LIVRE HUITIÈME

quand l'estat commun est destruict,

au fond de la Flandre, et luy emporter quelque bonne place.

» D'alleguer que ce sont choses aisées à discourir , mais difliciles à executer , à position contraire il faut croire que le prince

guerrier , tel qu'est Sa Majesté, sçait assez

qu'il est plus aisé à faire cecy qu'il ne sera pas à l'ennemi de forcer tout à coup une ou deux places des siennes, ny de les fortifier et munir qu'avec temps et despences.

. » La quatriesme , que les grandes affaires

que Sa Majesté a depuis six ans en çà sur les

bras la pouvant rendre incommodée à l’entretenement d’une telle puissance, ledict sieur mareschal et tous ces seigneurs sont d'advis que dès maintenant Sa Majesté se face contribuer , en argent comptant , l’entier revenu d'une année de tous les archeveschés , eveschés, abbayes et prieurés qu'elle a cy-devant donnés. Si ceux qui les tiennent sont gens de bien et bons François , nul d'eux ne devra refuser pour un an ce que Sa Majesté leur a donné pour tousjours ; s'ils sont autres , il les en faut priver pour jamais comme ingrats au prince et avortons de la patrie, qui ne peut estre ruynée que ils ne le soyent aussi eux-mesmes : et pour y inviter un cha . cun, le mareschal, à la faveur duquel Sa Majesté a donné aux siens de trente à qua-

rante mil livres de rente, commencera le

premier de fort bon cœur; car, à la verité, ceux qui s’estiment bien asseurés en leur particulier ne sont pas moins destruicts que les autres ; et, par le rebours, si en la particularité il y a quelque mal, il se sauve avec la prosperité commune.

» Sa Majesté pourra aussi, par une » gracieuse remonstrance, tirer secours de toutes les bonnes villes de la France, jusques à huict ou neuf cens mil cscus pour le moins, qui serviront de premiere planche pour donner loisir au recouvrement des moyens particuliers de Sa Majesté; et là où il s'en trouveroit de renitentes, après que l'orage sera passé il les en faut chastier au double, comme perfides et ingrats à leur prince et la commune patrie.

» Pourra aussi, ou de gré ou de force, faire contraindre tous les fermiers , soit du

domaine ou des gabelles, à faire advance d'un quartier de leur ferme.'

» Pareillement, de pré à gré, tirer de toutes les chambres des comptes, thresoriers de France, generaux des finances, receveurs, payeurs et autres , un quartier de leurs gages par advance. En bien mesnageant les affaires, et sans permettre que les thresoriers, Îles pensées desquels ne s’estendent pas plusavant que leur vie, fassent la moindre bresche du monde aux finances qui seront ainsi assemblées, Sa Majesté aura bien tost en main trois ou quatre millions d'or, qui porteront en avant la guerre pour plus de deux années, gans ce que, comme dit est, Sa Majesté recouvrera de main en main de ses revenus , se souvenant qu'en affaires d'estat si pressans que sont aujourd'huy ceux-là, il faut proceder extraordinairement, sans esgard ou acception de personne. Qui ne sauve la teste perd bientost tous les membres.

» D'alleguer, comme quelqu'un pourroit faire, qu’il y a du danger d'appuyer sa fortune sur des forces ainsi nouvellement levées, les François ny les Suisses ne peuvent recevoir ceste distinction ou accusation , car leur inveterée affection portera des regrets de ce desastre, qui leur imprimeront un courage extremement eslevé à reparer les fautes et à reduire toutes choses en seurté. Ces desastres sont ceux , à la verité, qui apprennent tousjours mieux que ‘nuls autres l'art et l'industrie à sagement et utilement guerroyer et à garder l'ordre et la discipline, sans lesquels les armes ne prospererent jamais gueres.

» Que le commandement que Sa Majesté fait aujourd'huy de luy envoyer ‘tous les ‘Suisses et la pluspart de la gendarmerie qui est en Piedmont, n'est pas medecine gueres propre à guerir les recentes playcs; mais plustost pour ouvrir le chemin à l'ennemi pour en faire de nouvelles ; et sans toutesfois en tirer le secours que Sa Majesté pretend; en voicy la raison : Ce qu'elle tient de deçà luy a tousjours servy, non seulement d'augmentation d’estat, mais aussi de bride trèspropice à faire teste à l'empereur sur ce qu'il entreprenoit contre la France et l'Italie,

» D'ailleurs les forces sont aujourd'huy tellement diminuées par le continuel travail,

MÉMOIRES DE BOYVIN DU VILLARS

par les maladies, et surtout parla faute de payemens, que le nombre n'en estsi grand ny si robuste qu'elle pourroit estimer. Le chemin qu'ils ont à faire veut pour le moins six semai

nes pour se rendre vers Sa Majesté , mesmes parmy les grandes chaleurs d’aujourd'hav, lesquelles reduiront le nombre à la moitié, et ceste moitié, quand elle arrivera , sera debiffée; qu'il luy faudra autres trois sepmaines et de l'argent pour se reposer et remettre.

