LIVRE DIXIÈME

travailleroient et de corps et d'esprit à le mesnager à l'utilité et grandeur de Sa Majesté, laquelle en ses affaires, qui vouloient une prompte et subite resolution, se laissoit gai gner et accabler par le temps qui desroboit l'argent et les occasions ; car auparavant les inconveniens de Cental et Montcalvé , preveus et tant de fois remonstrés, elle eust peu avec trois cens mil livres, employées pour un bon coup, non seulement les divertir, mais peut estre aussi porter sa frontiere à demie journée de Milan et à deux de Gennes, qui servoient d'abendante fontaine aux ennemis pour faire teste aux forces de Sa Majesté, ce que lors ils n'eussent peu faire, ct, ne le faisant pas, leurs crieries à l'endroict du roy d'Espagne eussent apporté une glorieuse paix.

Que par l'estat de ce renfort, Sa Majesté couchoit ce qui est au Piedmont pour cinquante enseignes de François et vingt et une d'Italiens, celles-cy à raison de cent cinquante hommes , et les autres de deux cens, sur lesquelles la longueur de la necessité et des travaux avoit apporté tel déchet, qu'il ne pouvoit compter tout cela que pour six mil hommes , et qui se faisoient acheter , recognoissans la difliculté et la despence qu'il y a à en faire venir de France; que la mesme tare estoit parmy la gendarmerie et la cavalerie , auxquels il estoit deu de sept à huict mois, et la pluspart sans capitaines; qu'il n'y avoit que les Suisses et lansquenets qui estoient assez complets , mais que ny les uns ny les autres ne se pouvoient remonter ny reprendre courage, si les uns ne touchoient un quartier, et la fanterie un ou deux mois à un seul coup; qu'il y avoit beaucoup plus d'utilité de prendre pour un notable effect, tel qu'’estoit celuy qui se presentoit, trois cens mil escus à interests, que d'en payer peu à peu , et par morceaux , quatre cent mil qui ne profiteroient de rien et qui nc contenteroient personne. |

Qu'il y avoit quatre ou cinq places dont les gouverneurs estoicnt absens , comme aussi estoient dix ou douze capitaines de fanterie, tous lesquels ne tenoient compte de s'en revenir si Sa Majesté ne le Îeur commandoit fort expresscment.

* Que si Sa Majesté avoit recogneu que les services du sieur de La Motte Gondrin eussent merité la compagnie de gendarmerie qu'elle luy avoit promise il y avoit plus d'un an, que ce lny estoit aujourd'huy une fort grande defaveur d'en avoir veu passer cinq avant luv ; l'exemple duquel en descourage beaucoup d'autres par les services que chacun sçait quil a rendus.

Qu'il supplioit Sa Majesté commander au sieur de Bellegarde de s’en revenir diligemment en Piedmont, d'autant que c'est un gentil-homme de telle prudence et valeur, qu'il est fort bon à jecter dans les places où les ennemis se pourroient addresser.

Se plaint aussi que quand il faict quelques remonstrances sur la necessité des deniers, qu'on luy mande tousjours que c'est tout ce qu'on a peu faire pour luy, tout ainsi que s’il s'agissoit en cest endroict, non de l’interest de Sa Majesté , mais du sien en particulier , duquel toutesfois il faict si peu d'estat, qu'auparavant de se plaindre de ses necessités, quoy qu’extremes, il vendroit plustost son bien paternel ; mais que quant à l'affection envers son prince, elle estoit telle, qu'il voudroit que la force de ses bras et de son courage servissent tous seuls d'une puissante armée à Sa Majesté , car lors il ne lairroit pas Casal ni Valence en l'extremité qu'ils estoient, et dont Sa Majesté mesme ne tenoit compte, puis que depuis trois mois on le va tousjours amusant et apastant de promesses sur le secours d'hommes et d'argent, sans toutesfois, estant desjà entré dans le quatriesme mois, qu'il voye esperance ny apparence en l'un ny en l’autre : qu'au bout de la carriere ce ne sera pas luy qui perdra, mais bien Sa Majesté, et avec telle dereputation qu'un mal sera la suitte et la consequence de l'autre ; qu’en surçoyant, comme on faisoit, les provisions sur les incertaines esperances de la paix, il falloit considerer avec l'œil dela prevoyance , qu'en ne succedant puis après il faudroit lors se reduire tout à la haste à ces provisions, etavec double despence, et par deux ou trois ans entretenir, qui seroit le pis, de grosses et puissantes armées pour recouvrer Ce qu'on auroit negligemment perdu , et avec despence de trois ou quatre millions d'or, au lieu de

(15591 quatre cens mil livres qui sufliroient maintenant pour tout sauver et regler.

