LIVRE NEUVIÈME

aussi osté l’enu du fossé, ils visdrent à la sappe , laquelle le capitaine Quenson vouloit deflendre, comme personnage auquel chacun avoit grande creance ; mais il fut tué, à la mal-heure pour la place , car les habitans entrerent lors en telle craime et defliance, qu'ils vindrent trouver le gouverneur, le prians, les ‘choses estant reduites à tel desespoir qu'elles estoient, ne s'obstiner hors de raison pour perdre la ville et la vie, tous leers biens, femmes et enfans. A la premiere abordade, le gouverneur et les capitaines les rebrouerent fort; mais à la seconde recharge, suivie des femmes et enfans , ne cessans de braire, ils se laisserent non seulement emporter à rendre la place à bagues sanfves, mais aussi le gouverneur mesme en sortit dehors avant que celuy qui estoit allé capituler fust retourné. S'estans depuis venus presenter au mareschal , il les fit mettre prisonniers, et commanda que leur procès fast faict, pour estre punis selon que le roy en ordonneroit.

Donnant advis à Sa Majesté de ceste perte, il luy manda aussi que toute la gendarmerie et cavalerie , n'estant pas moins pauvre que la fanterie , s’estoit allé rafraischir ès vallées prochaines de Pignerol ; que s'il venoit quelque argent , il le distribueroit aux uns et aux autres pour essaver de les tirer en campagne avec l'aide de la munition qu'il faisoit préparer ; que par six lettres interceptes qu'il envoyoit à Sa Majesté elle apprendroit que l'ennemi faisoit party d'argent à Anvers, à Besançon, en Auguste, à Naples, Gennes et Milan, pour pouvoir entretenir deux grosses armées en Flandre et en Piedmont, dans lequel on remuoit desjà plusieurs practiques de la part de M. de Savoye, en intention de tellement necessiter Sa Majesté, qu'elle soit contrainte de demander la paix, ou d’endurer leurs bravades ; que pour prevenir tous ces mconveniens, Sa Majesté ne sçaurdit mieux faire que de regarder de tirer aussi de son costé argent de Nantes, de Tours, de Lyon, de Paris ct de Rouen, à quelque onereux parti que ce soit, afin de repousser ces orages, et les induire eux mesmes à chercher la paix, laquelle il ne faut jamais demander qu'à cheval et l’espée au poing. |

# Advertissement du 2 septembre : que leroy est depuis le dernier jour du mois passé en son camp, qui est planté tout auprès des portes d'Amiens, estant derriere luy la riviere de Somme qui separoit le sien et celuy du roy d'Angleterre ; « et maintenant entre ces deux armées il n'y a qui puisse empescher qu'elles ne s'approchent de bien près : la grandeur des tranchées est telle, que nous n'en avons veu de nostre age de semblables, et ce qui les nous a faict faire telles est le grand nombre de gens de cheval que nous avons, qui n'est moindre que de quatorze à quinze mil chevaux , et plustost d'avantage ; et quant à nos gens de pied nous les pouvons presentement compter jusques à trente-cinq mil hommes seulement; mais, ayant faict rentrer dans ce camp les compagnies qui sont en garnisons des villes prochaines, qui sont, ainsi que nous cognoissons , hors de la doute du siege , nous n'’aurons pas moins de quarante mil hommes de pied. Et eux semblablement ont leurs forces , qui se peuvent dire pareilles aux nostres , logées à cinq lieues de nous seulement, et tiennent toute telle contenance que nous, se retranchans ainsi que nous, faisans comme s'ils avoient crainte d'estre assaillis et de venir combattre. Or si par devers eux ils font courir bruit d’une bataille, je vous puis bien asseurer que tout ce qui est de nostre costé est en aussi bonne devotion de combattre et bien faire qu'il est possible quand la fortune se presentera. Toutesfois il semble, selon l'opinion et jugement de beaucoup de nous, que ces deux armées s'en abstiendront, et qu'au lieu de ce faire quelque bonne paix nous sera moyennée, de laquelle je vous diray comme les fondemens se jettent. Je vous ay mandé cy devant que M. le mareschal de Sainct-André estoit retourné en Flandres, où il à eu congé de communiquer avec M. le connestable , lequel le roy Philippes a faict venir de Gand à Arras, où il a faict loger ledict sieur avec mondict seigneur le mareschal de Sainct-André et M. l'admiral, qui desjà sont assemblés audict lieu avec le conseil dudict roy et madame de Lorraine, pour mettre en avant les propos de pacifier nos affaires; dequoy nous attendons bonne issue, tant pour ce que nostre roy en a plus ouver-

MÉMOIRES DE BOYVIN DU VILLARS

tement que par le passé declaré sa volonté à ce coup-cy, comme aussi il n'est pas fort vraysemblable que sans une grande asseurance d'icelle il eust esté permis à mondict sieur le connestable de s’aprocher si près de nous, ayant moyens dese rendre amy de ses gardes pour les amener pardeçà quand et luy ; aussi qu'à bien prendre les affaires ladicte paix n'est moins necessaire à nos ennemis qu'à nous-mesmes.