» Les affaires en ceste course de temps ou se seront remis en bon estat, on ils seront raynés tout à faict : si en bien, comme on espere en Dieu, cé secours aura esté inutile à la France, et très-dommageable à ce qui est de deçà; si en mal, ç'aura esté ou perdre ou par trop affoiblir ce qui pouvoit faire diversion et aider à remettre toutes choses en bon train. A dire veritablement ce qui en est, c'est proprement et fort inconsiderément vou-

loir de toutes parts mettre tout sur le tablier,

sans y apporter le jugement des consequences et presentes et futures de l'estat. Et neantmoins, pour obeir à Sa Majesté, il a esté resolu de diligemment envoyer treize enseignes des meilleures desdicts Suisses ; mais quant à la gendarmerie, de le vouloir faire aussi, ce seroit jouer à quicte et au doubte pour le regard de ce pays; et pat ainsi teur acheminement sera retardé jusques à nouveau commandement de Sa Majesté, vers Hquelle, en tout evenement , elle sera aussi-tost que les Suisses. |

» Que le sieur de Termes partira soudain, suyvant le vouloir de Sa Majesté, et fera marcher quant à luy, et les Suisses et les eapitaines françois qui ont esté choisis pour

faire nouvelles levées en cheminant. Mars

quant à M. d'Ampville, lequel ne s'est peu trouver en ceste assemblée pour quelque indisposition , et pour le regret de son lieutenant qui fut hier tué , ces seigneurs luy porteronfla lettre de Sa Majesté, et le consoleront sur la blesseure et prison de son père, pour le faire suivre ledict sieur de Termes.

-» Remonstrera ledict Boyvin que nousavons, par l'advis mesme de M. de Termes, dépesché deux de nos capitaines en Suisse pour en diligemment lever trois mille , tant pour remplir les treize enseignes qu'elle demande

jusques au nombre de quatre mille , que pour du reste remplir aussi celles-cy.

» Ne sera oublié de remonstrer que ce n'est pas tout que de recognoistre, comme Sa Majesté faict, les maladies de l'estat, parmy lequel on ne peut faillir deux fois, mais bien d'y remedier auparavant qu'elles soyent devenues incurables, comme sont aujourd'huy celles de Piedmont, si souvent etsiimportunement remonstrées , et auxquelles toutesfoison n'a jamais tenu compte de remedier que par boutades. Or, si le mal estoit lors reduict au desespoir, il l'est encare aujourd huy davantage, en tant que tant s'en faut que Sa Majesté y vucille apporter le remede convenable , qu'au contraire elle l'augmentc, en despouillant la province des plus precieux ornemens qui luy estoient demeurés, pour Ja mettre du tout en chemise ; et lors que l'ennemi, se renforçant comme il faict, nous privera du tout des grands adÿantages que nous avions sur luy, et peutestre de quelques bonnes places aussi.

» Le mareschal sçait bien que la teste et le corps sont plus precieux que les autres membres , et que le serviteur doit tousjours faire joug aux volontés du maistre, comme aussi faict-il ; que, pour demeurer discoulpé du mal qui en peut advenir, il luy est tousjours permis d'en faire , à heure convenable, les remanstrances necessaires; bien marri qu'on ne l'ait jugé aussi propre que d'autres pour aller sacrifier sa vie au service de son prince et seigneur naturel, auquel àl a tant ét tant d'obligations.

» Quoy qu'il y ait, ledict Boyvim, parlant particulicrement au roy, suppliera Sa Majesté ne vouloir jecter ke manche après ka coignée, comme on veut qu'elle fasse, et eroire que , si son plaisir eust esté de demeurrer ferme en la résolution qu'elle avoit prinse d'appeler ledict mareschal auprès d'elle, que celuy qui en a esté cause, ny tous les siens ensemble, ores que grands, valeureux et af.

fectionnés princes , ne l'eussent sceu peutestre sersir avec plus de courage ny de fidelité qu'il cust faict et fera jamais, sa propre vie ne luy estant chere, sinon autant qu'elle pourra servir à son maistre et à son estat aussi.

» Surtout ramentevra à Sa Majesté, de la