Que M. le duc de Somme s'est retiré de Piedmont emmenant tout son train , avec resolution de tuer le colonnel Cheramont , qui faièt l'estat de maistre de camp de la fanterie italienne , en quelque part qu'il le trouvera; qu'à la verité c'est un personnage lequel, tout impotent qu'il est, ne peut compatir avec personne; qu'il est necessaire d'en pourvoir d'un autre à sa place, et renvoyer ledict sieur duc de Somme si la guerre doit se continuer , estant prince de jugement et de service. Voilà sommairement tout ce qui se passa durant Îles trois mois de mon absence.

Le vingt-quatriesme mars, il manda à Sa Majesté avoir receu l'advis qu’elle lui donnoit de la conclusion de la paix que je luy avois porté; qu'il en avoit loué Dieu de tout son cœur , et d'autant plus volontiers qu'il comprenoit qu'elle estoit fort au contentement de Sa Majesté , laquelle ilsupplioit très-humblement luy renvoyer le sieur de Gonnort son frere pour luy aider à l'executiond'icelle; mais que surtout il estoit très-necessaire qu'elle pourveust, non tant au licentiement des gens de guerre comme au payement qu'il estoit necessaire leur faire auparavant que d'en parler ; autrement ils s'empareroient ou saccageroient quelques villes, dont elle recevroit infiny desplaisir , à la consideration de M. de Savoye, que elle devoit recevoir à beaufrere.

Que pour contenter Sa Majesté et tons les princes et seigneurs qu'elle avoit receus en amitié , il estoit necessaire qu'elle luy envoyast par le sieur de Gonnort tous les memoires et instructions sur tout ce qu'il auroit à executer et ordonner dudict traicté de paix, avec les descharges qui estoient necessaires, et sans lesquelles il ne pourroit rien entreprendre ou executer.

Remonstra pareillement à Sa Majesté que les sieurs de Sanfré, de Morette, d'Ormée, comte de Dezane , et plusieurs autres gentilshommes, tant du Montferrat que du Piedmont, avoient fort fidellement porté les armes au service de Sa Majesté , et que si elle n'en obtenoit la grace avec la jouissance de leurs biens, qu'ils demeureroient du tout ruvnés;

qni seroit un cxemple de dangereuse consequence et pour le present, et pour le futur aussi ; et qu'il n’y avoit meilleur remede que de coucher un article dans le traicté de paix, par lequel tous bannis de Naples, de Sicile , de Milan, de Piedmont et du Montferrat, pour quelque cause que ce soit, seroient réintegrés en leurs biens et charges, et tous ceux aussi qui ont de costé et d'autre porté les armes en ceste derniere guerre.

Que Dieu ayant opportunément concedé à Sa Majesté la paix si necessaire à la France, et à toute la chrestienté, qui devoit estre publiée le sixiesme avril, conforme à ce qu'elle luy mandoit par Boyvin, il en avoit faict rendre graces et benedictions publiques à sa divine majesté par cantiques et processions , par feux de joye de tous costés, et par salves de canonnades ; que luy-mesme en particulier en avoit faict encores de mesme, avec supplications très-devotes à ce qu'il plaise au Souverain donner à Sa Majesté tout le contentement et toute la consolation qu’elle doit attendre des grandes alliances qu'elle a contractées et avec le roy d'Espagne , et avec M. de Savoye, et la grace aussi à eux tous de porter un jour leurs armes contre les Infdelles, agrandis par la dissention des chrestiens, parmy lesquels, adorans un mesme Jesus-Christ , il ne peut succeder alteration sans que l'eglise catholique n’en reçoive quelque ruyneux prejudice.

Publication de la pais de l'an 1559.

« On faict sçavoir à tous que bonne , ferme, stable et perpetuelle paix, amitié et reconciliation est faicte et accordée entre trèshault, très-excellent et très-puissant prince Henry, par la grace de Dieu roy de France très-chrestien, nostre très souverain seigneur; et très-haut, très-puissant et très-excellent prince Philippes, roy des Espagnes; aussi très hauts, très-excellens et très-puissans prince et princesse , François et Marie, roy et royne d'Escosse , daulphine de France ; et très haute et très-puissante princesse Elizabeth, royne d'Angleterre, leurs vassaux, sujets et serviteurs , en tous leurs royaumes, pais , terres et seigneuries de leur obéissance; et est, la dicte paix , generalle et communi-