» J'ay bien voulu vous prevenir de ces

propos pour vous faire entendre le preparatif où nous en sommes; car, advenant la conclusion d'icelle, je remettray cela aux advertissemens qui vous en sont faicts de la part du roy ; mais bien vous diray-je que ce qui mettra les choses en plus de longueur, c'est l'interest particulier de M. de Savoye , auquel l'on fit bonne recompense pour son pais de Piedmont, de laquelle s'il ne se vouloit contenter, possible que les estats de pardelà ne se voudront aussi tant empescher de son faict qu'il voudroit bien : de tout cest affaire nous esperons que dans huict jours la resolution nous en viendra par la venue de l'un des nostres que je vous ay nommés. Mais, cependant que nous nous tenons sur nos gardes, noëtre frontiere est fort foulée de la compagnie qui y est, laquelle , si nous avons encores à y estre longuement, sentira une grande ruyne. Il y a parmi nous beaucoup de malades , tant de seigneurs qu'autres , de flux de ventre et de fievres ; mais il n°'en meurt pas beaucoup , Dieu merci. Le roy, de sa part , a senti le brouillard qui court la nuict en ce pais, et en a prins un rume qui luy est descendu sur les doits, dont il a esté mal dès hier, et encores aujourd'huy s'en est senti; qui l'a contrainct de garder la chambre. Je ne veux oublier à vous dire qu'en ce jour personne n'y a peu entrer, Sinon ceux de Lorraine , qui ont osté à tous la commodité de le voir ni approcher. Il a aussi ce jourd'huy esté joué un mistere que je ne veus celer ; c'est que ce matin, ledict seigneur estant en sa chambre, l'on a faict pourmener le dauphin parmi le camp avec la cornette du roy : je ne sçay à quoy peut servir cela, sinon que ceste maison luy veut faire cognoistre

son credit pour l'alliance qu’elle a avec luy. »

Que le 6 septembre il avoit envoyé le ca-

pitaine Montzeriez, brave gentil -homme, enseigne de la gendarmerie du vidame, vers Ravel, pour rompre les vivres qui venoient de ce costé-là aux ennemis; lesquels voulant resveiller sans bien les recognoistre, il donna dans une embuscade où, après avoir bien combattu , il fut, porté par terre et dix des siens que prins que blessés ; qu'en ceste consideration il a accordé au capitaine Jerome , de Thurin , lieutenant de ceste compagnie, le bourg de Javin pour l'aller redresser et rafraischir : ce sont fortunes de guerre auxquelles chacun est subject, la revanche n’en est pas irremediable ; que si Sa Majesté n’a necessairement affaire de messieurs les prince de Condé, d'Ampville , et de tous les autres seigneurs qui sont de delà, il la supplie très-humblement les renvoyer incontinent tous en Piedmont, où ils trouveront le marquis de Pescaire, qui leur donnera assez souvent de quoy esbattre leur valeur.

- Qu'elle vueille aussi ordonner que tous capitaines qui auront abandonné trois mois de suilte leurs compagnies soient cassés, afin que chacun aprenne à faire son devoir , ou à quitter sa charge à un autre.

Que l’estat de sergent majeur estant à pourvoir, il avoit chargé le sieur Francisque Bernardin de supplier Sa Majesté de tant faire que M. le prince de Condé y nommast le capitaine Bonnal , qui l'estoit à Casal du vivant de Salveson, et que c’estoit le soldat de France qu'il en cognoissoit le plus digne, pour sa valeur, jugement et diligence.

Le mareschal, ayant sondé de plus près d'où estoit procedée la perte de Cental, avoit trouvé que c’estoit la pure lascheté du gouverneur, peu accoustumé aux armes , et mis en ceste charge par autre tesmoignage que le sien, lequel il envoya à Sa Majesté pour le faire chastier comme elle adviseroit; mais la faveur le sauva du supplice qu'il meritoit.

: L'ennemi peu à près fit raser la forteresse et la ville mesme, qui pouvoit endurer deux, voire trois assauts, n'ayant faute de rien que de bon courage. Ils en tirerent tous les bleds, qu'ils envoyerent à Fussan et à Cony, près duquel nous avions les chasteaux de Demonts, Roques Parviere et Rocayion, lesquels l'en-