furent : Lever trois escus pour chef d'hostel , un teston pour septier de bled , un escu pour muid de vin ; creer une chambre des comptes particuliere en Satoye ,, et une seconde chambre en la cour du parlement de Piedmont ; choses aussi mal-aisées à executer que de prendre la lune avec les dents. Et de faict , lorsque la fortune voguoit à souhait pour la France, et que la force estoit de nostre costé, il ne fut jamais trouvé raisonnable de mettre sus ces impositions en païs de nouvelles conquestes, et on le veut maintenant faire parmi les disgraces et les mutineries, et sans en parler au lieutenant general du roy : n'est-ce pas bien et utilement mesnager Jes consequences de l'estat et vouloir qu'on mette cuire là dessus? Et puis laissez manier l'estat à des prestres, la pluspart desquels mesurent toutes choses plustost par utilité particuliere d'eux et de leurs maisons que par celle du service du roy.

Ce bon prince et prelat estoit si passionné pour faire tomber le souverain maniement de l’estat à son frere, qu'il ne taschoit qu'à ruyner et reculer tous ceux qui pouvoient, comme le mareschal, faire quelque contrecarre à la grandeur des siens ou à leurs desseins. Et de faict il n’y eut ordre, quoy que je sceusse dire, qu'il voulust permettre que les sieurs de Gondrin, de Gourdon et Francisque Bernardin fussent gratifiés de la gendarmerie que Sa Majesté leur avoit tant de fois accordée , ny depuis aussi les seigneurs de Pavan, lieutenant du mareschal, Montbazin, baron des Adrets , et capitaine Bonval, . que le mareschal recommandoit pour leurs services : de maniere que ceux-cy quitterent depuis leurs charges, comme aussi fit ledict sieur de Pavan la lieutenance du mareschal, qui demeura presque sans gens et sans l'assistance de pas un seigneur de marque, et, qui fut le pis, sans argent pour payer les soldats d'environ six mois qui leur estoient deus : et comme un mal ou une desdicte est tousjours suivie de l’autre, il advint en ce mesme instant que le vidame de Chartres,

enclin au remuement de mesnage, envoya

offrir au roy, par Lodun, de luy mener douze cens François, autant d'Italiens, et deux cens chevaux, sans toutesfois defournir les forces qui estoient en Piedmont, my sans en parler au mareschal , qui luy pouvoit aider à parvenir à ce poinct plus à son aise qu'il ne sceust faire depuis. | |

Mais le cardinal, qui sceust que le mares- Chal avoit trouvé mauvais ceste proposition , se servit depuis du vidame comme d'un in-

strument propre à donner au roy mauvaise

odeur des actions du mareschal, ou à les infirmer par quelque moyen; et toutesfois le roy, qui aimoit fort particulierement le mareschal , n'y adjousta jamais fois : je diray davantage (selon que je decouvris depuis), que, si le mareschal eust à contre fin faict

contenance de ne pas desirer d’aprocher du

roy, glissant doucement sur ce qu'il en pensoit, le cardinal n’eust jamais pensé à le ravaller , ains il se fust efforcé de le gratifier et conserver pour ami et serviteur de luy et des siens ; mais, remarquant de près la grandeur de ses merites et de sa valeur, et l'amitié couverte que le roy luy portoit , ils ne purent jamais permettre, n’y qu'il s’aprochast de Sa Majesté, ny qu'il fust secouru des moyens qui le pouvoient faire voller plus haut. Voilà comment l'ambition mesnage tousjours les af.

faires au prejudice du maistre : à la verité

celuy est mal advisé qui aux affaires d'estat

s'asseure en l'amitié de celuy qui a la puissance en main, car elle faict tousjours oublier et la justice et le respect, pour faire place à la convoitise, sans respect de parentage ny d'amitié à l'espreuve. Il n’y a celuy peut estre qui ne clochast comme eux pour maintenir ceste souveraine auctorité et disposition qu'ils avoient en main.

“Tant il y a que le roy n'adjousta toutesfois jamais foi à chose qui luy fut rapportée, ains trouva boncequ'illuy en avoitmandé : c'estque M. le vidame n'avoit autremoyen d'accomplir sa promesse que par la ruyne de ce peu de forces qui estoient restées en Piedmont, mesmes aujourd'huy qu'il avoit envoyé encor au roy les douze enseignes de Suisses restanies , CC qui avoit tellement desgarni toutes les places, et tant afloibli ce peu de forces qu'il avoit en campagne , que l'ennemi fcroit