LIVRE NUVEIÈME

nemi envoya forcer: dans cestuy-cy estoit le capitaine Cadillan avec cent hommes, qui endura la batterie et deux assauts; au troisiesme il fust emporté, vendans tous ceux qui estoient dedans bien cherement leur peau: le capitaine et aucuns des soldats se sont depuis sauvés.

Si tost que l'ennemi eust achevé l’avictuaillement et la reddition de ces chasteaux, il tourna teste du costé d’Ast, pour aller assaillir Montcalvé ou Valence, dont les Milanpois, qui avoient fourni argent, le sommoient avec grande instance : mais en s'en retournant vers Ast par le mesme chemin qu'il estoit venu, de rage et de despit il fit brusler et ruyner le village de Cerizolles, en haine des combats qu'ils y avoient perdus, le premier sous M. d'Anguien , et le dernier par les mains du sieur de Gonnort. Ils allerent faire leur nouvelle assemblée en Ast, pour recevoir les trouppes italiennes qu'il avoit faict lever.

De tout cecy le mareschal bailla advis à Sa Majesté, et de quelques autres particularités, la suppliant que là où elle desarmeroit, qu'elle le veuille soudainement secourir de six ou sept compagnies de gendarmerie , de quatre mil hommes de pied, et du mesme argent qu'elles luy a n’agueres promis par Plancy.

Le sieur de Montfort, gouverneur de Valence , donna advis au mareschal que domp Alvaro de Sande estoit parti de la Pievé du Cairo avec cinq enseignes italiennes et deux de lansquenets, avec lesquels il s'estoit venu percher à Bassignave ; que, sur ceste nouvelle, il avoit depesché Scipion Vimercat, avec deux cens chevaux et quatre cens fantacins des meilleurs, pour les aller resveiller ; mais qu'ils l'avoient trouvé parti, fors quarante pauvres lansquenets qui avoient porté tout le malheur: qu’assurement l'armée ennemie prenoit le chemin de Montcalier, pour entrer dans lequel, avec six compagaies, il

avoit depesché La Curée, brave et vigilant

capitaine ; que s'il n'y pouvoit entrer, qu'il se jettast dans Casal, pour avec ses carabins faire la guerre à l'œil ; que cependant on fera travailler pour jecter mil sacs de bled dans Valence , outre ce qui y entra hier.

Que le sieur de La Curée estant parti de Valence pour s'aller rejoindre à Scipion de

Vimercat, qui estoit parti peu devant luy pour aller du costé de Montferrat donner quelque venue à des trouppes qui y estoient logées , que la nuict l'avoit surprins si avant, qu'une trouppe des siens, ne prenant garde à suivre à la file, s'estoit escartée ; quoy par luy recogneu, il avoit envoyé douze des siens pour en avoir des nouvelles et les redresser ; qu'ils avoient trouvé leurs compagnons engagés au combat avec de la fanterie italienne, qu ils avoient si fort chargée , que le jeu se demesla avec la perte de cinq des leurs seulement, ores que les ennemis fussent grandement superieurs de nombre : si le mesme La Curée y fust arrivé à temps, l'advantage du jeu luy fust demeuré.

Le 26 septembre Sa Majesté fut pareillement advertie que l'ennemi s'estoit allé camper devant Montcalvé, dans lequel il y avoit force gens de bien, et qui feront fort bien leur devoir; mais toutes fois que Sa Majesté ne hairra, s'il luy plaist, de se souvenir qu'il n'y a place, à la longue , pour bonne qu'elle soit, qui ne soit en fin emportée si elle n’est secourue ; et que le sieur de Pequigny, pouvernour dudiet Montcalvé, qui estoit arrivé deux jours après le siege, estoit entré dedans avec les guides qu'il luy avoit baillées ; et a par luy escrit à tous les capitaines.

Que les maladies commençoient en Piedmont à s attacher aussi bien aux grands que aux petits, et entre autres les sieurs de Terride , Montbazin, de La Molle, de Lyoux, et capitaine Loup, capitaines de bonnes places, l'estoient tous, qui plus qui moins; et que, pour achever la farce, les gouttes l'avoient aussi saisi.

Du vingt-huictiesme, respondant à messieurs les cardinal de Lorraine et duc de Guise, qui luy avoient mandé qu'ils estoient après à regarder comment ils le pourroient secourir et d'hommes et d'argent, il les supplia de vouloir, à ces fins, voir le memoire qu'il avoit envoyé au commissaire Plancy, par lequel ils pourroient peut estre mieux recognoistre qu'ils ne faisoient pas , le danger eminent, et aussi les choses plus pressées dont il faloit pourvoir aux uns et aux autres, eomme il les supplioit vouloir faire ; le sommaire duquel memoire estoit tel ;

« Que puisque le roy et eux avoient visiblement recognu que tous les pourparlés de part qui avoient esté mis en avant de la part des Espagnols n'avoient esté à autre fn, comme il avoit souvent mandé , que pour empescher que Sa Majesté ne pourveust, comme elle n'avoit faict, aux affaires d'Italie, pendant qu'ils y eavoyoient tout le gros de leurs forces , il supplioit Sa Majesté et eux aussi envoyer lant de forces, qu'il puisse non seulement secourir Montcalvé, mais le reprendre aussi , si Dieu permettoit qu'il se perdist , et de main en main aller aussi attaquer Tortone, et puis fortifier Felissan, qui assiegeroient Ast et Alexandrie, et tout ce qui est de la duché de Milan au delà du Pau et du Taaare, pour puis aller tousjours sur le sien jusqu'à Plaisance ; qu'en ce cas il faudroit envoyer argent pour les gens de guerre qui sont en Piedmont, auxquels il cest deu de cinq à six mois, et le payement pour deux mois à ce renfort, qui autrement deviendroit à charge, et non pas à renfort: qu'il valoit mieux despendre pour un bon coup deux cens mil escus, pour advancer à bien accommoder ses affaires, que d'en despendre après huict ou neuf cers mil pour reparer les fautes et les dommages receus; que il n'estoit jamais rien tel qse de tenir de bonne heure sa maison close et couverte aux injures.

» Quant à la foree , qu'il lay suffra de trois mil nouveaux Suisses diligemment levés, payés, et envoyés.

» Les quatre mil legionnaires de Dauphiné, dont le baron des Adrets est colonnel.

» Douze cens chevaux, tant hommes d'armes que reistres, le tout avee leur solde.

» Deux cens chevaux d'artillerie, et cinq cens pionniers de Berry.

» Que M. le prince de Condé , venant exercer sa charge, amenast doaze bonnes compagnies françoises nouvellement levées, et qu'à son arrivée il en casseroit autant des moins complettes, qui rempliroient les autres; et si la despense n'en augmenteroit point.

» Supplia très-humblement Sa Majesté de croire que si son plaisir estoit de le diligemment renfureer de cela seulement qui est